এছিয়াৰ অলিম্পিক পৰিষদৰ সভাপতিৰ পদত প্ৰথমগৰাকী ভাৰতীয় - OCA PRESIDENT RANDHIR SINGH

OCA President: 1978 এছিয়ান গেমছৰ স্বৰ্ণপদক বিজয়ী শ্বুটাৰ আৰু প্ৰবীণ ক্ৰীড়া প্ৰশাসক ৰণধীৰ সিঙক মহাদেশীয় সংস্থাৰ 44 তম সাধাৰণ সভাত এছিয়াৰ অলিম্পিক পৰিষদৰ(অ’ চি এ) প্ৰথম ভাৰতীয় সভাপতি হিচাপে আনুষ্ঠানিকভাৱে নিৰ্বাচিত কৰা হয় । সিঙে বিনা প্ৰতিদ্বন্দ্বিতাৰে এই পদত নিৰ্বাচিত হয় ৷

স্প’ৰ্টছ ডেস্ক, 8 ছেপ্টেম্বৰ: প্ৰবীণ ক্ৰীড়া প্ৰশাসক ৰণধীৰ সিঙে এছিয়াৰ অলিম্পিক পৰিষদৰ(অ’ চি এ) সভাপতি হিচাপে নিৰ্বাচিত হোৱা প্ৰথমগৰাকী ভাৰতীয় ৷ দেওবাৰে এই মহাদেশীয় সংস্থাটোৰ 44 তম সাধাৰণ সভাৰ সময়ত সিঙক এই গুৰুত্বপূৰ্ণ দায়িত্ব অৰ্পণ কৰা হয় ৷

পাঁচবাৰৰ অলিম্পিক শ্বুটাৰ ৰণধীৰ অ’ চি এ ৰ সভাপতি পদৰ বাবে একমাত্ৰ যোগ্য প্ৰাৰ্থী আছিল । তেওঁৰ কাৰ্যকাল 2024 চনৰ পৰা 2028 চনলৈ কাৰ্যকৰী থাকিব ৷ এই বাছনি প্ৰক্ৰিয়াত সকলোৰে সন্মতি আছিল, যাৰ বাবে বিনা প্ৰতিদ্বন্দ্বিতাৰে পদটোত নিৰ্বাচিত হয় ৰণধীৰ সিং ৷

Heartiest congratulations to Shri Randhir Singh on being elected as the first Indian President of the Olympic Council of Asia (OCA) at the 44th General Assembly! 🇮🇳

A proud moment for India and a testament to his dedication to sports. Wishing him great success in leading the OCA… pic.twitter.com/mAL7n2R5vB

— Ravneet Singh Bittu (@RavneetBittu) September 8, 2024

77 বছৰীয়া প্ৰশাসকগৰাকী 2021 চনৰ পৰা অ’ চি এ-ৰ কাৰ্যকৰী সভাপতি হিচাপে দায়িত্ব বহন কৰি আছিল । তেওঁ কুৱেইটৰ শ্বেখ আহমেদ আল-ফাহাদ আল-চাবাহৰ স্থানত অধিষ্ঠিত হয় ৷ চাবাহক নৈতিকতা উলংঘনৰ বাবে চলিত বছৰৰ মে’ মাহত ক্ৰীড়া প্ৰশাসনৰ তৰফৰ পৰা 15 বছৰৰ নিষেধাজ্ঞা প্ৰদান কৰা হৈছিল ।

ভাৰত আৰু এছিয়াৰ ক্ৰীড়া সংস্থাসমূহত বিভিন্ন প্ৰশাসনিক পদত অধিষ্ঠিত হৈ থকা ৰণধীৰক ক্ৰীড়া মন্ত্ৰী মনসুখ মাণ্ডৱিয়া আৰু এছিয়াৰ প্ৰায় 45 খন দেশৰ শীৰ্ষ ক্ৰীড়া প্ৰশাসকৰ উপস্থিতিত আনুষ্ঠানিকভাৱে অ' চি এ-ৰ সভাপতি হিচাপে নিৰ্বাচিত কৰা হয় ।

History in the making as Raja Randhir Singh becomes the first Indian President of @AsianGamesOCA! Congrats, @RANDHIR1946! #OCAInIndia2024 #SaluteTheSpirit pic.twitter.com/PKK52Ha5BD

— Virat Kohli FC (@ViratKohli_King) September 8, 2024

ৰণধীৰ পঞ্জাৱৰ পাটিয়ালাৰ বাসিন্দা আৰু তেওঁৰ পৰিয়াল আৰম্ভণিৰে পৰা ক্ৰীড়াৰ সৈতে জড়িত হৈ আছে । সিঙৰ খুৰাক মহাৰাজা যাদৱেন্দ্ৰ সিঙে ভাৰতৰ হৈ টেষ্ট ক্ৰিকেট খেলিছিল আৰু আন্তৰ্জাতিক অলিম্পিক সমিতিৰ(আই অ’ চি) সদস্য আছিল । তেওঁৰ দেউতাক ভলিন্দ্ৰ সিঙেও এজন প্ৰথম শ্ৰেণীৰ ক্ৰিকেটাৰ আছিল । তেওঁ 1947 ৰ পৰা 1992 চনৰ ভিতৰত আই অ’ চিৰ সদস্য হিচাপে কাৰ্যনিৰ্বাহ কৰে ৷ ৰণধীৰ 2001 চনৰ পৰা 2014 চনলৈ আই অ’ চি-ৰ সদস্য পদত অধিষ্ঠিত আছিল । তেতিয়াৰ পৰা তেওঁ আই অ’ চিৰ সন্মানীয় সদস্য হিচাপে জড়িত হৈ আছে ।

লগতে পঢ়ক: চেম্পিয়নছ ট্ৰফীৰ বাবে পাকিস্তানলৈ আহিব ভাৰত: পি চি বি ৰ অধ্যক্ষৰ বিস্ফোৰক মন্তব্য - CHAMPIONS TROPHY 2025