বাৰ্ড ফ্লুক এভিয়ান ইনফ্লুৱেঞ্জা বা বৈজ্ঞানিক ভাষাত H5N2 বুলিও কোৱা হয়, ই এক প্ৰকাৰৰ ভাইৰাছৰ সংক্ৰমণ যিয়ে চৰাইক আক্ৰান্ত কৰে ৷ কিন্তু এই ভাইৰাছৰ কিছুমান উপপ্ৰকাৰ আছে যিয়ে মানুহক অসুস্থ কৰি তুলিব পাৰে, যাৰ ফলত উশাহ-নিশাহ লোৱাত অসুবিধা, কাহ, শৰীৰৰ বিষ আৰু ডিঙিৰ বিষ হ’ব পাৰে ৷ এই সংক্ৰমণৰ ফলত এজন ব্যক্তিৰ মৃত্যুও হ’ব পাৰে ৷ এই কাৰণেই যেতিয়া বাৰ্ড ফ্লু বিয়পে তেতিয়া হাঁহ-কুকুৰা পামৰ পৰা আঁতৰি থকাটো খুবেই জৰুৰী ৷
H5N2ৰ ফলত মানুহৰ মৃত্যু
বিশ্ব স্বাস্থ্য সংস্থাই ৫ জুনত নিশ্চিত কৰিছিল যে মেক্সিকোৰ এজন ৫৯ বছৰীয়া এগৰাকী ব্যক্তিৰ H5N2 ৰোগত আক্ৰান্ত হৈ মৃত্যু হৈছে ৷ প্ৰথমবাৰৰ বাবে এই ভাইৰাছৰ বাবে মানুহৰ মৃত্যুৰ তথ্য পোৱা গৈছে ৷ মৃত্যু হোৱা ব্যক্তিজনৰ হাঁহ-কুকুৰাৰ কোনো সংস্পৰ্শ নাছিল ৷ এনে পৰিস্থিতিত চিন্তনীয় বিষয়টো হ’ল তেন্তে এই ভাইৰাছৰ সংক্ৰমণ কেনেকৈ হ’ল?
কিয় চিন্তিত বিজ্ঞানীসকল ?
মেক্সিকোত হোৱা মৃত্যুৰ ঘটনাই ইংগিত দিয়ে যে পৰম্পৰাগত পথ (হাঁহ-কুকুৰাৰ সংস্পৰ্শ) অবিহনেও এই ভাইৰাছ মানুহলৈ বিয়পিব পাৰে ৷ এভিয়ান ইনফ্লুৱেঞ্জাই প্ৰধানকৈ চৰাইক আক্ৰান্ত কৰে যদিও কিছুমান প্ৰজাতি যেনে H5N1এ মানুহক সংক্ৰমিত কৰি গুৰুতৰ শ্বাস-প্ৰশ্বাসজনিত ৰোগৰ সৃষ্টি কৰিব পাৰে ৷
ইয়াক বিশ্বজুৰি বিয়পি পৰাত বাধা দিবলৈ
এভিয়ান ইনফ্লুৱেঞ্জা এবিধ জুনোটিক ৰোগ, অৰ্থাৎ ই প্ৰাণীৰ পৰা মানুহলৈ বিয়পিব পাৰে ৷ ই হাঁহ-কুকুৰা উদ্যোগ আৰু আন্তঃৰাষ্ট্ৰীয় ভ্ৰমণৰ জৰিয়তে সমগ্ৰ বিশ্বতে বিয়পিব পাৰে, যাৰ বাবে এই ৰোগ আন্তঃৰাষ্ট্ৰীয় স্বাস্থ্য জৰুৰীকালীন অৱস্থাত পৰিণত হ’ব পাৰে ৷ যদিও মানুহৰ এভিয়ান ইনফ্লুয়েঞ্জা ৰোগত আক্ৰান্ত হোৱাটো বিৰল, ভাইৰাছটোৱে মানুহৰ মাজত খাপ খুওৱাব পৰা আৰু বিয়পি পৰাটো জনস্বাস্থ্যৰ বাবে এক গুৰুতৰ চিন্তাৰ বিষয় ৷
লগতে পঢ়ক: Bird flu virus: H3N8 বাৰ্ড ফ্লু কেনেকৈ মানুহৰ শৰীৰত কেনেকৈ বিয়পে ? এই লক্ষণসমূহৰ পৰা সাৱধান
