স্প’ৰ্টছ ডেস্ক, 8 ছেপ্টেম্বৰ: এছিয়ান হকী চেম্পিয়নছ ট্ৰফী 2024 ত ভাৰতে কৰিছে চমকপ্ৰদ আৰম্ভণি । শনিবাৰে ভাৰতে অংশগ্ৰহণ কৰা প্ৰথমখন খেলত পুৰুষ হকী দলটোৱে আয়োজক চীনক 3-0 গ’লত পৰাস্ত কৰি অভিযান আৰম্ভ কৰে ।
ভাৰতৰ বিপক্ষে 3-0 গ’লত পৰাস্ত চীন
এছিয়ান হকী চেম্পিয়নছ ট্ৰফীত ডিফেণ্ডিং চেম্পিয়ন ভাৰতীয় দলে তেওঁলোকৰ প্ৰথমখন খেলত সুন্দৰ প্ৰদৰ্শন আগবঢ়াইছে । ভাৰতীয় দলটোৱে সমগ্ৰ খেলখনত আয়োজক দলটোৰ ওপৰত চাপ বৰ্তাই ৰখাত সক্ষম হৈছিল ৷
Full time
— Asian Hockey Federation (@asia_hockey) September 8, 2024
Hero Asian Champions Trophy Moqi China 2024#hact2024#asiahockey pic.twitter.com/1uQZ6p5dJC
খেলৰ অধিকাংশ সময়তে আধিপত্য বিস্তাৰ কৰিছে নীলা জাৰ্ছীৰ দলটোৱে । যাৰ বাবে প্ৰতিপক্ষৰ বিৰুদ্ধে মুখথেকেচা খাই চীনৰ দলটোৱে ৷ ভাৰতৰ হৈ সুখজিৎ সিঙে(14 মিনিট), উত্তম সিং(27 মিনিট) আৰু অভিষেকে সুন্দৰ গ’ল কৰে ।
ভাৰতৰ আক্ৰমণাত্মক আৰম্ভণি
ভাৰতীয় দলটোৱে খেলখন আক্ৰমণাত্মকভাৱে আৰম্ভ কৰি প্ৰথম কোৱাৰ্টাৰৰ পৰাই চীনক আক্ৰমণ কৰিছিল । চীনৰ দলটোৱে কিছু সুন্দৰ প্ৰদৰ্শন আগবঢ়াইছিল যদিও সুখজিৎ সিঙে খেলখনৰ 14 মিনিটত গ’ল কৰি প্ৰথম কোৱাৰ্টাৰৰ সমাপ্তিৰ পূৰ্বে ভাৰতক 1-0 ৰ অগ্ৰগতি প্ৰদান কৰে ।
Half time
— Asian Hockey Federation (@asia_hockey) September 8, 2024
Hero Asian Champions Trophy Moqi China 2024#hact2024#asiahockey pic.twitter.com/zb2b3Pmje3
দ্বিতীয় কোৱাৰ্টাৰতো ভাৰতে দ্ৰুত খেল অব্যাহত ৰাখিছিল । লগতে খেলৰ 27 মিনিটত উত্তম সিঙে ভাৰতৰ হৈ দ্বিতীয়টো গ’ল কৰিছিল । হাফ টাইমলৈ ভাৰতে চীনৰ বিৰুদ্ধে 2-0 ৰ অগ্ৰগতি লাভ কৰে ৷
হাফ টাইমৰ পিছত তুমুল প্ৰতিযোগিতা
তৃতীয় আৰু চতুৰ্থ কোৱাৰ্টাৰত ভাৰত আৰু চীনৰ মাজত কঠিন যুঁজ হোৱা দেখা গৈছিল । ভাৰতৰ তাৰকা খেলুৱৈ অভিষেকে তৃতীয় কোৱাৰ্টাৰত ভাৰতক 3-0 গ’লত আগুৱাই নিয়াৰ প্ৰয়াসেৰে তৃতীয়টো গ'ল দিয়ে ।
India have taken a comfortable 2 goal lead here against China in the first game of Hero Asian Champions Trophy 2024.
— Hockey India (@TheHockeyIndia) September 8, 2024
2 youngsters making their mark out there.
India 🇮🇳 2 - 0 🇨🇳 China
Sukhjeet Singh 14'
Uttam Singh 27'#HeroACT2024 #IndvChn #HockeyIndia #IndiaKaGame
.
.
.… pic.twitter.com/yWaj2pfONY
পৰৱৰ্তী সময়ত চীনে বহুতো সুযোগ সৃষ্টি কৰিছিল যদিও ভাৰতৰ শক্তিশালী প্ৰতিৰক্ষাৰ বাবে এই চেষ্টা বিফল হয় ৷ চতুৰ্থ কোৱাৰ্টাৰত দুয়োটা দলে গ’ল কৰিবলৈ কেইবাটাও প্ৰয়াস কৰিছিল কিন্তু এই কোৱাৰ্টাৰটো গ’লবিহীন আছিল । অৱশেষত বৰ্তমানৰ চেম্পিয়ন ভাৰতে 3-0 গ’লত খেলখনত জয় লাভ কৰে ৷
হৰমনপ্ৰীত সিঙলৈ হিৰো অৱ দ্য মেচৰ খিতাপ
চীনৰ বিৰুদ্ধে অনুষ্ঠিত এই খেলখনত ভাৰতীয় দলৰ অধিনায়ক হৰমনপ্ৰীত সিং অৱশ্যে গ'ল দিয়াত ব্যৰ্থ হোৱা দেখা যায় । কিন্তু সমগ্ৰ মেচখনত তেওঁৰ চমকপ্ৰদ প্ৰদৰ্শনৰ বাবে হিৰো অৱ দ্য মেচৰ বঁটা লাভ কৰে ৷
লগতে পঢ়ক: এছিয়াৰ অলিম্পিক পৰিষদৰ সভাপতিৰ পদত প্ৰথমগৰাকী ভাৰতীয় - OCA PRESIDENT RANDHIR SINGH
