স্প’ৰ্টছ ডেস্ক: আকৰ্ষণীয় পৰ্যায়ত ৱাংখেড়ে টেষ্ট ৷ যদিহে তৃতীয় তথা অন্তিমখন টেষ্টত টীম ইণ্ডিয়াই নিউজিলেণ্ডক পৰাস্ত কৰিবলগীয়া হয়, তেন্তে অসম্ভৱকো সম্ভৱ কৰি তুলিব পাৰিব লাগিব ৷
মুম্বাইৰ ৱাংখেড়েত নিউজিলেণ্ডে প্ৰথম ইনিংছত আটাইকেইটা উইকেট হেৰুৱাই সংগ্ৰহ কৰে 235 ৰাণ ৷ প্ৰত্যুত্তৰত ভাৰতে প্ৰথম ইনিংছত 236 ৰাণ সংগ্ৰহ কৰিছিল । ভাৰতে প্ৰথম ইনিংছত লাভ কৰে 28 ৰাণৰ অগ্ৰগতি ৷ আনহাতে, দ্বিতীয় ইনিংছত দ্বিতীয় দিনৰ খেলৰ শেষলৈকে নিউজিলেণ্ডে 9 টা উইকেটৰ বিনিময়ত সংগ্ৰহ কৰে 171 ৰাণ ।
Stumps on Day 2 in Mumbai!
— BCCI (@BCCI) November 2, 2024
A fine bowling display from #TeamIndia as New Zealand reach 171/9 in the 2nd innings.
See you tomorrow for Day 3 action 👋
Scorecard - https://t.co/KNIvTEy04z#INDvNZ | @IDFCFIRSTBank pic.twitter.com/zJcPNgGWuJ
ভাৰতে 28 ৰাণৰ অগ্ৰগতি লাভ কৰিলেও সেয়া নিউজিলেণ্ডক পৰাস্ত কৰিবলৈ পৰ্যাপ্ত নহয় ৷ তৃতীয় দিনৰ আৰম্ভণিতে নিউজিলেণ্ডে 3 ৰাণ সংগ্ৰহ কৰাৰ পিছতে হেৰুৱাই হাতত বাকী থকা উইকেটটো ৷
ভাৰতে চতুৰ্থ ইনিংছত উপনীত হ’বনে লক্ষ্যত ?
24 বছৰ পূৰ্বে দক্ষিণ আফ্ৰিকাই চতুৰ্থ ইনিংছত 163 ৰাণৰ লক্ষ্য অনুসৰণ কৰি জয়লাভ কৰিছিল ৷ ইয়াৰ অৰ্থ হৈছে যে, শৃংখলাটোত হোৱাইট ৱাছৰ পৰা ৰক্ষা পৰিবলৈ ভাৰতে এই ষ্টেডিয়ামত চতুৰ্থ ইনিংছত তেওঁলোকৰ ব্যক্তিগত সৰ্বাধিক লক্ষ্যত উপনীত হ’ব লাগিব ৷
ভাৰতে বৰ্তমানলৈকে এই খেলপথাৰত চতুৰ্থ ইনিংছত মাত্ৰ 48 ৰাণৰ সফল অনুসৰণ কৰিছে, যিটো 1984 চনত ইংলেণ্ডৰ বিৰুদ্ধে আহিছিল ।
Highest successful chase at the Wankhede Stadium in Tests - 163. pic.twitter.com/hrjZM0mS2P
— Mufaddal Vohra (@mufaddal_vohra) November 2, 2024
ৱাংখেড়েত চতুৰ্থ ইনিংছত সৰ্বাধিক বৃহৎ সফলতা
- দক্ষিণ আফ্ৰিকা বনাম ভাৰত (2000) - 163 ৰাণ
- ইংলেণ্ড বনাম ভাৰত (1980) - 96 ৰাণ
- ইংলেণ্ড বনাম ভাৰত (2012) - 57 ৰাণ
- ভাৰত বনাম ইংলেণ্ড (1984) - 48 ৰাণ
- অষ্ট্ৰেলিয়া বনাম ভাৰত (2001) - 47 ৰাণ
তৃতীয় দিনা অৰ্থাৎ দেওবাৰে ভাৰতে দ্বিতীয় ইনিংছত বেট ধৰি বৰ্তমানলৈকে 5 টা উইকেটৰ বিনিময়ত সংগ্ৰহ কৰিছে 41 ৰাণ ৷
লগতে পঢ়ক: জাহিৰ খান, ঈশান্ত শৰ্মাক অতিক্ৰমী পঞ্চম সৰ্বাধিক উইকেট দখলকাৰীত পৰিণত ৰবীন্দ্ৰ জাদেজা
