স্প’ৰ্টছ ডেস্ক, 15 ছেপ্টেম্বৰ: হাস্যকৰ তথা আমোদজনক মন্তব্যৰ বাবে প্ৰায়ে বাতৰিৰ শিৰোনাম দখল কৰা বিহাৰৰ প্ৰাক্তন উপ-মুখ্যমন্ত্ৰী তেজস্বী যাদৱে শেহতীয়াকৈ প্ৰকাশ কৰিছে তেওঁৰ ক্ৰিকেটযাত্ৰাৰ বিষয়ে ৷ যি বিষয়ে দৃষ্টি কাঢ়িছে সাধাৰণ লোকৰ ৷
সেই অনুসৰি, টীম ইণ্ডিয়াৰ তাৰকা বেটছমেন বিৰাট কোহলীয়ে ঘৰুৱা ক্ৰিকেটত তেওঁৰ অধিনায়কত্বত খেলা বুলি দাবী কৰিছে বিহাৰৰ প্ৰাক্তন মুখ্যমন্ত্ৰী লালু প্ৰসাদ যাদৱৰ পুত্ৰ তথা আৰ জে ডি নেতা তেজস্বী যাদৱে । তেওঁ লগতে দাবী কৰিছে যে, ভাৰতীয় ক্ৰিকেট দলৰ বৰ্তমানৰ বহুকেইগৰাকী খেলুৱৈ তেওঁৰ এসময়ৰ সতীৰ্থ আছিল ।
বিৰাট কোহলীয়ে মোৰ অধিনায়কত্বত খেলিছে: তেজস্বী যাদৱ
যাদৱে এক সংবাদ মাধ্যমক দিয়া সাক্ষাৎকাৰত কয় যে, "মই এজন ক্ৰিকেটাৰ আছিলো আৰু কোনেও এই বিষয়ে কথা নকয় । বিৰাট কোহলীয়ে মোৰ অধিনায়কত্বত খেলিছিল ৷ কোনোবাই কেতিয়াবা এই বিষয়ে কথা পাতিছিল নেকি ? কিয় এনে নকৰে ? এজন পেছাদাৰী খেলুৱৈ হিচাপে মই ভাল ক্ৰিকেট খেলিছো । টীম ইণ্ডিয়াৰ বহু খেলুৱৈ মোৰ সতীৰ্থ" ।
Tejaswi Yadav said, " virat kohli used to play under my captaincy. i was very good at cricket, but due to injuries i had to leave it. virat and i played together for delhi". (zee). pic.twitter.com/HREKLkfssn
— Mufaddal Vohra (@mufaddal_vohra) September 14, 2024
কিহৰ বাবে ৰাজনীতিবিদগৰাকীয়ে ক্ৰিকেট এৰিবলগীয়া হ’ল, সেই কথাও সাক্ষাৎকাৰটোত বুজাই দিয়ে ৷ যাদৱে কয়, "মোৰ দুয়োডাল লিগামেণ্ট ভাঙি যোৱাৰ বাবে ক্ৰিকেট এৰিবলগীয়া হৈছিল" ।
নেটিজেনে দিলে হাস্যকৰ উত্তৰ
তেজস্বী যাদৱৰ এই মন্তব্য সামাজিক মাধ্যমত ভাইৰেল হৈ পৰাৰ পিছত এজন ব্যৱহাৰকাৰীয়ে লিখিছে এনেদৰে, "বাৰু তেওঁৰ ভুল নাই । তেওঁ নিজৰ সপোনৰ ক্ৰিকেট একাদশৰ কথা কৈছে" ৷
Well he is not wrong. He is talking about his dream11 cricket
— Mohit Jain (@datawithmohit) September 14, 2024
আনহাতে, আন এজনে লিখিছে, "সেয়া আছিল ডি চি(দিল্লী কেপিটেলছ) ৰ তেজ" ।
তেজস্বী যাদৱৰ ক্ৰিকেট কেৰিয়াৰ
তেজস্বী যাদৱে নিজৰ কেৰিয়াৰত মুঠ এখন প্ৰথম শ্ৰেণীৰ, দুখন লিষ্ট এ আৰু 4 খন টি-20 মেচ খেলিছে । ঘৰুৱা ক্ৰিকেটত ঝাৰখণ্ডক প্ৰতিনিধিত্ব কৰিছিল বৰ্তমানৰ ৰাজনীতিবিদগৰাকীয়ে । অতি কমসংখ্যক লোকেহে জানে যে, ইণ্ডিয়ান প্ৰিমিয়াৰ লীগ(আই পি এল) ৰ 2008 ৰ ছিজনত তেজস্বীক দিল্লী ডেয়াৰডেভিলছ(বৰ্তমান দিল্লী কেপিটেলছ) দলে চুক্তিবদ্ধ কৰিছিল ।
He was DC blood now i get to know why dc doesn’t win any trophy till now 😂 pic.twitter.com/sAywqrtZfZ
— Harsh shekhawat (@wordofshekhawat) September 14, 2024
2008 চনৰ পৰা 2012 চনলৈকে তেওঁ ফ্ৰেঞ্চাইজিৰ বাবে বেঞ্চত আছিল যদিও এখনো মেচ খেলা নাছিল । 2009 চনৰ নৱেম্বৰ মাহত বিদৰ্ভৰ বিৰুদ্ধে প্ৰথম শ্ৰেণীৰ ক্ৰিকেটত অভিষেক ঘটাই তেজস্বী যাদৱে ।
