স্প’ৰ্টছ ডেস্ক, 21 ছেপ্টেম্বৰ: চেন্নাইত চলি থকা ভাৰত-বাংলাদেশৰ মাজৰ টেষ্ট শৃংখলাৰ শনিবাৰে তৃতীয়টো দিন । ইতিমধ্যে এইখন মেচত শক্তিশালী স্থিতিত উপনীত হৈছে ভাৰত ৷ প্ৰথম ইনিংছত দুৰ্বল আৰম্ভণি কৰা ভাৰতে পিছলৈ এক সন্তোষজনক স্থিতিত উপনীত হয় ৷ যাৰ বাবে বাংলাদেশক 149 ৰাণত ধৰি ৰাখে দলটোৱে ৷
এই মেচখনৰ প্ৰথম ইনিংছত ভাৰতৰ প্ৰত্যাৱৰ্তনত দলটোৰ অন্যতম সদস্য আৰ অশ্বিন আৰু ৰবীন্দ্ৰ জাদেজাৰ আছিল বিশেষ অৱদান । অশ্বিনে শতকীয় ইনিংছ(113) খেলি দলটোক সংকটৰ পৰা উদ্ধাৰ কৰে ৷ অশ্বিনৰ বাহিৰে ৰবীন্দ্ৰ জাদেজায়ো 86 ৰাণ সংগ্ৰহ কৰে ৷ অশ্বিন আৰু জাদেজাই 199 ৰাণৰ অংশীদাৰিত্ব গঢ়ি তোলে ৷
আনহাতে, শতক অৰ্জনৰ পিছতে জাদেজাৰ প্ৰশংসাৰে গদগদ হৈ পৰে আৰ অশ্বিন ৷ বি চি চি আইয়ে শ্বেয়াৰ কৰা এটা ভিডিঅ’ত অশ্বিনে কয়, "আমাৰ মাজত বহু যোগাযোগ আৰু আন্তৰিক সম্পৰ্ক আছে । এটা সময়ত মই মনোযোগ দিব পৰা নাছিলো, তেতিয়া জড্ডুৱে মোক সহায় কৰিছিল" ।
They led #TeamIndia's fightback with the bat in Chennai 😎
— BCCI (@BCCI) September 21, 2024
Hear from the two 𝙍𝙖𝙫𝙞𝙨 on that partnership, banter, insights and more 👌👌 - By @RajalArora
Watch The Feature 🎥🔽 #INDvBAN | @ashwinravi99 | @imjadeja | @IDFCFIRSTBank
তেওঁ লগতে কয়, "যোৱা কেইবছৰমানৰ পৰা ৰবীন্দ্ৰ জাদেজাৰ বেটিং মোৰ বাবে এক বৃহৎ প্ৰেৰণা হৈ আহিছে । খেলত টিকি থকাৰ ধৰণ আৰু ধাৰাবাহিকভাৱে ভাল প্ৰদৰ্শন কৰাৰ ধৰণ জাদেজাৰ ক্ষেত্ৰত সুকীয়া । তেওঁ সদায় এগৰাকী শীৰ্ষ বেটছমেন আৰু মোৰ বাবে ই এক প্ৰেৰণা"।
শতক সন্দৰ্ভত আৰ অশ্বিনে কয়, "মোৰ দেউতা ষ্টেডিয়ামত আছিল আৰু মোৰ ইনিংছত তেওঁ বহুত সুখী আছিল । তেওঁ ক’লে যে, তেওঁ মোক এতিয়ালৈকে সৰ্বশ্ৰেষ্ঠ ইনিংছ খেলা দেখিছে আৰু মোৰ বাবে সেয়া সঁচাকৈয়ে বিশেষ আছিল" ।
আনহাতে, ৰবীন্দ্ৰ জাদেজায়ো অশ্বিনক প্ৰশংসা কৰে ৷ জাদেজাই কয়, "মই এছক কৈছিলো আমি আমাৰ উদ্দেশ্য ইতিবাচক কৰি ৰাখিব লাগে আৰু বলাৰক আক্ৰমণাত্মক হোৱাত বাধা প্ৰদান কৰিব লাগে" ৷
"যেতিয়া ৰবি শাস্ত্ৰীয়ে মোক সুধিলে যে, আপুনি এছক পৰামৰ্শ দিছে নেকি ? মই ক’লো যে, এছক ইয়াৰ প্ৰয়োজন নাই" বুলি ক্ৰিকেটাৰগৰাকীয়ে লগতে কয় ৷
চেন্নাই টেষ্টত ভাৰত এক শক্তিশালী স্থিতিত উপনীত হৈছে । দ্বিতীয় ইনিংছত 3 টা উইকেট হেৰুৱাই 348 ৰাণৰ অগ্ৰগতি লাভ কৰিছে ভাৰতে । এনে সময়ত ভাৰতে যদি বাংলাদেশৰ সন্মুখত 500 ৰাণৰ বিশাল লক্ষ্য বান্ধি দিয়ে, তেন্তে সেয়া অতিক্ৰম কৰাতো দলটোৰ বাবে কঠিন হ’ব ৷
