স্প’ৰ্টছ ডেস্ক, 20 অক্টোবৰ: বেংগালুৰুৰ এম চিন্নাস্বামী ষ্টেডিয়ামত ভাৰত-নিউজিলেণ্ডৰ মাজত অনুষ্ঠিত প্ৰথমখন টেষ্টত ভাৰতে 8 উইকেটত পৰাজয়বৰণ কৰে । ঘৰৰ মাটিতে সুদীৰ্ঘ 36 বছৰৰ পিছত টেষ্ট ক্ৰিকেটত পৰাজয়বৰণ কৰা ভাৰতৰ হাৰৰ সন্দৰ্ভত প্ৰতিক্ৰিয়া প্ৰকাশ কৰিছে টীম ইণ্ডিয়াৰ অধিনায়ক ৰোহিত শৰ্মাই ৷
অধিনায়কগৰাকীয়ে সদৰী কৰা অনুসৰি, ভাৰতে প্ৰথম ইনিংছত 46 ৰাণত অল আউট হোৱাটো আছিল দলটোৰ বাবে আটাইতকৈ ডাঙৰ সমস্যা ৷ অৱশ্যে পৰৱৰ্তী দুখন মেচত ভাৰতে প্ৰত্যাৱৰ্তন ঘটাই শৃংখলা দখলৰ চেষ্টা চলাব বুলিও টীম ইণ্ডিয়াৰ অধিনায়কগৰাকীয়ে প্ৰকাশ কৰে ৷
বেংগালুৰু টেষ্টত ভাৰতৰ লজ্জাজনক পৰাজয়
ভাৰতীয় দলটোৱে বেংগালুৰু টেষ্টৰ অন্তিম দিনটোত কিৱি বাহিনীক জয়ৰ বাবে প্ৰদান কৰিছিল 107 ৰাণৰ লক্ষ্য ৷ ভ্ৰমণকাৰী দলটোৱে মাত্ৰ দুটা উইকেট হেৰুৱাই সহজে লক্ষ্যত উপনীত হয় ৷ বেংগালুৰু টেষ্টত জয় লাভ কৰি নিউজিলেণ্ডে শৃংখলাত লাভ কৰিছে 1-0 ৰ অগ্ৰগতি ৷
New Zealand win the First Test by 8 wickets in Bengaluru.#TeamIndia will look to bounce back in the Second Test.
— BCCI (@BCCI) October 20, 2024
Scorecard ▶️ https://t.co/8qhNBrs1td#INDvNZ | @idfcfirstbank pic.twitter.com/6Xg4gYo8It
বেংগালুৰু টেষ্টৰ প্ৰথম দিনটোত বৰষুণে বিধি-পথালি দিয়াৰ পিছত দ্বিতীয় দিনা ভাৰতে মাত্ৰ 46 ৰাণ সংগ্ৰহ কৰিয়েই হেৰুৱাইছিল আটাইকেইটা উইকেট । এয়া আছিল টীম ইণ্ডিয়াৰ তৃতীয় তথা ঘৰুৱা টেষ্ট মেচত সৰ্বনিম্ন টেষ্ট স্ক'ৰ ৷
পৰাজয়ৰ পিছত ৰোহিতৰ অনুশোচনা
ভাৰতৰ অধিনায়ক ৰোহিত শৰ্মাই প্ৰথম টেষ্টত পৰাজয়ৰ পিছত কয় যে, "মই দ্বিতীয় দিনৰ পিছত সংবাদমেলত কৈছিলো, আমি জানিছিলো যে এয়া প্ৰত্যাহ্বানজনক হ'ব । আমি ভবা নাছিলো যে আমি 46 ৰাণত অল আউট হ'ম, কিন্তু নিউজিলেণ্ডক কৃতিত্ব দিম । এইটোৱে আমাক খেলখনত পিছ পেলাই দিছিল । ভাল বস্তুবোৰ আগুৱাই নিব লাগিব । আমি আগতে এই প্ৰত্যাহ্বানবোৰৰ সন্মুখীন হৈছো, এইবোৰ ঘটিছে । দুখন টেষ্ট বাকী আছে, আমি জানো কি কৰিব লাগে আৰু আমি পৰৱৰ্তী দুখন টেষ্টত আমাৰ সৰ্বশ্ৰেষ্ঠ প্ৰদান কৰিম" ।
Rohit Sharma said - " this indian team is not going to give up so easily and that's what we did in this test match as well. we came with the belief of trying to pull the game off. but it was just not for us". pic.twitter.com/3fIV5Qual7
— Tanuj Singh (@ImTanujSingh) October 20, 2024
ছৰফৰাজ আৰু পন্তক প্ৰশংসা
প্ৰথম ইনিংছত 356 ৰাণত পিছ পৰি ৰোৱা ভাৰতে দ্বিতীয় ইনিংছত সংগ্ৰহ কৰে 462 ৰাণ ৷ ভাৰতৰ হৈ ছৰফৰাজ খান (150) আৰু ঋষভ পন্তে (99) চতুৰ্থ উইকেটত আগবঢ়াই 177 ৰাণৰ অংশীদাৰিত্ব ৷ ৰোহিতে এই দুয়োজন যুৱ বেটছমেনৰ উচ্চ প্ৰশংসা কৰি তেওঁলোকৰ প্ৰদৰ্শনত গৌৰৱান্বিত অনুভৱ কৰা বুলি প্ৰকাশ কৰে ।
Rohit Sharma said " everyone is on the edge when pant & sarfaraz bats - it was a mature innings from pant & sarfaraz only playing his 4th or 5th test, he was clear on his mind with bat". pic.twitter.com/qCe1dqutoO
— Johns. (@CricCrazyJohns) October 20, 2024
ৰোহিতে পন্ত আৰু ছৰফৰাজক প্ৰশংসা কৰি কয়, "আমি সহজে 350 ৰাণতকৈ কম ৰাণত আউট হ’লোহেঁতেন, পিছে আমি গৌৰৱান্বিত । পন্তে সমগ্ৰ পৰিস্থিতিতে বুজাবুজিৰে ইনিংছ খেলিছিল ৷ ছৰফৰাজ সম্পূৰ্ণৰূপে পৰিপক্ক আছিল" ৷
শৃংখলাত 0-1 ত পিছ পৰি আছে ভাৰত
3 খন মেচৰ টেষ্ট শৃংখলাত 0-1 ব্যৱধানত পিছ পৰি থকা টীম ইণ্ডিয়াই 24-28 অক্টোবৰলৈ নিউজিলেণ্ডৰ বিৰুদ্ধে দ্বিতীয়খন টেষ্ট মেচত অংশগ্ৰহণৰ বাবে পুনেলৈ যাব । শৃংখলাটোৰ তৃতীয় তথা অন্তিমখন মেচ 1-5 নৱেম্বৰৰ ভিতৰত মুম্বাইৰ ৱাংখেড়ে ষ্টেডিয়ামত অনুষ্ঠিত হ'ব ।
লগতে পঢ়ক: অসাধ্য সাধনত ব্যৰ্থ ভাৰতীয় বলাৰ; 36 বছৰৰ পিছত ঘৰৰ মাটিত লজ্জাজনক পৰাজয় ভাৰতৰ
