শিলচৰ, 3 এপ্ৰিল : দ্বিতীয় পৰ্যায়ত নিৰ্বাচন অনুষ্ঠিত হ’বলগীয়া ৰাজ্যৰ লোকসভা সমষ্টি কেইটাত ইতিমধ্যে বিভিন্ন দলৰ প্ৰাৰ্থীয়ে দাখিল কৰিছে মনোনয়ন ৷ দ্বিতীয় পৰ্যায়ত ৰাজ্যৰ পাঁচটা লোকসভা সমষ্টিত 26 এপ্ৰিলত অনুষ্ঠিত হ’ব নিৰ্বাচন ৷ ইতিমধ্যে এই পাঁচটা সমষ্টিত শক্তি প্ৰদৰ্শনেৰে শাসক-বিৰোধী উভয়ৰে প্ৰাৰ্থীসকলে দাখিল কৰিছে মনোনয়ন ৷
লোকসভা নিৰ্বাচনৰ দ্বিতীয় পৰ্যায়ৰ বাবে শিলচৰত কংগ্ৰেছৰ শক্তি প্ৰদৰ্শন ৷ হাজাৰ হাজাৰ সমৰ্থকেৰে সমদল বাহিৰ কৰি শিলচৰ লোকসভা সমষ্টিৰ বাবে বুধবাৰে মনোয়ন দাখিল কৰে কংগ্ৰেছ প্ৰাৰ্থী সূৰ্যকান্ত সৰকাৰে ৷ বিশাল ৰোড শ্ব’ বাহিৰ কৰি কংগ্ৰেছ প্ৰাৰ্থী সূৰ্যকান্ত সৰকাৰে দলটোৰ ৰাজ্যিক শীৰ্ষ নেতাৰ উপস্থিতিৰ অবিহনেই দাখিল কৰে মনোনয়ন ৷ মনোনয়ন দাখিলৰ সময়ত প্ৰাৰ্থীগৰাকীৰ সৈতে প্ৰাক্তন মন্ত্ৰী অজিত সিং, বিধানসভাৰ প্ৰাক্তন উপাধ্যক্ষ আমিনূল হক লস্কৰ, জিলা সভাপতি অভিজিৎ পাল আৰু দলীয় দুই বিধায়ক উপস্থিত থাকে ৷ মনোনয়ন দাখিল কৰি কংগ্ৰেছ প্ৰাৰ্থীজনে বৰাক উপত্যকাৰ জনসাধাৰণৰ মৌলিক সমস্যাসমূহ সমাধানৰ বাবে ওলাই অহা বুলি মন্তব্য কৰে ৷
