স্প’ৰ্টছ ডেস্ক, 20 ছেপ্টেম্বৰ: চেন্নাইৰ এম এ চিদাম্বৰম ষ্টেডিয়ামত চলি আছে ভাৰত আৰু বাংলাদেশৰ মাজৰ প্ৰথমখন টেষ্ট মেচ ৷ শুকুৰবাৰে দ্বিতীয় দিনটোৰ আৰম্ভণিতে আটাইকেইটা উইকেটৰ বিনিময়ত 376 ৰাণত ইনিংছ সামৰে ভাৰতে ৷
ইয়াৰ পাছতে ইনিংছ মুকলি কৰিবলৈ ক্ৰিজলৈ আহে বাংলাদেশৰ অ’পেনিং যুটি শদমান ইছলাম আৰু জাকিৰ হাছান ৷ কিন্তু, ভাৰতৰ তাৰকা দ্ৰুত বলাৰ যশপ্ৰীত বুমৰাহে প্ৰথম অভাৰতে এই যুটি ভাঙি ভাৰতক দিয়ে এক সুন্দৰ আৰম্ভণি ।
বুমৰাহৰ দুৰ্দান্ত বলিঙৰ ভিডিঅ’ ভাইৰেল
বাংলাদেশৰ বিৰুদ্ধে ইনিংছৰ প্ৰথম অভাৰত বলিং কৰিবলৈ অধিনায়ক ৰোহিত শৰ্মাই দায়িত্ব দিছিল দলৰ ফাষ্ট বলাৰ যশপ্ৰীত বুমৰাহক । বাওঁহতীয়া বেটছমেন শদমান ইছলামে অভাৰৰ দ্বিতীয় বলত 2 ৰাণ সংগ্ৰহ কৰি নিজৰ লগতে দলৰ খাটা মুকলি কৰে ৷ কিন্তু অভাৰৰ পঞ্চমটো বলত বুমৰাহে ক্লিন বল কৰি বেটছমেনগৰাকীক ক্ৰিজৰ পৰা বিদায় দিয়ে ৷ পৰৱৰ্তী সময়ত এই ভিডিঅ’ ভাইৰেল হৈ পৰে সামাজিক মাধ্যমত ৷
Boom Boom Bumrah 🎇
— BCCI (@BCCI) September 20, 2024
Cleans up Shadman Islam with a peach of a delivery.
Live - https://t.co/jV4wK7BgV2… #INDvBAN@IDFCFIRSTBank | @Jaspritbumrah93 pic.twitter.com/RYi9AX30eA
প্ৰথম ইনিংছত ভাৰতৰ স্ক’ৰ (376/10)
চেন্নাই টেষ্টৰ প্ৰথম ইনিংছত ভাৰতে আটাইকেইটা উইকেট হেৰুৱাই সংগ্ৰহ কৰিছে 376 ৰাণ । ভাৰতৰ হৈ সৰ্বাধিক ৰাণ সংগ্ৰহ কৰে তাৰকা অলৰাউণ্ডাৰ ৰবিচন্দ্ৰন অশ্বিনে ৷ খেলুৱৈগৰাকীয়ে ঘৰুৱা খেলপথাৰত সংগ্ৰহ কৰে 113 ৰাণৰ দৰ্শনীয় ইনিংছ ৷
দলৰ আন এগৰাকী তাৰকা ক্ৰিকেটাৰ ৰবীন্দ্ৰ জাদেজাই অৱশ্যে বঞ্চিত হয় শতক অৰ্জনৰ পৰা ৷ জাদেজাই 86 ৰাণত আউট হৈ পেভিলিয়নলৈ উভতি আহে । দলৰ অ’পেনিং বেটছমেন যশস্বী জয়ছোৱালেও সংগ্ৰহ কৰে অন্যতম অৰ্ধশতক(56) ৷
Innings Break!
— BCCI (@BCCI) September 20, 2024
A mammoth 199 run partnership between @ashwinravi99 (113) & @imjadeja (86) steers #TeamIndia to a first innings total of 376.
Scorecard - https://t.co/jV4wK7BgV2… #INDvBAN@IDFCFIRSTBank pic.twitter.com/UWFcpoxN9U
চেন্নাই টেষ্টৰ প্ৰথম ইনিংছত বাংলাদেশৰ হৈ সোঁহতীয়া দ্ৰুত বলাৰ হাছান মাহমুদে সৰ্বাধিক 5 টাকৈ উইকেট দখল কৰে । দলটোৰ হৈ টাস্কিন আহমেদেও লাভ কৰে 3 টা উইকেট ৷
লগতে পঢ়ক: এবাৰ দুবাৰ নহয়, বাৰে বাৰে শূন্যত আউট হৈ লজ্জাজনক অভিলেখ শুভমন গিলৰ - SHUBMAN GILL RECORD
