স্প’ৰ্টছ ডেস্ক, 6 ছেপ্টেম্বৰ: টীম ইণ্ডিয়াৰ তাৰকা বেটছমেন বিৰাট কোহলী আৰু দলটোৰ মুখ্য প্ৰশিক্ষক গৌতম গম্ভীৰৰ সন্দৰ্ভত বৃহৎ মন্তব্য অসম সন্তান তথা যুৱ ক্ৰিকেটাৰ ৰিয়ান পৰাগৰ ৷ টি-20 ৰ অধিনায়ক সূৰ্যকুমাৰ যাদৱৰ বিষয়তো মন্তব্য প্ৰকাশ কৰিছে পৰাগে ৷
এক ব্যক্তিগত ইউ টিউব চেনেলত হোৱা সাক্ষাৎকাৰত পৰাগে প্ৰকাশ কৰে এই কথা ৷
কোহলী মোৰ আদৰ্শ: পৰাগ
তাৰকা বেটছমেন বিৰাট কোহলীৰ সন্দৰ্ভত ৰিয়ানে এনেদৰে কয়, "বিৰাট কোহলী মোৰ আদৰ্শ । মই সদায় তেওঁক মোৰ ভগৱান বুলি গণ্য কৰি আহিছো । বিৰাট ককাইদেউৰ সৈতে ড্ৰেছিং ৰুম ভাগ-বতৰা কৰাটো মোৰ বাবে এটা সপোন সঁচা হোৱাৰ দৰে । মই সৰুৰে পৰা তেওঁলোকক টেলিভিছনৰ স্ক্ৰীণত প্ৰত্যক্ষ কৰি আছো ৷ তেওঁলোকৰ সৈতে একেখন বাছত যোৱা আৰু তেওঁলোকৰ সৈতে থাকিবলৈ পোৱাটো এটা ডাঙৰ কথা । মই তেওঁৰ পৰা বহুত শিকিব লাগিব"।
সূৰ্যই স্বাধীনতা দিছিল: পৰাগ
সূৰ্যকুমাৰ যাদৱৰ অধিনায়কত্বত বলিং কেনেদৰে কৰা হৈছিল বুলি সোধা এক প্ৰশ্নত পৰাগে কয় যে, এয়া বহুত ভাল আছিল । তেওঁ মোক বহুত স্বাধীনতা দিছিল । মই নেটত বলিং কৰাৰ লগতে লেগ স্পিন কৰি আছিলো ৷ কিন্তু মেচখনৰ শৈলী প্ৰস্তুত কৰিবলৈ অলপ সংকোচবোধ কৰিছিলো । এনে পৰিস্থিতিত ক্ৰিকেটাৰগৰাকীয়ে পূৰ্বৰ এটি ভিডিঅ’ দি কৈছিল যে, অফ স্পিনত কিয় বলিং কৰিছা, লেগ স্পিন বলিং কৰা ৷ খুব বেছি কি হ’ব চাৰিহে কোবাব, লেগ স্পিন বলিং কৰা" ৷
গম্ভীৰ সন্দৰ্ভত কি ক’লে পৰাগে
টীম ইণ্ডিয়াৰ প্ৰশিক্ষক গৌতম গম্ভীৰৰ সন্দৰ্ভত ৰিয়ান পৰাগে কয় যে, "গৌতম গম্ভীৰ ছাৰে মোক যথেষ্ট সমৰ্থন কৰি স্বাধীনতা আৰু স্পষ্টতা প্ৰদান কৰিছিল । বেটিং আৰু বলিং যিয়েই নহওঁক, আপুনি আপোনাৰ খেল খেলক । আজিৰ খেল অনুসৰি খেলক" ।
ৰিয়ান পৰাগৰ কেৰিয়াৰ
জিম্বাব’ৱেৰ বিৰুদ্ধে টি-20 শৃংখলাৰ জৰিয়তে অসম সন্তান ৰিয়ান পৰাগে ভাৰতৰ হৈ আন্তঃৰাষ্ট্ৰীয় পৰ্যায়ত আত্মপ্ৰকাশ কৰিছিল । পৰাগে ইয়াৰ পিছত শ্ৰীলংকাৰ বিৰুদ্ধে অনুষ্ঠিত এদিনীয়া শৃংখলাত অংশগ্ৰহণ কৰিছিল ৷ যুৱ ক্ৰিকেটাৰগৰাকীয়ে এতিয়ালৈকে ভাৰতৰ হৈ 6 খন টি-20 মেচ খেলি সংগ্ৰহ কৰিছে 57 ৰাণ ৷ আনহাতে, এখন এদিনীয়া মেচত পৰাগে সংগ্ৰহ কৰিছে 15 ৰাণ ৷ তদুপৰি টি-20 আৰু এদিনীয়া দুয়োটা ফৰ্মেটতে দখল কৰিছে 3 টাকৈ উইকেট ৷
