অসমীয়া সমাজত চাহৰ বিশেষ গুৰুত্ব আছে ৷ চাহৰ উপকাৰিতাৰ কথা বহুতে হয়টো নাজানে ৷ চাহৰ বহু স্বাস্থ্যৰ উপকাৰিতা গুণ আছে ৷ বিভিন্ন প্ৰকাৰৰ চাহে পেট ফুলা, বদহজমৰ পৰা আৰম্ভ কৰি ওজন হ্ৰাস কৰা লৈকে বহুতো সমস্যা সমাধান কৰে ৷ চাহপাতৰ উপৰি এনে কিছুমান চাহ খাব পাৰো, য’ত অধিক স্বাস্থ্য উপকাৰিতা আছে ৷
পদিনা পানীয় – পদিনা পাত বদহজমৰ বাবে অধিক উপকাৰী ৷ এই পাতৰ পৰাও ঔষধ তৈয়াৰ কৰা হয় ৷ কিন্তু আপুনি জানেনে যে, এই পাতেৰে পানীয় বনোৱাটোও সম্ভৱ ৷ পদিনা পাতৰ পানীয় বদহজম, মুখৰ দুৰ্গন্ধ, মানসিক ভাগৰ ৰোধ কৰাত অতি ফলপ্ৰসূ ৷ গৱেষণাৰ পৰা দেখা গৈছে যে এই পানীয়ই মানসিক সংযোগ বৃদ্ধিতো সহায় কৰে ৷ সতেজ পদিনা পাত গৰম পানীত উতলাই কিছু সময় ঢাকি ৰাখিব ৷ ইচ্ছা কৰিলে পদিনা পাতৰ গুড়ি মিহলাই দিব পাৰে ৷
লং পানীয় – হজম শক্তি উন্নত কৰিবলৈ লং অতি উপকাৰী ৷ লঙত থকা পদাৰ্থই পাচন এনজাইম নিৰ্গত কৰাত সহায় কৰে ৷ ইয়াত থকা ইউজেনলে পাচনতন্ত্ৰৰ প্ৰদাহ কমোৱাতো সহায় কৰে ৷ ফলত হজম শক্তি বৃদ্ধি পায় ৷ লঙে তেজৰ শৰ্কৰাৰ মাত্ৰা নিয়ন্ত্ৰণতো সহায় কৰে ৷ লং গৰম পানীত উতলাই লওক ৷ ইচ্ছা কৰিলে আদা দিব পাৰে ৷
জিৰা পানীয় – জিৰাই খাদ্য হজম হোৱাৰ ক্ষেত্ৰত সহায় কৰে বুলি জনা যায় ৷ ইয়াত প্ৰদাহ নিবাৰণকাৰী গুণ থাকে ৷ পেট, গেছ, বদহজম দূৰ কৰাত জিৰা অতি উপযোগী ৷ ইয়াৰ উপৰিও ভাল টোপনি অহাৰ ক্ষেত্ৰটো সহায় কৰে ৷ গৰম পানীত জিৰা উতলাই চেকি খালে পেটৰ সমস্যাৰ বাবে উপকাৰী ৷
