স্প’ৰ্টছ ডেস্ক, 16 আগষ্ট: পেৰিছ পেৰালিম্পিক গেমছ 2024 ৰ উদ্বোধনী অনুষ্ঠানৰ বাবে ভাৰতে ঘোষণা কৰিছে ধ্বজাবাহকৰ নাম ৷ এই দায়িত্ব অৰ্পণ কৰা হৈছে শ্বটপুট তাৰকা ভাগ্যশ্ৰী যাদৱ আৰু তাৰকা জেভলিন থ্ৰ'য়াৰ সুমিত এণ্টিলক ৷
ভাগ্যশ্ৰী আৰু সুমিতে পেৰালিম্পিকত ভাৰতৰ 84 জনীয়া দলটোক প্ৰতিনিধিত্ব কৰিব । এয়া ভাৰতৰ বাবেও এক বিশেষ মুহূৰ্ত হিচাপে পৰিচিত হ’ব ৷ কিয়নো ই হ’ব দেশৰ সৰ্ববৃহৎ 84 জন খেলুৱৈৰ দ্বাৰা গঠিত দল, যি টকিঅ' অলিম্পিক 2020 ত অংশগ্ৰহণ কৰা 54 জন খেলুৱৈতকৈ যথেষ্ট বৃহৎ । 2024 চনৰ পেৰালিম্পিক গেমছ 28 আগষ্টৰ পৰা 8 ছেপ্টেম্বৰলৈ পেৰিছত অনুষ্ঠিত হ'ব ।
ভাগ্যশ্ৰী যাদৱ কোন ?
মহাৰাষ্ট্ৰৰ বাসিন্দা ভাগ্যশ্ৰী যাদৱে আন্তঃৰাষ্ট্ৰীয় পৰ্যায়ত ধাৰাবাহিকভাৱে উন্নত প্ৰদৰ্শন কৰি আহিছে । তেওঁ 2022 চনৰ এছিয়ান পেৰা গেমছত শ্বটপুট এফ 34 শ্ৰেণীত ৰূপৰ পদক জয় কৰে আৰু টকিঅ' পেৰালিম্পিকত সপ্তম স্থান লাভ কৰে । খেলখনত যাদৱৰ এই যাত্ৰা আৰম্ভ হৈছিল 2017 চনত আৰু তেওঁ বিশ্বকাপ আৰু বিশ্ব পেৰা এথলেটিকছ গেমছকে ধৰি বিভিন্ন আন্তঃৰাষ্ট্ৰীয় ইভেণ্টত পদক জিকি ক্ৰীড়াৰ ক্ষেত্ৰত সুকীয়া স্থান দখল কৰিছিল ৷
World para Athletes championship japan in kobe 20/5/2024 I got silver 🥈medal 🙏🙏 pic.twitter.com/OS70WheiM7
— Bhagyashri Jadhav (@J_bhagyashri_) May 22, 2024
সুমিত এণ্টিল কোন ?
তাৰকা জেভলিন থ্ৰ’ৱাৰ পেৰা-এথলীট সুমিত এণ্টিল এফ 64 শ্ৰেণীৰ বৰ্তমানৰ বিশ্ব অভিলেখকাৰী । তেওঁ টকিঅ' পেৰালিম্পিক 2020 ত 68.55 মিটাৰ থ্ৰ’ৰ সৈতে সোণৰ পদক জয় কৰি বিশ্ব অভিলেখ স্থাপন কৰিছিল । এণ্টিলে 2023 চনৰ বিশ্ব পেৰা এথলেটিকছ চেম্পিয়নশ্বিপত সোণৰ পদক জিকি নিজৰ আধিপত্য অব্যাহত ৰাখি 2022 চনৰ এছিয়ান পেৰা গেমছত 73.29 মিটাৰৰ নতুন বিশ্ব অভিলেখ গঢ়িছিল ।
SPEECHLESS 🤩
— Olympic Khel (@OlympicKhel) August 30, 2021
🔥 Sumit Antil sets a WR with his first 66.95m throw!
🔥 Breaks his OWN WR with his second 68.08m attempt!
🔥 Breaks it yet AGAIN in his 5th attempt with 68.55m
🔥 Wins the Men's Javelin F64 #Gold for #IND! #Tokyo2020 #Paralympics #ParaAthletics pic.twitter.com/q3Nl2m1dLM
টকিঅ'ত জিকিছিল 19 টা পদক
টকিঅ' পেৰালিম্পিক গেমছত ভাৰতে 19 টা পদক দখল কৰিছিল । পেৰিছত ভাৰতে অধিক পদক জিকি বিশ্বব্যাপী পেৰালিম্পিক মঞ্চত তেওঁলোকৰ নেতৃত্ব অব্যাহত ৰখাৰ লক্ষ্য নিৰ্ধাৰণ কৰিছে ৷ পেৰিছ অলিম্পিকত মাত্ৰ 6 টা পদক লাভ কৰি ভাৰতে অলিম্পিকৰ পদক তালিকাৰ 71 তম স্থান লাভ কৰে ৷ আশা কৰা হৈছে যে, পেৰা-এথলীটসকলে ভাৰতীয়সকলক এই খেলসমূহত উৎসাহিত কৰাৰ সুযোগ দিব ।
