যদি ভ্ৰমণৰ সময়ত বমি, ওকালি অহা সমস্যাই আপোনাক সদায় আমনি কৰে, তেন্তে মাত্ৰ এটা ব্যায়ামেহে আপোনাক ইয়াৰ পৰা সকাহ দিব পাৰে ৷ এই ব্যায়াম কৰাৰ পিচত আপুনি আৰামত যাত্ৰা কৰিব পাৰিব ৷
এই সমাধানৰ দ্বাৰা ভ্ৰমণ সহজ হ’ব
কিছুমান লোক ভ্ৰমণৰ প্ৰতি অতি আকৰ্ষিত, কিন্তু ভ্ৰমণৰ সময়ত বমি, নাৰ্ভাছ হোৱা আৰু বমিভাৱ হোৱাটোৱে সদায় বাধাৰ সৃষ্টি কৰে ৷ এই সমস্যাৰ পৰা পৰিত্ৰাণ পাবলৈও বহু ধৰণৰ ব্যৱস্থা গ্ৰহণ কৰিব পাৰে ৷ বহুতে ঔষধো ব্যৱহাৰ কৰে, কিন্তু কিছুমান ব্যায়ামে এই সমস্যাৰ পৰা আপোনাক তৎক্ষণাত সকাহ দিব পাৰে ৷
ফিজিঅ’থেৰাপিষ্ট ডাঃ ববিতা ৰঘুবংশীয়ে কয় যে, যদি কোনো ব্যক্তিৰ গাড়ী, বাছ বা বিমানত যাত্ৰা কৰাৰ সময়ত বমি, বমিভাৱ বা নাৰ্ভাছ হোৱাৰ সমস্যা হয়, তেন্তে তেওঁ হাতৰ মণিবন্ধনৰ ওপৰৰ অংশত থকা শিৰাত লাহে লাহে মালিচ কৰিব লাগে আৰু তাৰ পিচত হাতৰ মণিবন্ধনত তিনি মিনিট মালিচ কৰক, ইয়াৰ ফলত যাত্ৰাৰ সময়ত বমি আৰু বমিভাৱৰ সমস্যা দূৰ হয় ৷"
এটা দীঘল উশাহ লৈ ইজনে আনজনৰ সৈতে কথা পাতক
ফিজিঅ'থেৰাপিষ্ট ডাঃ ববিতা ৰঘুবংশীয়ে কয়, "মোচন ছিকনেছৰ ফলত বমি নহ'বৰ বাবে ব্যায়ামৰ পিচত দীঘলকৈ উশাহ ল'ব লাগে আৰু যাত্ৰাৰ সময়ত আপোনাৰ লগত বহি থকা মানুহৰ লগত কথা পাতি থাকিব লাগে এইটোৱে আপোনাৰ মনটো অন্য দিশলৈ লৈ যায়, যদি আপুনি মনে মনে বহি থাকে, তেন্তে মনলৈ অধিক অস্থিৰতা আহিব যাৰ ফলত বমিৰ সমস্যা বৃদ্ধি পাব ৷"
মোচন ছিকনেছৰ বাবে হয় বমিৰ সমস্যা
বহু লোকে গাড়ী, বাছ বা বিমানেৰে যাত্ৰা আৰম্ভ কৰাৰ লগে লগে তেওঁলোকৰ নাৰ্ভাছ, বমিভাৱ আৰু তাৰ পিচত বমি আদি সমস্যা হ’বলৈ আৰম্ভ কৰে, ইয়াক মোচন ছিকনেছ বোলা হয় । আচলতে আমি যাত্ৰা কৰাৰ সময়ত খিৰিকীৰে বাহিৰলৈ চোৱাৰ লগে লগে কাণ, চকু আৰু ছালে মগজুৰ পৰা সংকেত লাভ কৰে যিয়ে কেন্দ্ৰীয় স্নায়ুতন্ত্ৰক বিভ্ৰান্ত কৰে, তাৰ পিচত বমি হয় ।
লগতে পঢ়ক: আপোনাৰো পুৱাৰ ভাগত বমি হয় নেকি ? এয়া হ’ব পাৰে ইয়াৰ গুৰুতৰ কাৰণ
