স্প’ৰ্টছ ডেস্ক: বৰ্ডাৰ-গাভাস্কাৰ ট্ৰফীৰ প্ৰথমখন টেষ্টত উপলব্ধ নহ’ব পাৰে টীম ইণ্ডিয়াৰ নিয়মীয়া অধিনায়ক ৰোহিত শৰ্মা ৷ এই কথা সদৰী কৰিছে দলটোৰ মুখ্য প্ৰশিক্ষক গৌতম গম্ভীৰে ৷
তেন্তে কাক দিয়া হ’ব দলৰ অধিনায়কৰ ভাৰ ? সেয়া বৰ্তমান সময়ত এক লাখটকীয়া প্ৰশ্ন ৷ এই সকলোবোৰ প্ৰশ্নৰ উত্তৰ লৈ সোমবাৰে এক সংবাদমেল সম্বোধন কৰে টীম ইণ্ডিয়াৰ মুখ্য প্ৰশিক্ষকগৰাকীয়ে ৷
গৌতম গম্ভীৰে সংবাদমেলত সদৰী কৰা অনুসৰি, দলটোৰ নিয়মীয়া অধিনায়ক ৰোহিত শৰ্মাৰ অনুপস্থিতিত এই দায়িত্ব বহন কৰিব পেচাৰ যশপ্ৰীত বুমৰাহে ৷ শৃংখলাটোৰ প্ৰথমখন খেল 22 নৱেম্বৰত পাৰ্থত আৰম্ভ হ'ব ।
যশপ্ৰীত বুমৰাহৰ ওপৰত দলৰ অধিনায়কত্বৰ ভাৰ
শৃংখলাটোৰ বাবে অষ্ট্ৰেলিয়ালৈ ৰাওনা হোৱাৰ পূৰ্বে সোমবাৰে মুম্বাইত এখন সংবাদমেলত গম্ভীৰে কয়, "বুমৰাহ দলটোৰ সহ অধিনায়ক ৷ যদি ৰোহিত উপলব্ধ নহয়, তেন্তে তেওঁ পাৰ্থত অধিনায়কত্ব কৰিব" ৷
গম্ভীৰৰ মতে, যদিও ৰোহিত শৰ্মা এই মুহূৰ্তত দলটোৰ সৈতে নাই, তথাপিও তেওঁক শৃংখলাটোৰ প্ৰথমখন খেলৰ পৰা আনুষ্ঠানিকভাৱে বাদ দিয়া হোৱা নাই ।
CAPTAIN JASPRIT BUMRAH 📢
— Johns. (@CricCrazyJohns) November 11, 2024
- Gambhir confirms if Rohit Sharma is not available then Bumrah will lead Team India. pic.twitter.com/NHUsU5wc1K
টীম ইণ্ডিয়াৰ দ্বিতীয়টো দল অষ্ট্ৰেলিয়ালৈ ৰাওনা হোৱাৰ পূৰ্বে গম্ভীৰে এখন সংবাদমেলত কয়, "আমি আপোনালোকক জনাব পৰাকৈ এই মুহূৰ্তত কোনো নিশ্চিতি নাই পৰিস্থিতি কি হ'ব ৷ আশা কৰো তেওঁ উপলব্ধ হ'ব ৷ কিন্তু শৃংখলাটোৰ আৰম্ভণিতে আমি সকলো জানিব পাৰিম" ।
কে এল ৰাহুল বা অভিমন্যু ঈশ্বৰণ হ'ব অ’পেনিং বিকল্প
ভাৰতীয় দলটোৱে দুটা পৃথক দলত ভাগ হৈ ৰাওনা হৈছে অষ্ট্ৰেলিয়ালৈ ৷ প্ৰথমটো দল 10 নৱেম্বৰত ৰাওনা হোৱাৰ বিপৰীতে সোমবাৰে দ্বিতীয়টো দল ৰাওনা হ’ব ৷ অৱশ্যে ৰোহিতৰ অনুপস্থিতিত টীম মেনেজমেণ্টৰ হৈ মুখ্য প্ৰশিক্ষক গৌতম গম্ভীৰে বিকল্প নামবোৰ ঘোষণা কৰিছে ৷
এনে পৰিস্থিতিত অভিমন্যু ঈশ্বৰণ আৰু কে এল ৰাহুল অপেনিং বিকল্প হিচাপে লৈ আগবাঢ়িবলৈ সাজু হৈছে টীম ইণ্ডিয়া ৷
Gautam Gambhir said, " kl rahul and abhimanyu easwaran are the opening options for us if rohit sharma isn't available". pic.twitter.com/0EEy0T0dZS
— Mufaddal Vohra (@mufaddal_vohra) November 11, 2024
"নিশ্চিতভাৱে তাত (অভিমন্যু) ঈশ্বৰণ আৰু কে এল (ৰাহুল) আছে । গতিকে যদি ৰোহিত উপলব্ধ নহয়, আমি প্ৰথম টেষ্ট মেচৰ পূৰ্বে সিদ্ধান্ত ল’ম । বিকল্প আছে, এনে নহয় যে কোনো বিকল্প নাই । দলটোত বহুতো বিকল্প আছে" ৷
পাৰ্থত হ’ব নেট অনুশীলন
দলটোৰ প্ৰস্তুতি পৰ্যায়ত কোনো ত্ৰুটি নাৰাখিবলৈ টীম ইণ্ডিয়াই পাৰ্থত আয়োজন কৰিছে শিবিৰৰ ৷ য’ত অংশগ্ৰহণ কৰিব ভাৰত এ দলৰ খেলুৱৈসকলে ৷ অনুশীলন মেচৰ পৰিৱৰ্তে মেনেজমেণ্টে চাৰিখন টেষ্টৰ কঠিন শৃংখলাটোৰ পূৰ্বে ভালদৰে প্ৰস্তুতি কৰিবলৈ চেণ্টাৰ-উইকেট অনুশীলনৰ বাবে বাছনি কৰিছে ।
লগতে পঢ়ক: আৰিয়ানৰ পৰা আনায়ালৈ... প্ৰাক্তন ভাৰতীয় ক্ৰিকেটাৰৰ পুত্ৰৰ ভিডিঅ’ই লগাইছে তোলপাৰ
