আই পি এলৰ নিলাম 2025: ভাৰতত কিমান বজাত আৰম্ভ হ’ব এই মেগা নিলাম ?

কেতিয়া, কোন সময়ত আৰু ক’ত অনুষ্ঠিত হ’ব আই পি এল 2025 ৰ মেগা নিলাম ? কেনেদৰে উপভোগ কৰিব নিলামৰ কাৰ্যসূচী ?

স্প’ৰ্টছ ডেস্ক: আই পি এল 2025 ৰ মেগা নিলামক লৈ উৎসাহিত হৈ পৰিছে ক্ৰিকেট অনুৰাগীসকল ৷ চৌদি আৰৱৰ জেদ্দাত অনুষ্ঠিত হ’বলগীয়া এই নিলামলৈ মাজত আছে মাথো এটা দিন ৷ 24 আৰু 25 নৱেম্বৰত দুদিনীয়া কাৰ্যসূচীৰে ভাৰতৰ বাহিৰত অনুষ্ঠিত হ’ব আই পি এল 2025 ৰ মেগা নিলাম ৷

ইয়াৰ পূৰ্বে ডুবাইত অনুষ্ঠিত হৈছিল আই পি এলৰ মেগা নিলাম ৷ এইবেলি দ্বিতীয়বাৰৰ বাবে ভাৰতৰ বাহিৰত আই পি এলৰ মেগা নিলাম কাৰ্যসূচী অনুষ্ঠিত হ’ব ৷

574 গৰাকী খেলুৱৈ অংশগ্ৰহণ কৰিব নিলামত

ইণ্ডিয়ান প্ৰিমিয়াৰ লীগত (আই পি এল) অংশগ্ৰহণ কৰিবলগীয়া প্ৰায় 574 গৰাকী ক্ৰিকেটাৰ উপলব্ধ হ’ব এই নিলামত ৷ কিয়নো 10 টা আই পি এল ফ্ৰেঞ্চাইজিয়ে সমগ্ৰ বিশ্বৰ শ্ৰেষ্ঠ খেলুৱৈসকলক ক্ৰয় কৰিব বিচাৰিব ৷

🛬 Jeddah#TATAIPLAuction just ✌️ days away‼️ pic.twitter.com/TMVzAUvYLl

— IndianPremierLeague (@IPL) November 22, 2024

নিলামত সুকীয়া সুকীয়া বৈচিত্ৰ্যপূৰ্ণ প্ৰতিভাৰে ভৰা ক্ৰিকেটাৰসকল উপস্থিত থাকিব ৷ কিয়নো নিলামৰ কাৰ্যসূচীত উপস্থিত থাকিব 366 গৰাকী ভাৰতীয় খেলুৱৈৰ লগতে 208 গৰাকী বিদেশী খেলুৱৈ, যিসকলে 10 টা ফ্ৰেঞ্চাইজিত 204 টা স্থানৰ বাবে প্ৰতিদ্বন্দ্বিতা কৰিব ।

আই পি এল 2025 নিলামে ফ্ৰেঞ্চাইজিবোৰৰ বাবে ৰাইট-টু-মেচ (আৰ টি এম) বিকল্প ব্যৱস্থাৰ প্ৰৱৰ্তন কৰিছে ৷ দলবোৰে নিজৰ পুৰণি খেলুৱৈসকলক পুনৰ লাভ কৰিবলৈ আৰু তেওঁলোকৰ বাকী থকা স্থানসমূহ পূৰণ কৰিবলৈ ইয়াক ব্যৱহাৰ কৰিব পাৰে ।

এই খেলুৱৈসকলক ক্ৰয় কৰাৰ বাবে হ’ব প্ৰতিযোগিতা

নিলামৰ কেইটামান শীৰ্ষ নামৰ ভিতৰত আছে ঋষভ পন্ত, শ্ৰেয়ছ আয়াৰ, কে এল ৰাহুল, মহম্মদ ছামী, যুজবেন্দ্ৰ চাহাল, মহম্মদ চিৰাজ, অৰ্শদীপ সিং, জছ বাটলাৰ (ইংলেণ্ড), কাগিচো ৰাবাডা (দক্ষিণ আফ্ৰিকা), মিচেল ষ্টাৰ্ক (অষ্ট্ৰেলিয়া), লিয়াম লিভিংষ্টোন (ইংলেণ্ড) আৰু ডেভিদ মিলাৰ (দক্ষিণ আফ্ৰিকা) ।

✍️ 1574 Player Registrations

🧢 320 capped players, 1,224 uncapped players, & 30 players from Associate Nations

🎰 204 slots up for grabs

🗓️ 24th & 25th November 2024

📍 Jeddah, Saudi Arabia

Read all the details for the upcoming #TATAIPL Mega Auction 🔽🤩

— IndianPremierLeague (@IPL) November 5, 2024

আই পি এল 2025 ৰ মেগা নিলামৰ লাইভ ষ্ট্ৰীমিং কেতিয়া আৰু ক'ত উপভোগ কৰিব, সেই বিষয়ে তলত দিয়া হৈছে সম্পূৰ্ণ তথ্য:

• আই পি এল 2025 ৰ মেগা নিলাম ক'ত অনুষ্ঠিত হ’ব ?
  খবৰ অনুসৰি আই পি এল 2025 ৰ মেগা নিলাম জেদ্দাৰ আবাদি আল জোহোৰ এৰেনাত (বেঞ্চমাৰ্ক এৰিণা বুলিও জনা যায়) অনুষ্ঠিত হ'ব ।
• আই পি এল 2025 ৰ মেগা নিলাম কোনদিনা আৰু কিমান সময়ত অনুষ্ঠিত হ'ব ?
  আই পি এল 2025 ৰ মেগা নিলাম 24 আৰু 25 নৱেম্বৰত ভাৰতীয় সময় অনুসৰি আবেলি 3.30 বজাত আৰম্ভ হ'ব ।
• কোনটো টিভি চেনেলে আই পি এল 2025 ৰ মেগা নিলামৰ সম্প্ৰচাৰ কৰিব ?
  আই পি এল 2025 ৰ নিলাম আবেলি 3.30 বজাৰ পৰা ষ্টাৰ স্প’ৰ্টছত পোনপটীয়াকৈ সম্প্ৰচাৰ কৰা হ'ব ।
• আই পি এল 2025 ৰ মেগা নিলামৰ বিনামূলীয়া লাইভ ষ্ট্ৰীমিং ক'ত উপভোগ কৰিব ?
  আই পি এল 2025 ৰ মেগা নিলামৰ বিনামূলীয়া লাইভ ষ্ট্ৰীমিং JioCinema এপ আৰু ৱেবছাইটত প্ৰকাশ কৰা হ'ব । যিটো আপুনি বিনামূলীয়াকৈ উপভোগ কৰিব পাৰে ।

লগতে পঢ়ক: কেতিয়া আৰম্ভ হ’ব আই পি এল 2025; বি চি চি আইৰ দিন ঘোষণা