আনুষ্ঠানিকতা ৰক্ষাৰ উদ্দেশ্যে ৱাংখেড়েত তৃতীয়খন টেষ্ট; টছত জিকি বেটিঙৰ সিদ্ধান্ত নিউজিলেণ্ডৰ

Ind vs nz third test: তৃতীয় তথা অন্তিম টেষ্টত টছত জয় লাভ নিউজিলেণ্ডৰ ৷ অধিনায়ক টম লাথামৰ প্ৰথমে বেটিঙৰ সিদ্ধান্ত ৷

নিউজ ডেস্ক: আজিৰে পৰা ভাৰত-নিউজিলেণ্ডৰ মাজত আৰম্ভ হৈছে তৃতীয় তথা অন্তিমখন টেষ্ট ৷ মুম্বাইৰ ৱাংখেড়ে ষ্টেডিয়ামত আৰম্ভ হোৱা এই টেষ্টত নিউজিলেণ্ডে টছত জিকি ভাৰতক বলিঙৰ বাবে আমন্ত্ৰণ জনায় ৷

তিনিখন মেচৰ টেষ্ট শৃংখলাটো নিউজিলেণ্ডে ইতিমধ্যে 2-0 ব্যৱধানত দখল কৰিছে ৷ অন্তিমখন টেষ্ট মাথো আনুষ্ঠানিকতা ৰক্ষাৰহে খেল ৷ তৃতীয় টেষ্টৰ বাবে নিউজিলেণ্ডে দুজন খেলুৱৈ আৰু ভাৰতে এজন খেলুৱৈৰ সালসলনি কৰিছে ৷

🚨 Toss Update 🚨

New Zealand elect to bat in the Third and Final Test in Mumbai.

Live - https://t.co/KNIvTEyxU7#TeamIndia | #INDvNZ | @IDFCFIRSTBank pic.twitter.com/hTUgULtT43

— BCCI (@BCCI) November 1, 2024

এই টেষ্ট শৃংখলাৰ সামৰণিৰ পিছতে ভাৰতে ব’ৰ্ডাৰ-গাভাস্কাৰ ট্ৰফীত অংশগ্ৰহণৰ উদ্দেশ্যে অষ্ট্ৰেলিয়া ভ্ৰমণ কৰিব ৷

বুমৰাহৰ স্থানত মূল একাদশত অন্তৰ্ভুক্ত চিৰাজ

এই খেলখনত ভাৰতীয় অধিনায়ক ৰোহিত শৰ্মাই দলৰ মূল একাদশত বৃহৎ পৰিৱৰ্তন সাধন কৰিছে ৷ তেওঁ ভাৰতীয় বলিং বিভাগৰ আটাইতকৈ অভিজ্ঞ আৰু নিৰ্ভৰযোগ্য বলাৰ যশপ্ৰীত বুমৰাহৰ পৰিৱৰ্তে মহম্মদ চিৰাজক তৃতীয় টেষ্টত অন্তৰ্ভুক্ত কৰিছে ৷ ভাইৰেল জ্বৰত আক্ৰান্ত বুমৰাহ সম্পূৰ্ণৰূপে সুস্থ হৈ নুঠাৰ বাবে চিৰাজে এই সুযোগ লাভ কৰে ৷

যশপ্ৰীত বুমৰাহ (ANI Photo)

আনহাতে, নিউজিলেণ্ডৰ অধিনায়ক টম লাথামে মিচেল চেণ্টনাৰ আৰু টিম চাউথীক তৃতীয় টেষ্টৰ পৰা বাদ দিছে ৷ তাৰ পৰিৱৰ্তে দলটোত স্থান লাভ কৰিছে ঈশ সোধি আৰু মেট হেনৰীয়ে ৷

ভাৰত আৰু নিউজিলেণ্ডৰ মূল একাদশ

ভাৰত: ৰোহিত শৰ্মা (অধিনায়ক), শুভমন গিল, বিৰাট কোহলী, ঋষভ পন্ত (উইকেটকীপাৰ), চৰফৰাজ খান, ৰবীন্দ্ৰ জাদেজা, ৱাশ্বিংটন সুন্দৰ, ৰবিচন্দ্ৰন অশ্বিন, আকাশদ্বীপ আৰু মহম্মদ চিৰাজ ।

A look at #TeamIndia's Playing XI for the Third Test 👌👌👌

Live - https://t.co/KNIvTEyxU7#INDvNZ | @IDFCFIRSTBank pic.twitter.com/0Ggq6lRyMQ

— BCCI (@BCCI) November 1, 2024

নিউজিলেণ্ড: টম লাথাম (অধিনায়ক), ডেভন কনৱে, উইল ইয়ং, ৰাচিন ৰবীন্দ্ৰ, ডেৰিল মিচেল, টম ব্লুণ্ডেল (উইকেটকীপাৰ), গ্লেন ফিলিপছ, ইছ সোধি, মেট হেনৰী, আজাজ পেটেল আৰু উইলিয়াম অ'ৰাউৰকে ।

Batting first in Mumbai after a toss win for Tom Latham. Two changes to the XI as Matt Henry returns in place of Tim Southee and Ish Sodhi comes in for Mitchell Santner who is ruled out with a side strain. #INDvNZ #CricketNation pic.twitter.com/lZj7H0iJRw

— BLACKCAPS (@BLACKCAPS) November 1, 2024

লগতে পঢ়ক: ভাৰত-নিউজিলেণ্ডৰ তৃতীয় টেষ্টৰ পৰাও বাদ পৰিল কেন উইলিয়ামছন