স্প’ৰ্টছ ডেস্ক, 21 আগষ্ট: পাকিস্তান আৰু বাংলাদেশৰ মাজত দুখন মেচৰ টেষ্ট শৃংখলাটো আজিৰে পৰা আৰম্ভ হৈছে । মেচৰ পূৰ্বে পাকিস্তানৰ তাৰকা দ্ৰুত বলাৰ শ্বাহিন আফ্ৰিদীয়ে প্ৰকাশ কৰিছে এক বিশেষ বিবৃতি ৷
খেলুৱৈগৰাকীয়ে এই বিবৃতিটোত টীম ইণ্ডিয়াৰ অভিজ্ঞ বেটছমেন বিৰাট কোহলীক উচ্চ প্ৰশংসা কৰিছে । শ্বাহিনে টি-20 বিশ্বকাপ 2022 ত পাকিস্তানৰ বিৰুদ্ধে কোহলীৰ অপৰাজিত 82 ৰাণৰ ইনিংছটোৰ কথা মনত পেলাই ইয়াক সৰ্বশ্ৰেষ্ঠ ইনিংছ বুলি উল্লেখ কৰিছিল ৷
কোনটো ইনিংছক বিৰাটৰ শ্ৰেষ্ঠ ইনিংছ হিচাপে স্বীকৃতি
শ্বাহিন আফ্ৰিদীয়ে ষ্টাৰ স্প’ৰ্টছৰ সৈতে হোৱা বাৰ্তালাপত প্ৰকাশ কৰে যে, "বিৰাট কোহলীৰ 82* ৰাণৰ ইনিংছটো মোৰ বাবে সৰ্বশ্ৰেষ্ঠ । মই কেতিয়াও কোহলীক মোৰ কেৰিয়াৰত সেই ইনিংছতকৈ ভাল ইনিংছ খেলা দেখা নাই । বিৰাট কোহলী এজন মহান খেলুৱৈ আৰু কোহলীৰ দৰে এজন মহান খেলুৱৈয়ে এনেধৰণৰ ইনিংছ খেলিব পাৰে । সেই বলটো হাৰিছ ৰউফৰ শ্ৰেষ্ঠ বল আছিল আৰু তেওঁ এটা পোনপটীয়া ছয় কোবাইছিল, যিটো অবিশ্বাস্য আছিল" ।
পৰাজয়ৰ দিশে গতি কৰা মেচখনলৈ জয় কাঢ়ি আনিছিল বিৰাটে
শ্বাহিনে যিখন মেচৰ কথা উল্লেখ কৰিছে, সেইখন 2022 ত টি-20 বিশ্বকাপৰ সময়ত ভাৰত-পাকিস্তানৰ মাজত অনুষ্ঠিত হৈছিল ৷ অষ্ট্ৰেলিয়াৰ এম চি জি ক্ৰিকেট গ্ৰাউণ্ডত অনুষ্ঠিত মেচখনত ভাৰতে শেষ হাঁহি মাৰে ।
এই মেচখনত প্ৰথমে বেট ধৰি পাকিস্তানে নিৰ্ধাৰিত 20 অভাৰত 8 টা উইকেট হেৰুৱাই সংগ্ৰহ কৰে 159 ৰাণ । ভাৰতে এই লক্ষ্য আগত ৰাখি 20 অভাৰত 6 টা উইকেটৰ বিনিময়ত সংগ্ৰহ কৰে 160 ৰাণ ৷
Shaheen Shah Afridi said - " virat kohli is a great player. and great player like kohli could played such innings. that ball was haris rauf's best ball and he hit six on straight down the ground was unbelievable". (star sports). pic.twitter.com/IF42NhB9CP
— Tanuj Singh (@ImTanujSingh) August 21, 2024
এই মেচখনত এটা সময়ত ভাৰতৰ পৰাজয় প্ৰায় নিশ্চিত আছিল ৷ কিন্তু বিৰাট কোহলীয়ে সমগ্ৰ মেচখন পৰাজয়ৰ গৰাহৰ পৰা উদ্ধাৰ কৰি দলটোক বিজয় প্ৰদান কৰে ৷ এইখন মেচত কোহলীয়ে 53 টা বলত 154.72 ষ্ট্ৰাইক ৰেটত 6 টা চাৰি আৰু 4 টা ছয়েৰে অপৰাজিত 82 ৰাণ সংগ্ৰহ কৰে ।
Shaheen Shah Afridi said - " virat kohli's 82* runs innings, i have never seen a better innings than that kohli's innings in my career". (star sports). pic.twitter.com/WpXQK3P5YO
— Tanuj Singh (@ImTanujSingh) August 21, 2024
