স্পৰ্টছ ডেস্ক, 10 আগষ্ট : লণ্ডন অলিম্পিক 2012 ৰ ব্ৰঞ্জৰ পদক বিজয়ী ছাইনা নেহৱালে দাবী কৰিছে যে ভাৰতীয় ক্ৰিকেটাৰ জশপ্ৰীত বুমৰাহ তেওঁৰ স্মেছ (Smash) চম্ভালিব নোৱাৰিব ৷ এই মন্তব্যৰে ক্ৰিকেটৰ উপৰিও অন্যান্য খেলকো গুৰুত্ব দিয়া উচিত বুলিও তেওঁ দুখ প্ৰকাশ কৰে ৷
ছাইনা নেহৱালে ক্ৰিকেটৰ বিষয়ে কি ক’লে ?
উল্লেখ্য যে, কেইদিনমান পূৰ্বে কলকাতা নাইট ৰাইডাৰ্ছৰ অংকৃশ ৰঘুবংশীয়ে ছাইনাক ঠাট্টা কৰিছিল ৷ এতিয়া ডিলিট হোৱা টুইটৰ বাবে তেওঁ বহু সমালোচনাৰ সন্মুখীন হৈছে ৷ ৰঘুবংশীৰ মন্তব্যৰ ওপৰত পৰোক্ষ প্ৰতিক্ৰিয়া দি 34 বছৰীয়া খেলুৱৈগৰাকীয়ে ধেমালিতে কয় যে বুমৰাহ তেওঁৰ স্মেছ চম্ভালিব নোৱাৰিব ৷
শুভংকৰ মিশ্ৰৰ প’ডকাষ্টত নেহৱালে কয়, ‘আপুনি সেই স্তৰত কেনেকৈ বিৰাট হ’ব ? কেনেকৈ হ’ব ৰোহিত শৰ্মা ? বহু খেলুৱৈ তেওঁৰ দৰে হ’ব লাগিব ৷ সকলো হ’ব নোৱাৰে, তেওঁলোকৰ কেইজনমানহে এনেকুৱা৷ কিন্তু মই ভাবো ই অধিক দক্ষতা ভিত্তিক খেল ৷ মই যে তাত বল মাৰিব নোৱাৰিম সেয়া মানি লওঁ ৷ এনেও মই কিয় যশপ্ৰীত বুমৰাহৰ মুখামুখি হ’ম ৷ যদি 8 বছৰ ধৰি খেলি থাকিলোহেতেন তেতিয়া যশপ্ৰীত বুমৰাহক উত্তৰ দিলোহেঁতেন ৷'
বুমৰাহে মোৰ স্মেছ সহ্য কৰিব নোৱাৰিব :
2012 চনৰ লণ্ডন অলিম্পিকৰ ব্ৰঞ্জৰ পদক বিজয়ী নেহৱালে কয়, ‘যদি যশপ্ৰীত বুমৰাহে মোৰ লগত বেডমিণ্টন খেলে, তেন্তে হয়তো তেওঁ মোৰ স্মেছ ল’ব নোৱাৰিব ৷ নিজৰ দেশত এইবোৰক লৈ আমি আমাৰ মাজত কাজিয়া কৰা উচিত নহয় ৷ এই কথা মই ক’ব বিচাৰিছো ৷ প্ৰতিটো খেলেই নিজৰ নিজৰ ঠাইত শ্ৰেষ্ঠ, কিন্তু মই ক’ব বিচাৰো যে আন খেলকো গুৰুত্ব দিয়ক ৷ নহ’লে আমি ক্ৰীড়া সংস্কৃতি ক’ৰ পৰা পাম? আৰু আমাৰ গুৰুত্ব সদায় ক্ৰিকেট আৰু বলীউডত থাকিব ৷ দেশত এইবোৰক লৈ কোনো কাজিয়া হ’ব নালাগে বুলিও তেওঁ কয় ৷
লগতে পঢ়ক : কুস্তিত ব্ৰঞ্জ অৰ্জনেৰে অলিম্পিক পদক বিজয়ী সৰ্বকনিষ্ঠ ভাৰতীয়ত পৰিণত অমন চেহৰাৱত - Paris Olympics 2024
ক্ৰিকেট আৰু অন্যান্য খেলৰ তুলনা কৰিছে ছাইনাই :
নিখিল সিমহাৰ প’ডকাষ্টত ছাইনাই কয় যে, ‘ছাইনাই ইয়াৰ পূৰ্বে ছ’চিয়েল মিডিয়াত আলোচনা আৰম্ভ কৰিছিল যেতিয়া তেওঁ দাবী কৰিছিল যে ক্ৰিকেটতকৈ বেডমিণ্টন, টেনিছৰ দৰে খেল শাৰীৰিকভাৱে অধিক কঠিন ৷ যদি আপুনি দেখিছে, বেডমিণ্টন, বাস্কেটবল, টেনিছ আৰু নিশ্চিতভাৱে অন্যান্য খেলসমূহ শাৰীৰিকভাৱে অতি কঠিন ৷ শ্বাটল চাৰ্ভ ধৰিবলৈও সময় নাথাকে, 20 ছেকেণ্ড ধৰি দৌৰি থাকিব লগা হয় আৰু অতি জোৰেৰে উশাহ লয় লগা হয় ৷ ক্ৰিকেটৰ দৰে খেল এখনে সেই ধৰণৰ মনোযোগ পায় য’ত মই ভাবো যে ষ্টেমিনা বা চঞ্চলতাতকৈ ব্যক্তিগত দক্ষতা অধিক গুৰুত্বপূৰ্ণ ৷ সেই খেলখনে (ক্ৰিকেট) ইমান মনোযোগ পায় আৰু আন খেলবোৰে কিয় নাপায় ?
তেওঁ আৰু কয়, ‘অন্য খেলবোৰ অতি কঠিন ৷ কল্পনা কৰক যে খেলুৱৈসকল দুদিনৰ মূৰে মূৰে আঘাতপ্ৰাপ্ত হয়, তাৰ পিচত ভাল প্ৰদৰ্শন কৰে ৷ আপুনি নাজানে থাইলেণ্ড অ’পেনত জয়ী হোৱা সাতৱিক (ৰেংকি ৰেড্ডী) আৰু চিৰাগ (শ্বেট্টী)ক, প্ৰতিদিনে তেওঁলোকৰ সমস্যা হৈছিল, তেওঁলোকে টেপ লগাই দেশৰ হৈ খেলি জয়ী হয় ৷ এনে খেলুৱৈকো ক্ৰিকেটাৰৰ দৰে সন্মান কৰা উচিত ৷'
লগতে পঢ়ক : তেওঁ নিজৰ ভুল স্বীকাৰ কৰা উচিত : বিনেশৰ অযোগ্যতা সন্দৰ্ভত ছাইনা নেহৱালৰ প্ৰতিক্ৰিয়া - paris olympics 2024
