স্প’ৰ্টছ ডেস্ক: চলিত বৰ্ষত আই পি এল(2024) ৰ খিতাপ দখল কৰিছিল শ্ৰেয়ছ আয়াৰ নেতৃত্বাধীন কলকাতা নাইট ৰাইডাৰ্ছে (কে কে আৰ) ৷ এই ইভেণ্টৰ আগন্তুক সংস্কৰণৰ বাবে চলিত বৰ্ষৰে 31 অক্টোবৰত অনুষ্ঠিত হ’ব মেগা নিলাম ৷
তাৰ পূৰ্বে চৰ্চালৈ আহিছে ক্ৰিকেটাৰ শ্ৰেয়ছ আয়াৰৰ নাম ৷ কেইবাটাও আগশাৰীৰ সংবাদ মাধ্যমে প্ৰকাশ কৰা প্ৰতিবেদনত উল্লেখ কৰা হৈছে যে, পৰৱৰ্তী আই পি এল সংস্কৰণ সম্পৰ্কে খেলুৱৈ আৰু কলকাতা নাইট ৰাইডাৰ্ছৰ ফ্ৰেঞ্চাইজিৰ মাজত বৰ্তমানলৈকে হোৱা নাই কোনো বাৰ্তালাপ ।
🚨 GOOD NEWS FOR KKR FANS 🚨
— Johns. (@CricCrazyJohns) October 29, 2024
The talks have finally started between Shreyas Iyer & KKR franchise about the retention for IPL 2025. [Sahil Malhotra from TOI. Com] pic.twitter.com/nS1HABuNwa
অৱশ্যে, টাইমছ অৱ ইণ্ডিয়াই প্ৰকাশ কৰা প্ৰতিবেদন অনুসৰি কে কে আৰে শ্ৰেয়ছৰ সৈতে ভৱিষ্যত সম্পৰ্কে আলোচনা কৰিছে ৷ কিন্তু লগতে দাবী কৰিছে যে ফ্ৰেঞ্চাইজিয়ে ভাৰতৰ শীৰ্ষ বেটছমেনগৰাকীক দলত ৰখা-নৰখাক লৈ স্পষ্ট কৰা নাই কোনো স্থিতি ৷
শ্ৰেয়ছৰ সৈতে যোগাযোগত বিলম্ব কে কে আৰৰ
বিগত শুকুৰবাৰৰ আগলৈকে দুয়োপক্ষৰ মাজত হোৱা নাছিল কোনো আলোচনা । শ্ৰেয়ছ আয়াৰ আৰু কে কে আৰৰ বিষয়তো প্ৰকাশ পাইছিল বহু কথা ৷ কিন্তু তেওঁলোকৰ ভৱিষ্যতৰ পৰিকল্পনা বা আই পি এল সন্দৰ্ভত হোৱা নাছিল কোনো আলোচনা ৷
প্ৰতিবেদন অনুসৰি, কে কে আৰে শ্ৰেয়ছক দলত ৰাখিবলৈ বিশেষ আগ্ৰহ দেখুওৱাটো আচৰিত কথা । সূত্ৰসমূহে এইটোও দাবী কৰিছিল যে, আন বহু ফ্ৰেঞ্চাইজিয়ে ইতিমধ্যে নেতৃত্বৰ ভাৰ অৰ্পণ কৰিবলৈ ক্ৰিকেটাৰজনৰ কাষ চাপিছে ।
আয়াৰৰ ওপৰত তিনি ফ্ৰেঞ্চাইজিৰ দৃষ্টি আৱদ্ধ
এটা সূত্ৰই টাইমছ অৱ ইণ্ডিয়াক কৈছিল যে, "আয়াৰে চলিত ছিজনত খিতাপ বিজয়ী দলক নেতৃত্ব প্ৰদান কৰিছিল ৷ তেওঁ দিল্লী কেপিটেলছৰ সফল নেতৃত্ব দিয়াৰে পৰা এগৰাকী ভাল অধিনায়ক হিচাপে পৰিচিত আছিল" ।
Former #TeamIndia and #KolkataKnighRiders'@harbhajan_singh named his 6️⃣ #KKR retention player picks ahead of #IPLRetentiononStar! 🤩
— Star Sports (@StarSportsIndia) October 28, 2024
Watch the video to find out who he picked and why! 😁 pic.twitter.com/FDNo5q98pp
কে কে আৰত 5 খেলুৱৈক অন্তৰ্ভুক্ত কৰাৰ পৰামৰ্শ হৰভজনৰ
ভাৰতৰ প্ৰাক্তন ক্ৰিকেটাৰ হৰভজন সিঙে শ্ৰেয়ছ আয়াৰ, ৰিংকু সিং, আন্দ্ৰে ৰাছেল, ফিল চল্ট, সুনীল নাৰিন আৰু ৰমনদীপ সিঙক কে কে আৰত অন্তৰ্ভুক্ত কৰিবলৈ দিছে পৰামৰ্শ ৷
হৰভজনে ষ্টাৰ স্প’ৰ্টছৰ আগত সদৰী কৰা অনুসৰি, "কে কে আৰে সমগ্ৰ ছিজনটোত আধিপত্য বিস্তাৰ কৰিছিল ৷ সেয়েহে তেওঁলোকৰ বাবে কাৰোবাক বাদ দি কাৰোবাক দলত অন্তৰ্ভুক্ত কৰাটো সহজ নহ’ব ৷ যদি মই মোৰ 6 জন খেলুৱৈ বাছনি কৰিবলগা হয়, তেন্তে কে কে আৰৰ বাবে 6 জন খেলুৱৈ কোন হ'ব ? মই ভাবো শ্ৰেয়ছ আয়াৰ, ফিল চল্ট, নাৰিন, আন্দ্ৰে ৰাছেল, ৰিংকু সিঙৰ লগতে ৰমনদীপ সিং এজন আনকেপড খেলুৱৈ হিচাপে দলটোত থাকিব" ।
লগতে পঢ়ক: ডিফেণ্ডিং চেম্পিয়ন কলকাতা নাইট ৰাইডাৰ্ছত 6 ক্ৰিকেটাৰ অন্তৰ্ভুক্তিৰ সম্ভাৱনা
