স্প’ৰ্টছ ডেস্ক, 9 ছেপ্টেম্বৰ: বাংলাদেশে দুখন টেষ্ট আৰু তিনিখন টি-20 মেচৰ শৃংখলা লৈ ভাৰত ভ্ৰমণলৈ আহিব ৷ কাৰ্যসূচী অনুসৰি, ভাৰত-বাংলাদেশৰ মাজত প্ৰথমখন টেষ্ট মেচ 19 ছেপ্টেম্বৰত চেন্নাইৰ এম এ চিদাম্বৰম ষ্টেডিয়ামত আৰম্ভ হ’ব ।
TICKET SALE FOR THE FIRST TEST BETWEEN INDIA vs BANGLADESH AT CHEPAUK HAS STARTED....!!!!
— Johns. (@CricCrazyJohns) September 9, 2024
- Fans can book their tickets in Paytm Insider. ⚡ pic.twitter.com/myoicL2fE1
প্ৰথমখন টেষ্ট ক্ৰিকেট মেচৰ বাবে ভাৰতীয় দলটো দেওবাৰে ঘোষণা কৰা হৈছিল । অধিনায়ক ৰোহিত শৰ্মাৰ নেতৃত্বাধীন 16 জনীয়া ভাৰতীয় দলটোত বহুকেইগৰাকী অভিজ্ঞ খেলুৱৈ আছে । প্ৰায় 21 মাহৰ বিৰতিৰ পিছত দললৈ প্ৰত্যাৱৰ্তন ঘটাইছে উইকেটকীপাৰ বেটছমেন ঋষভ পন্তে ৷
তামিলনাডুৰ তাৰকা খেলুৱৈ ৰবিচন্দ্ৰন অশ্বিনকো দলত স্থান দিয়া হৈছে ৷ তদুপৰি ফাষ্ট বলাৰ যশ দয়ালক প্ৰথমবাৰৰ বাবে ভাৰতীয় দলত নিৰ্বাচিত কৰা হৈছে । তেওঁ বাংলাদেশৰ বিৰুদ্ধে প্ৰথমখন টেষ্টত অংশগ্ৰহণ কৰাৰ সম্ভাৱনা আছে ৷
Why aren't the tickets for the F, G, and H stands at the pavilion end, which offer the best views, being opened to the public for the India vs Bangladesh test?
— Ragav 𝕏 (@ragav_x) September 8, 2024
Are they being reserved for corporates, even for India tests, like you do for CSK matches, @TNCACricket? 🤦 pic.twitter.com/vDDnq9p5be
কে এল ৰাহুলেও দীৰ্ঘদিনৰ পিছত দলত লাভ কৰিছে স্থান ৷ অৱশ্যে দলটোৰ পৰা বাদ পৰিছে যুৱ ক্ৰিকেটাৰ শ্ৰেয়ছ আয়াৰ ৷ ইফালে মেচখনক কেন্দ্ৰ কৰি আৰম্ভ কৰা হৈছে টিকটৰ বিক্ৰী ৷
টিকটৰ মূল্যসমূহ:
| ক্ৰমিক নং | গেলেৰীৰ নামসমূহ | টিকটৰ মূল্য |
| 1 | চি, ডি আৰু ই ল’ৱাৰ টায়াৰ | 1,000 টকা |
| 2 | আই, জে আৰু কে ল’ৱাৰ টায়াৰ | 2,000 টকা |
| 3 | আই, জে আৰু কে আপাৰ টায়াৰ | 1,250 টকা |
| 4 | কে এম কে টেৰেচ | 5,000 টকা |
| 5 | চি, ডি আৰু ই (এ/চি) আতিথ্য বক্স | 10,000 টকা |
| 6 | জে (এ/চি) আতিথ্য বক্স | 15,000 টকা |
দেওবাৰে ঘোষিত হোৱা ভাৰতীয় দলটো: ৰোহিত শৰ্মা (অধিনায়ক), যশস্বী জয়ছোৱাল, শুভমন গিল, বিৰাট কোহলী, কে এল ৰাহুল, সৰফৰাজ খান, ঋষভ পন্ত (উইকেট ৰক্ষক), ধ্ৰুৱ জুৰেল (উইকেট ৰক্ষক), ৰবীন্দ্ৰ জাদেজা, আৰ অশ্বিন, অক্ষৰ পেটেল, মহম্মদ চিৰাজ, আকাশদ্বীপ, যশপ্ৰীত বুমৰাহ, যশ দয়াল আৰু কুলদীপ যাদৱ ৷
