২০২৮ৰ অলিম্পিকত দেশৰ হৈ স্বৰ্ণ জয় কৰিম : প্ৰধানমন্ত্ৰী মোদীক প্ৰতিশ্ৰুতি দিলে অমন ছেহৰাৱাটে - Paris Olympics 2024

Paris Olympics 2024 Wrestling : ভাৰতীয় মল্লযুঁজাৰু অমন ছেহৰাৱাটে শুকুৰবাৰে দেশক ষষ্ঠটো পদক প্ৰদান কৰে ৷ তেওঁ ব্ৰঞ্জৰ পদক লাভ কৰে। ইয়াৰ পিচত প্ৰধানমন্ত্ৰী মোদীয়ে এক্সত পোষ্ট দি অভিনন্দন জনায় আৰু ইয়াৰ পিচত প্ৰধানমন্ত্ৰীয়ে তেওঁৰ সৈতে ফোনত বাৰ্তালাপ কৰে। পঢ়ক সম্পূৰ্ণ খবৰ..

স্পৰ্টছ ডেস্ক, 10 আগষ্ট : পেৰিছ অলিম্পিক 2024 ত পুৰুষৰ ফ্ৰীষ্টাইল 57 কেঃজি মল্লযুঁজৰ ব্ৰঞ্জৰ পদক মেচত জয়ী হৈ ভাৰতীয় মল্লযুঁজাৰু অমনে ভাৰতক ষষ্ঠটো পদক প্ৰদান কৰে ৷ এই পদক যুঁজত তেওঁ প’ৰ্ট’ ৰিকোৰ ডাৰিয়ান ক্ৰুজক 13-5 ব্যৱধানত পৰাস্ত কৰে ৷ ইয়াৰ লগতে 2024 চনৰ পেৰিছ অলিম্পিকত ভাৰতক পঞ্চমটো ব্ৰঞ্জৰ পদক প্ৰদান কৰে অমনে ৷ ইয়াৰ পিচতে ভাৰতৰ প্ৰধানমন্ত্ৰী নৰেন্দ্ৰ মোদীয়ে অমনৰ সৈতে ফোনত বাৰ্তালাপত মিলিত হয় আৰু অভিনন্দন জনায় ৷

#WATCH | Prime Minister Narendra Modi called Aman Sehrawat to congratulate him on winning the Bronze medal in the men's freestyle wrestling event at the Paris Olympics 2024. pic.twitter.com/A2MGFYejEE

— ANI (@ANI) August 10, 2024

অমনৰ সংগ্ৰামক প্ৰশংসা প্ৰধানমন্ত্ৰী মোদীৰ :

অমনৰ সৈতে ফোনত বাৰ্তালাপ কৰি থকাৰ সময়তে প্ৰধানমন্ত্ৰীয়ে তেওঁৰ উৎকৃষ্ট প্ৰচেষ্টা আৰু দেশৰ বাবে পদক লাভ কৰাৰ বাবে অভিনন্দন জনায় ৷ এই সময়ত প্ৰধানমন্ত্ৰীয়ে অমনৰ সংগ্ৰামৰ শলাগ লৈ কয় যে আপুনি ষ্টেডিয়ামখনক আপোনাৰ ঘৰ কৰি লৈছে, সকলোৱে এই কাম কৰিব নোৱাৰে ৷ ইয়াৰ লগতে প্ৰধানমন্ত্ৰী মোদীয়ে অমনক কয় যে আপুনি কম বয়সতে পিতৃ-মাতৃক হেৰুৱাইছিল আৰু তাৰ পিচত ইমান কষ্ট কৰি দেশৰ হৈ অলিম্পিক পদক লাভ কৰিছে, এয়া সমগ্ৰ দেশবাসীৰ বাবে প্ৰেৰণাদায়ক ৷

অমনে প্ৰধানমন্ত্ৰী মোদীক স্বৰ্ণ জয় কৰাৰ প্ৰতিশ্ৰুতি দিছিল :

ইয়াৰ লগতে প্ৰধানমন্ত্ৰী মোদীক ডাঙৰ প্ৰতিশ্ৰুতি দিলে অমনে ৷ তেওঁ কয়, 'মই সোণৰ পদক লাভৰ বাবে যৎপৰোনাস্তি চেষ্টা কৰিছিলোঁ কিন্তু সেয়া নহ’ল ৷ কিন্তু 2028 চনত অনুষ্ঠিত হ’বলগীয়া অলিম্পিকত দেশৰ বাবে স্বৰ্ণ পদক লৈ আহিম ৷' এই কথা-বতৰাত অমনে নিজৰ অভিজ্ঞতা প্ৰধানমন্ত্ৰীৰ সৈতে ভাগ-বতৰা কৰে ৷

লগতে পঢ়ক : কোৱাৰ্টাৰ ফাইনেলত পৰাস্ত মল্লযুঁজাৰু ঋতিকা হুদা, পেৰিছ অলিম্পিকত ভাৰতৰ অভিযান সমাপ্ত - Paris Olympics 2024

অলিম্পিকত অমনৰ যাত্ৰা কেনেকুৱা আছিল ?

21 বছৰীয়া ভাৰতীয় মল্লযুঁজাৰুগৰাকীয়ে পেৰিছ গেমছত পুৰুষৰ 57 কেঃজি মল্লযুঁজত টকিঅ’ 2020ৰ ৰূপৰ পদক বিজয়ী আৰু তেওঁৰ গুৰু ৰবি দহিয়াক পৰাস্ত কৰি অলিম্পিকত নিজৰ স্থান অৰ্জন কৰিছিল ৷ ইয়াৰ পিচত প্ৰি কোৱাৰ্টাৰ ফাইনেল মেচত তেওঁ মেচিডোনিয়াৰ প্ৰাক্তন চেম্পিয়ন ভ্লাদিমিৰ ইগ’ৰভক 10-0 ব্যৱধানত কাৰিকৰী শ্ৰেষ্ঠত্বৰে পৰাস্ত কৰে ৷ ইয়াৰ পিচত আলবেনিয়াৰ প্ৰাক্তন বিশ্ব চেম্পিয়ন তথা চতুৰ্থ ছিড জেলিমখান আবাকাৰোভক কোৱাৰ্টাৰ ফাইনেলত 12-0 ব্যৱধানত পৰাস্ত কৰি অমনে জয়লাভ কৰে ৷ শেষত ছেমি ফাইনেল মেচত কাৰিকৰী শ্ৰেষ্ঠত্বৰ ভিত্তিত জাপানৰ ৰেই হিগুচিৰ হাতত 10-0 ব্যৱধানত পৰাজয়ৰ সন্মুখীন হ’বলগীয়া হয় ৷

লগতে পঢ়ক : কুস্তিত ব্ৰঞ্জ অৰ্জনেৰে অলিম্পিক পদক বিজয়ী সৰ্বকনিষ্ঠ ভাৰতীয়ত পৰিণত অমন চেহৰাৱত - Paris Olympics 2024