স্পৰ্টছ ডেস্ক,২৭ জুলাই : ঐতিহাসিক ছেইন নদীত অনুষ্ঠিত পেৰিছ অলিম্পিকৰ উদ্বোধনী অনুষ্ঠানত হিন্দী ভাষাই বিশেষ সন্মান লাভ কৰিলে । তাত উপস্থাপন কৰা ৬ টা ভাষাৰ ভিতৰত হিন্দীও আছিল । উদ্বোধনী অনুষ্ঠানত 'চিষ্টাৰহুড'ৰ নামত ফ্ৰান্সৰ মহিলাসকলক সমৰ্থন কৰিবলৈ কিছুমান ইনফোগ্ৰাফিক উপস্থাপন কৰা হৈছিল । য'ত মহিলাৰ অধিকাৰ সুৰক্ষিত কৰাৰ প্ৰতি শ্ৰদ্ধা ব্যক্ত কৰা হয় । তাত বিভিন্ন ভাষাৰ ইনফোগ্ৰাফিক উপস্থাপন কৰা হৈছিল । য'ত হিন্দী ভাষাৰ এখন ইনফোগ্ৰাফিকো আছিল । তাৰ বহু দৃশ্য এতিয়া সামাজিক মাধ্যমত ভাইৰেল হৈ পৰিছে । এগৰাকী ব্যৱহাৰকাৰীয়ে ফটোখন শ্বেয়াৰ কৰি কয় যে ই ফ্ৰান্সৰ সৈতে শক্তিশালী কূটনৈতিক সম্পৰ্কক দেখুৱায় । বহুতো লোক ইয়াক লৈ সুখী হৈছে । এয়া গৌৰৱৰ বিষয় বুলিও বহুতে পোষ্ট শ্বেয়াৰ কৰিছে ।
💛 A tribute to 10 golden heroines of French history.
— Olympic Khel (@OlympicKhel) July 26, 2024
Olympe de Gouges, Alice Milliat, Gisèle Halimi, Simone de Beauvoir, Paulette Nardal, Jeanne Barret, Louise Michel, Christine de Pizan, Alice Guy and Simone Veil.#Paris2024 #OpeningCeremony pic.twitter.com/rUSTSimGcc
নাৱৰ ওপৰত খেলুৱৈ :
উল্লেখ্য যে অলিম্পিকৰ ইতিহাসত প্ৰথমবাৰৰ বাবে উদ্বোধনী অনুষ্ঠান নদীত অনুষ্ঠিত হয় । ৮৫ খন নাৱত ৬,৮০০ গৰাকী খেলুৱৈয়ে পানীৰ ওপৰত ৬ কিলোমিটাৰ পেৰেডত অংশগ্ৰহণ কৰে । অনুষ্ঠানটোত ৩,২০,০০০ ৰো অধিক দৰ্শকে অংশগ্ৰহণ কৰে । অনুষ্ঠানটো এখন সৰু নাৱত তিনিটা শিশু আৰু এগৰাকী ব্যক্তিয়ে অলিম্পিক টৰ্চ ধৰি আৰম্ভ কৰে । ফৰাচী বৰ্ণানুক্ৰমত ভাৰত ৮৪ সংখ্যক দেশ আছিল । বেডমিণ্টন তাৰকা পি ভি সিন্ধু আৰু টেবুল টেনিছৰ তাৰকা শৰৎ কমল ভাৰতৰ ধ্বজাবাহক আছিল । তেওঁলোক দুয়ো সন্মুখত ত্ৰিৰংগা পতাকাখন লৈ থিয় হৈ আছিল, আনহাতে ভাৰতৰ খেলুৱৈসকলৰ সৈতে নাওখন তেওঁলোকৰ পিচফালে আছিল ।
অলিম্পিকত ভাৰতীয় খেলুৱৈ :
পেৰিছ অলিম্পিকত ভাৰতৰ ১১৭ গৰাকী খেলুৱৈক দেখা যাব । তেওঁলোকৰ ভিতৰত নীৰজ চোপ্ৰা (জেভলিন থ্ৰ'), পি ভি সিন্ধু (বেডমিণ্টন) আৰু কুস্তিত ভাৰতীয় মল্লযুঁজাৰুসকলৰ পৰা দেশে পদকৰ আশা কৰিছে । এতিয়া ভাৰতে অলিম্পিকত কিমান পদক লাভ কৰে সেয়া সময়হে ক'ব ।
