নিউজ ডেস্ক, 26 ফেব্ৰুৱাৰী: টিম ইণ্ডিয়াৰ যুৱ অ’পেনিং বেটছমেন যশস্বী জয়ছৱালে শক্তিশালী প্ৰদৰ্শনৰ জৰিয়তে নিজৰ নামত এক ডাঙৰ অভিলেখ গঢ়িবলৈ সক্ষম হৈছে । ভাৰতীয় ক্ৰিকেট দলৰ তাৰকা বেটছমেন বিৰাট কোহলীৰ বৃহৎ অভিলেখৰ সৈতে সমতা স্থাপন কৰিলে জয়ছৱালে । এতিয়া যশস্বীয়ে কোহলীৰ এই বিশাল অভিলেখ ভংগ কৰি ৭ মাৰ্চৰ পৰা ধৰ্মশালাত অনুষ্ঠিত হ’বলগীয়া ইংলেণ্ডৰ বিৰুদ্ধে পঞ্চমখন টেষ্ট মেচত ৰান সংগ্ৰহ কৰি তেওঁক অতিক্ৰম কৰাৰ সুযোগ পাব । ইয়াৰোপৰি জয়ছোৱালে টীম ইণ্ডিয়াৰ প্ৰাক্তন ক্ৰিকেটাৰ ৰাহুল দ্ৰাবিড় আৰু বিজয় মাঞ্জৰেকাৰৰ বৃহৎ অভিলেখো ভংগ কৰিছে ।
আচলতে ভাৰত আৰু ইংলেণ্ডৰ মাজৰ টেষ্ট শৃংখলাত সৰ্বাধিক ৰান সংগ্ৰহ কৰা বেটছমেনৰ তালিকাত যশস্বী জয়ছৱালে বিৰাট কোহলীৰ সৈতে সমতা স্থাপন কৰিছে । ইয়াৰ লগে লগে তেওঁ ৰাহুল দ্ৰাবিড় আৰু বিজয় মঞ্জৰেকাৰক পিচ পেলাই গৈছে । এই ৫খন মেচৰ শৃংখলাত এতিয়ালৈকে যশস্বীয়ে ৪ খন মেচৰ ৮ টা ইনিংছত ৬৫৫ ৰান সংগ্ৰহ কৰিছে । এই শৃংখলাৰ পৰা বাহিৰত থকা বিৰাট কোহলীৰো ইংলেণ্ডৰ বিৰুদ্ধে টেষ্ট শৃংখলাত ৰাণ সংখ্যা একেই । ২০১৬ চনত ইংলেণ্ডৰ বিৰুদ্ধে এটা শৃংখলাত ৬৫৫ ৰান সংগ্ৰহ কৰিছল বিৰাটে ।
ভাৰত আৰু ইংলেণ্ডৰ মাজত টেষ্ট শৃংখলাত সৰ্বাধিক ৰান সংগ্ৰহ কৰা বেটছমেনসকল:
- যশস্বী জয়ছোৱাল - ৰান ৬৫৫* (২০২৪)
- বিৰাট কোহলী - ৰান ৬৫৫ (২০১৬)
- ৰাহুল দ্ৰাবিড় - ৰান ৬০২ (২০০২)
- বিজয় মঞ্জৰেকাৰ - ৰান ৫৮৬ (১৯৬১-৬২)
এই শৃংখলাত বেটিঙত যশস্বীয়ে আচৰিত ধৰণৰ প্ৰদৰ্শন আগবঢ়াইছে । তেওঁ এই পৰ্যন্ত ২টা দ্বিশতকো অৰ্জন কৰিছে । ইয়াৰ বাহিৰেও তেওঁ ২ টা অৰ্ধশতক অৰ্জন কৰিছে । এই সময়ছোৱাত তেওঁৰ গড় ৰান ৯৩.৫৭ আৰু ষ্ট্ৰাইক ৰেট ৭৮.৬৩ । তেওঁৰ সৰ্বোত্তম স্ক’ৰ হৈছে ২৪১*।
লগতে পঢ়ক: সুস্থ শৰীৰে খেলপথাৰলৈ উভতিল অল ৰাউণ্ডাৰ হাৰ্দিক পাণ্ডিয়া
