স্প’ৰ্টছ ডেস্ক: চলিত বছৰতে ভাৰতৰ প্ৰধানমন্ত্ৰী নৰেন্দ্ৰ মোদীয়ে আমেৰিকা ভ্ৰমণৰ সময়ত কৰিছিল এটি বিশেষ ঘোষণা ৷ আমেৰিকাৰ প্ৰবাসী ভাৰতীয়সকলক সম্বোধন কৰি মোদীয়ে ভাৰতত 2036 চনত অলিম্পিক উপভোগ কৰাৰ বাবে সাজু হ’বলৈ জনাইছিল আহ্বান ৷
প্ৰধানমন্ত্ৰীৰ এই আহ্বানক আক্ষৰিক অৰ্থত পূৰণৰ দিশত ইতিবাচক পদক্ষেপ গ্ৰহণ কৰিছে অলিম্পিক এছ’চিয়েচন অৱ ইণ্ডিয়াই ৷ সংস্থাটোৱে ইতিমধ্যে এই সন্দৰ্ভত আন্তঃৰাষ্ট্ৰীয় অলিম্পিক কমিটীলৈ প্ৰেৰণ কৰিছে বিশেষ পত্ৰ ৷
🚨 OFFICIAL - Indian Olympic Association submits formal bid to host 2036 Olympics 🇮🇳
— The Khel India (@TheKhelIndia) November 5, 2024
IOA has officially submitted a Letter of Intent to the International Olympic Committee pic.twitter.com/SmGqSNVb0y
পত্ৰখনত 2036 চনত ‘দ্য গ্ৰেটেষ্ট শ্ব’ অন আৰ্থ’ অৰ্থাৎ অলিম্পিক আয়োজন কৰিবলৈ আহ্বান জনোৱা হৈছে । যিটোক আনুষ্ঠানিকভাৱে অলিম্পিক আয়োজন কৰাৰ ক্ষেত্ৰত প্ৰথম ইতিবাচক ভূমিকা বুলি গণ্য কৰা হয় ৷
এই কথা নিশ্চিত কৰিছে সংবাদ সংস্থা আই এ এন এছে ৷ সংবাদ সংস্থাটোক এক বিশেষ সূত্ৰই জনোৱা মতে, 2036 চনত দেশৰ মাটিত অলিম্পিক আৰু পেৰালিম্পিক আয়োজন কৰাৰ বাবে এক গুৰুত্বপূৰ্ণ পদক্ষেপ গ্ৰহণ কৰা হৈছে । সূত্ৰটোৱে লগতে কয় যে, এই সুযোগে ভাৰতক অৰ্থনৈতিকভাৱে শক্তিশালী কৰি তোলাৰ লগতে সামাজিক উন্নয়ন আৰু যুৱ সমাজক অধিক শক্তিশালী কৰি তুলিব ৷
যোৱা বছৰ মুম্বাইত অনুষ্ঠিত হোৱা আন্তঃৰাষ্ট্ৰীয় অলিম্পিক কমিটীৰ অধিৱেশনত নৰেন্দ্ৰ মোদীয়ে প্ৰথমবাৰৰ বাবে ভাৰতৰ মাটিত অলিম্পিক অনুষ্ঠিত কৰাৰ উদ্দেশ্য ব্যক্ত কৰিছিল ৷ ইয়াৰ পিছত তেওঁ বহুবাৰ ‘দ্য গ্ৰেটেষ্ট শ্ব’ অন আৰ্থ’ ৰ আয়োজন কৰিবলৈ বদ্ধপৰিকৰ বুলি প্ৰকাশ কৰে ৷
চলিত বৰ্ষৰ স্বাধীনতা দিৱসৰ দিনা নতুন দিল্লীৰ বাসগৃহত পেৰিছ অলিম্পিকত অংশগ্ৰহণ কৰা দেশৰ খেলুৱৈসকলক সাক্ষাৎ কৰিছিল প্ৰধানমন্ত্ৰী মোদীয়ে । তাত তেওঁ কৈছিল যে, "ভাৰতে 2036 চনৰ অলিম্পিক আয়োজন কৰাৰ বাবে প্ৰস্তুতি চলাইছে । গতিকে পেৰিছত অংশগ্ৰহণ কৰা সকলো খেলুৱৈৰ উল্লেখযোগ্য অৱদান অতি গুৰুত্বপূৰ্ণ । আপোনালোকে নিঃসন্দেহে বহু কথা শিকিছে আৰু অভিজ্ঞতা সঞ্চয় কৰিছে । সেয়া নিশ্চিত কৰিবলৈ আপোনাৰ অভিজ্ঞতা চৰকাৰৰ বাবে সৰ্বোচ্চ ৷ 2036 চনৰ অলিম্পিকত কোনো ত্ৰুটি নাই, ই অতিকৈ মূল্যৱান” ৷
পৰৱৰ্তী সময়ত ছেপ্টেম্বৰ মাহত আমেৰিকা ভ্ৰমণৰ সময়ত প্ৰধানমন্ত্ৰীয়ে নিউয়ৰ্কৰ নাছাউ কলিজিয়ামত প্ৰবাসী ভাৰতীয়সকলক উদ্দেশ্যি কয়, "পেৰিছ অলিম্পিক কেইদিনমানৰ আগতে শেষ হৈছে । ভাৰতৰ মাটিত অলিম্পিক উপভোগ কৰিবলৈ সোনকালে সাজু হওক" ৷
Long Island, New York: Addressing the Indian diaspora at Nassau Coliseum, PM Modi says, " few days ago, the paris olympics concluded, and the next host for the olympics is the usa. soon, you will witness the olympics in india as we are making every effort to host the 2036… pic.twitter.com/fGVM0aAfQJ
— IANS (@ians_india) September 22, 2024
ইয়াৰ পিছত অলিম্পিকৰ শাসকীয় সংস্থালৈ প্ৰেৰণ কৰা বিশেষ পত্ৰখন নিঃসন্দেহে এক আদৰ্শগত পদক্ষেপ ।
জানিব পৰা মতে, 1 অক্টোবৰত ভাৰতে এই চিঠিখন আই অ’ চিলৈ প্ৰেৰণ কৰিছিল ৷ ভাৰতৰ উপৰিও মেক্সিকো, পোলেণ্ড, ইজিপ্ত, দক্ষিণ কোৰিয়া, তুৰস্ক, ইণ্ডোনেছিয়া আদি দেশসমূহেও ইতিমধ্যে 2036 চনৰ অলিম্পিক আয়োজন কৰাৰ ইচ্ছা প্ৰকাশ কৰিছে ।
