ওৰে নিশা পুষ্পা ২ চাই টোপনি ক্ষতি...কিন্তু সাৱধান! নিশাটো ম’বাইলত চিনেমা চাই চপাই নল’ব এই বিপদ

বৰ্তমান বহুলোকেই ম’বাইল ফোনৰ প্ৰতি অভ্যস্ত হৈ গোটেই ৰাতি ম’বাইল ফোন ব্যৱহাৰ কৰে বা চিনেমা চায়, ইয়াৰ ফলত আমাৰ স্বাস্থ্যৰ ওপৰত কেনে প্ৰভাৱ পৰিব পাৰে-

অৱশেষত ছবিগৃহত মুক্তি পালে আল্লু অৰ্জুনৰ বহু প্ৰত্যাশিত ছবি ‘পুষ্পা ২: দ্য ৰুল’ আৰু ইয়াক লৈ অনুৰাগীৰ মাজত খুবেই উৎসাহ দেখিবলৈ পোৱা গৈছে ৷ ছবিখন মুক্তি পোৱাৰ লগে লগে ছ’চিয়েল মিডিয়া আৰু চিনেমাগৃহত স্পষ্টকৈ দেখা যায় ছবিখনৰ সফলতা ৷ কিন্তু চিনেমাখন মুক্তি লাভ কৰাৰ মাত্ৰ কেইঘণ্টামানৰ পিচতে চিনেমাখনৰ পাইৰেটেড সংস্কৰণ অবৈধ প্লেটফৰ্মত উপলব্ধ হৈ গৈছিল ৷ ইয়াৰ পিচত বহু লোকে ৰাতি টোপনি ক্ষতি কৰি এই ছবিখন উপভোগ কৰে ৷ কেৱল পুষ্পা ২ৰ বাবেই নহয়, বৰ্তমান বহুলোকেই ম’বাইল ফোনৰ প্ৰতি অভ্যস্ত হৈ গোটেই ৰাতি ম’বাইল ফোন ব্যৱহাৰ কৰে বা ফোনত চিনেমা চায়, যাৰ ফলত স্বাস্থ্যৰ ওপৰত বিৰূপ প্ৰভাৱ পৰে ৷

গভীৰ নিশালৈকে ম’বাইল ফোনত চিনেমা চোৱাৰ অভ্যাস বা অবিৰতভাৱে ফোন ব্যৱহাৰ কৰাৰ অভ্যাসে আপোনাৰ স্বাস্থ্যৰ গুৰুতৰ ক্ষতি কৰিব পাৰে ৷ সেয়ে আজি ম’বাইল ফোন অত্যধিক ব্যৱহাৰৰ ফলত হোৱা ৫টা ডাঙৰ স্বাস্থ্যজনিত সমস্যাৰ বিষয়ে জানো আহক-

১) চকুৰ ক্লান্তি আৰু দৃষ্টিশক্তিৰ ওপৰত প্ৰভাৱ

ম’বাইলৰ স্ক্ৰীণৰ পৰা নীলা পোহৰ চকুৰ বাবে অতি বিপদজনক ৷ ৰাতি আন্ধাৰত ফোনটো চালে চকুৰ বিষ, ভাগৰুৱা আৰু দৃষ্টিশক্তিৰ সমস্যা হ’ব পাৰে ৷ এই অভ্যাসে দীৰ্ঘকালীনভাৱে চকুৰ দৃষ্টিশক্তি হ্ৰাস কৰিব পাৰে ৷

২) টোপনিৰ গুণাগুণৰ ওপৰত প্ৰভাৱ

ৰাতিটোৰ ভিতৰতে চিনেমা বা ভিডিঅ’ চোৱাটোৱে টোপনিৰ ধৰণত গভীৰ প্ৰভাৱ পেলায় ৷ ম’বাইলৰ পৰা নিৰ্গত হোৱা নীলা পোহৰে মেলাটনিন হৰম’নৰ উৎপাদনত প্ৰভাৱ পেলায়, যাৰ ফলত আমি গভীৰ আৰু শান্তিপূৰ্ণ নিদ্ৰা গ্ৰহণ কৰিব পাৰো ৷

৩) মানসিক চাপ আৰু উদ্বেগ

ঘণ্টাৰ পিচত ঘণ্টা ধৰি ম’বাইল ফোনত কটোৱাটোৱে মানসিক চাপ আৰু উদ্বেগ বৃদ্ধি কৰিব পাৰে ৷ ই আপোনাৰ মেজাজ নষ্ট কৰি মনটোক ক্লান্তিৰ অৱস্থালৈ লৈ যায় ৷

৪) মেৰুদণ্ড আৰু ডিঙিৰ সমস্যা

বহু সময় বেঁকা হৈ থাকি ম’বাইলটোলৈ চালে ডিঙি আৰু মেৰুদণ্ডত অধিক চাপ পৰে ৷ ইয়াক ‘টেক-নেক’ সমস্যা বুলি কোৱা হয়, যাৰ ফলত বিষ আৰু পেশীৰ টান মাৰি ধৰাৰ দৰে সমস্যাৰ সৃষ্টি হ’ব পাৰে ৷

৫) ডিজিটেল আসক্তি আৰু সামাজিক দূৰত্ব

ম’বাইল ফোনত অত্যধিক নিৰ্ভৰশীলতা ফলত আপোনাৰ ডিজিটেল আসক্তিৰ সৃষ্টি হ’ব পাৰে ৷ ইয়াৰ দ্বাৰা আপোনাৰ সামাজিক আৰু ব্যক্তিগত সম্পৰ্কতো নেতিবাচক প্ৰভাৱ পৰিব পাৰে ৷

ইয়াৰ সমাধান কি ?

• শুবলৈ যোৱাৰ কমেও ১ ঘণ্টা পূৰ্বে ম’বাইল ব্যৱহাৰ বন্ধ কৰক ৷
• ম’বাইল চোৱাৰ সময় সীমিত কৰক ৷
• বল্ু লাইট ফিল্টাৰৰ ব্যৱহাৰ কৰক ৷
• দিনত চকুক জিৰণি ল’বলৈ নিয়মিত বিৰতি লওক ৷

উৎস:-https://pmc.ncbi.nlm.nih.gov/articles/PMC6618184/#:~:text=Bedtime%20smartphone%20usage%20and%20Sleep,for%2016%20to%2030%20minutes.

লগতে পঢ়ক: ডায়েবেটিছ নিয়ন্ত্ৰণত লাভদায়ক এইবিধ বনৌষধি...গুৱাহাটী IASSTৰ ডাঙৰ দাবী