শীতকাল অহাৰ লগে লগে আমি বিভিন্ন ৰোগৰ সন্মুখীন হ’বলগীয়া হয় ৷ যিসকল লোকৰ ৰোগ প্ৰতিৰোধ ক্ষমতা দুৰ্বল হয় তেওঁলোকে প্ৰায়ে জ্বৰ আৰু চৰ্দিৰ সৈতে যুঁজিবলগীয়া হয় ৷ শীতকালত বিভিন্ন ৰোগৰ পৰা আঁতৰি থাকিবলৈ খাদ্যৰ পৰিৱৰ্তন কৰাটো অতি প্ৰয়োজনীয় ৷ এই বতৰত বহুতো শাক-পাচলি আৰু ফল-মূলো পোৱা যায় ৷ এই ফল-মূলে শৰীৰক বিভিন্ন ৰোগৰ পৰা আঁতৰাই ৰখাৰ শৰীৰক শক্তিশালী কৰি ৰখাত সহায় কৰে ৷
তাৰে ভিতৰত এবিধ প্ৰধান খাদ্য হৈছে বাদাম ৷ হয়, শীতকালত বাদাম খোৱাটো আমাৰ স্বাস্থ্যৰ বাবে খুবেই উপকাৰী ৷ বাদামে কেৱল আমাৰ শৰীৰক শক্তি প্ৰদান কৰাই নহয় বৰঞ্চ প্ৰচণ্ড ঠাণ্ডাৰ পৰাও ৰক্ষা কৰে ৷ ভিটামিন, খনিজ পদাৰ্থ, প্ৰ’টিন, আঁহকে ধৰি বহুতো পুষ্টিকৰ উপাদান ইয়াত প্ৰচুৰ পৰিমাণে পোৱা যায় ৷
সেয়ে আজি আমি আপোনালোকৰ বাবে বাদামেৰে সহজে তৈয়াৰ কৰিব পৰা লাডুৰ এনে এটি ৰেচিপি যি কেৱল আপোনাৰ শৰীৰক শক্তি প্ৰদান কৰাই নহয় আপোনাৰ শৰীৰক সুস্থ কৰি ৰখাটো সহায় কৰিব ৷
কিমান গৰাকী লোকৰ বাবে: ৪
সামগ্ৰী:
- গুড় – ১/২ কাপ
- বাদাম – ১ কাপ
- ঘিউ - ২ চামুচ
- নাৰিকল – ১/২ কাপ (গ্ৰেটেড)
- ইলাচিৰ গুড়ি
পদ্ধতি :
- বাদামৰ লাডু বনাবলৈ প্ৰথমে বাদামখিনি মধ্যমীয়া জুইত ৰোষ্ট কৰি লওক ৷ অৰ্থাৎ শুকানকৈ ভালদৰে ভাজি লওক ৷ মনত ৰাখিব যে বাদামবোৰ ভিতৰৰ পৰা যাতে কেঁচা নহয় ৷ ইয়াৰ পিচত বাদামৰ বাকলিখিনি আঁতৰাই লওক ৷
- এতিয়া ভজা বাদামখিনি মিক্সাৰ গ্ৰাইণ্ডাৰত দি মোটাকৈ পিচি লওক ৷ মনত ৰাখিব যে ইয়াক পাউদাৰ কৰিব নালাগে, মাত্ৰ মিহিকৈ পিচি লওক ৷
- ইয়াৰ পিচত কেৰাহীত ঘিউ অলপ গৰম হ’বলৈ দিয়ক ৷ ইয়াৰ পিচত ইয়াত গুড় দি কম জুইত গলাই লওক ৷ গুড় সম্পূৰ্ণকৈ গলিলে গেছৰ পৰা আঁতৰাই লওক ৷
- এতিয়া গলি যোৱা কুহুমীয়া গুৰত ইলাচি গুড়ি, পিহি লোৱা বাদামৰ গুড়ি আৰু নাৰিকল দি ভালদৰে মিহলাই লওক ৷
- এতিয়া সৰু সৰু লাডু তৈয়াৰ কৰক ৷ আপুনি নিজৰ পছন্দ অনুসৰি লাডুৰ আকৃতি দিব পাৰে ৷
- লাডু ঠাণ্ডা হোৱাৰ পিচত পৰিবেশন কৰক ৷ এই লাডুবোৰ বায়ু সোমাব নোৱাৰা পাত্ৰত এসপ্তাহৰ বাবে ৰাখিব পাৰে ৷
