মানিকপুৰ, 2 মে’ : বৰপেটা লোকসভা সমষ্টিৰ বিজেপি মিত্ৰজোঁটৰ প্ৰাৰ্থী ফণীভূষণ চৌধুৰীৰ হৈ মানিকপুৰত নিৰ্বাচনী প্ৰচাৰ মন্ত্ৰী জয়ন্ত মল্লবৰুৱাৰ ৷ সভাত বৰপেটা লোকসভা সমষ্টিৰ প্ৰাৰ্থী ফণীভূষণ চৌধুৰীয়ে অতি কমেও 5 লাখ ভোটৰ ব্যৱধানত জয়ী হ’ব বুলি দাবী কৰে মন্ত্ৰীগৰাকীয়ে ৷ আনহাতে সভাত কংগ্ৰেছ আৰু এ আই ইউ ডি এফক তীব্ৰ সমালোচনা কৰে মন্ত্ৰী জয়ন্ত মল্লবৰুৱাই ৷
- " class="align-text-top noRightClick twitterSection" data="">
ধুবুৰী লোকসভা সমষ্টিৰ প্ৰাৰ্থী বদৰুদ্দিন আজমলে সভাত মাইক দলিওৱা সন্দৰ্ভত প্ৰতিক্ৰিয়া প্ৰকাশ কৰি মন্ত্ৰী জয়ন্তমল্ল বৰুৱাই কয় যে, যেতিয়া মানুহ হতাশ হয়, পৰাজয় সুনিশ্চিত বুলি জানে তেতিয়াই এনে কাম কৰে ৷ বদৰুদ্দিন আজমলৰ এই ঘটনাবিলাকে তেওঁ বিপুল ভোটত পৰাজয় বৰণ কৰিব তাকেই প্ৰতীয়মান কৰিছে বুলি মন্তব্য কৰে মন্ত্ৰীগৰাকীয়ে ৷
ইফালে তৃতীয় পৰ্যায়ত নিৰ্বাচন অনুষ্ঠিত হ’বলগীয়া চাৰিওটা সমষ্টিতে বিজেপি মিত্ৰজোঁট জয়ী হ’ব বুলি দাবী কৰে মন্ত্ৰী জয়ন্ত মল্লবৰুৱাই ৷ তেওঁ কয় যে, ধুবুৰীত অলপ কঠিন আছিল ৷ কিন্তু শেহতীয়াকৈ বদৰুদ্দিন আজমলৰ যি ব্যৱহাৰ দেখা গৈছে তাত ধুবুৰীতো বিজেপি মিত্ৰজোঁটৰ প্ৰাৰ্থী 1 লাখ ভোটৰ ব্যৱধানত জয়ী হোৱাটো নিশ্চিত বুলি কয় তেওঁ ৷
আনহাতে মন্ত্ৰী বৰুৱাই কয় যে, ফণীভূষণ চৌধুৰীক যিয়ে সমালোচনা কৰিছে তেওঁলোকে ৰাজনীতি নাজানে ৷ তেওঁলোকে ৰাইজৰ মৰমক স্বীকাৰ কৰিব নাজানে, এয়া ৰাইজকে অপমান কৰাৰ দৰে কথা ৷ ফণীভূষণ চৌধুৰীক সমালোচনা কৰা মানে বঙাইগাঁওবাসী ৰাইজক অপমান কৰা ৷ কাৰণ বঙাইগাঁওবাসী ৰাইজে আঠবাৰকৈ জিকোৱা মানুহজনক সমালোচনা কৰা মানে ৰাইজক সমালোচনা কৰা বুলি উল্লেখ কৰে মন্ত্ৰী জয়ন্ত মল্লবৰুৱাই ৷
লগতে পঢ়ক : বঙাইগাঁৱত ফণী ভূষণ চৌধুৰীৰ হৈ বিজেপি-অগপ দলৰ মেগা ৰোড শ্ব’ - Bongaigaon Ajp Bjp Road Show
