ইন্টাৰনেশ্যনেল ডেস্ক, 6 মে’ : ইজৰাইলৰ সামৰিক বাহিনীয়ে দেওবাৰে নিশা মধ্য গাজাৰ এটা ৰাষ্ট্ৰসংঘৰ কমপ্লেক্সত অৱস্থিত হামাছ কমাণ্ড এণ্ড কণ্ট্ৰোল চেণ্টাৰত আঘাত কৰে যি স্থল বাহিনী আৰু মানৱীয় প্ৰচেষ্টাৰ বিৰুদ্ধে একাধিক আক্ৰমণৰ মঞ্চ হিচাপে কাম কৰে ৷ ইজৰাইল ৰক্ষা বাহিনীয়ে এই কথা প্ৰকাশ কৰিছে ৷ ইফালে সেনাই কয় যে দিনটোৰ আৰম্ভণিতে কেৰেম শ্লোম ক্ৰছিংত ৰকেট আক্ৰমণত তিনিজন সৈনিক নিহত আৰু 11 জন আহত হয় ৷
যোৱা কেইটামান সপ্তাহত গাজাৰ কেন্দ্ৰীয় কৰিড’ৰত ইজৰাইলী সৈন্যৰ ওপৰত একাধিক আক্ৰমণৰ মঞ্চ হিচাপে ব্যৱহাৰ কৰা হৈছিল এই কমাণ্ড এণ্ড কণ্ট্ৰ’ল ফেচিলিটি ৷ তদুপৰি ষ্ট্ৰিপৰ সাধাৰণ নাগৰিকক সাহাৰ্য বিতৰণ বৃদ্ধি কৰাৰ চেষ্টা কৰা মানৱীয় প্ৰচেষ্টাৰ ওপৰত আক্ৰমণ চলাবলৈ ফৰৱাৰ্ড অপাৰেচন বেছ ব্যৱহাৰ কৰা হৈছিল ৷
কমাণ্ড এণ্ড কণ্ট্ৰল চেণ্টাৰৰ পৰা হামাছে ওচৰৰ সুৰংগত কাম কৰা সন্ত্ৰাসবাদীকে ধৰি কেইবা ডজন সন্ত্ৰাসবাদীক অস্ত্ৰ যোগান ধৰাৰ তদাৰক কৰিছিল ৷ ৰাষ্ট্ৰসংঘৰ সাহাৰ্য আৰু কৰ্ম সংস্থা (UNRWA)ৰ অন্তৰ্গত এটা চৌহদৰ ভিতৰত থকা এই সুবিধাত যুদ্ধ বিমানে নিখুঁত আক্ৰমণ চলায় ৷ ইয়াৰ পিচতে কমাণ্ড এণ্ড কণ্ট্ৰল চেণ্টাৰ এতিয়া কাৰ্যক্ষম নহয় ৷
আই ডি এফে কয় যে হামাছে ইচ্ছাকৃতভাৱে ইউ এন আৰ ডব্লিউ এৰ সক্ৰিয় স্থানৰ ওচৰত কমাণ্ড আৰু কণ্ট্ৰল পজিচন স্থাপন কৰিছিল, যাৰ ফলত তাত আশ্ৰয় লোৱা গাজাৰ সাধাৰণ নাগৰিকসকল বিপদত পৰিছিল ৷ "হামাছ সন্ত্ৰাসবাদী সংগঠনটোৱে ইজৰাইল ৰাজ্যৰ বিৰুদ্ধে সন্ত্ৰাসবাদী কাৰ্যকলাপৰ বাবে অসামৰিক জনগোষ্ঠী আৰু প্ৰতিষ্ঠানসমূহক মানৱ ঢাল হিচাপে প্ৰণালীবদ্ধভাৱে শোষণ কৰে," সেনাই লগতে কয় ৷
দিনটোৰ আৰম্ভণিতে হামাছে কেৰেম শ্লোম ক্ৰছিংত 10 টা ৰকেটৰ বেৰেজ নিক্ষেপ কৰে, যাৰ ফলত তিনিজন সৈনিক নিহত হয় আৰু 11 জন আহত হয় ৷ আই ডি এফৰ মতে, ৰকেটবোৰ ইজিপ্তৰ সৈতে ৰাফা সীমান্ত পাৰ হৈ থকা এটা লঞ্চাৰৰ পৰা নিক্ষেপ কৰা হৈছিল আৰু এনে এটা অঞ্চলৰ ওচৰত নিক্ষেপ কৰা হৈছিল য'ত স্থানচ্যুত পেলেষ্টাইনী সকলে তম্বুত আশ্ৰয় লৈ আছিল ৷
গাজাৰ সকলো সীমান্ত ক্ৰছিঙৰ ভিতৰত কেৰেম শ্বালম দৈনিক সৰ্বাধিক মানৱীয় সাহাৰ্য ট্ৰাক চম্ভালিব পৰাকৈ সজ্জিত ৷ আক্ৰমণৰ পিচত ইজৰাইলে ক্ৰছিং বন্ধ কৰি দিয়ে ৷
আহত জোৱানসকলৰ ভিতৰত দহজন জোৱানক বিয়েৰ-শ্বেভাৰ ছ’ৰোকা হাস্পতাললৈ লৈ যোৱা হয় ৷ ছ’ৰোকাৰ এগৰাকী মুখপাত্ৰই জনোৱা মতে, তিনিজনৰ অৱস্থা গুৰুতৰ, দুজনৰ অৱস্থা মধ্যমীয়া আৰু পাঁচজনৰ সামান্য আঘাতপ্ৰাপ্ত ৷
