বাৰিষা কালত মহৰ উৎপাত খুবেই বৃদ্ধি পায় সেয়ে ইয়াৰ পৰা হাত সাৰিবলৈ আমি সাধাৰণতে মহ নাশ কৰা লিকুইড বা কইল ব্যৱহাৰ কৰাটো তেনেই সাধাৰণ কথা, কাৰণ বাৰিষাত মহৰ প্ৰজনন যথেষ্ট বৃদ্ধি পায় ৷ কিন্তু ইয়াৰ নিয়মীয়া আৰু অত্যধিক ব্যৱহাৰ স্বাস্থ্যৰ বাবে ক্ষতিকাৰক হ’ব পাৰে ৷
মহ নাশ কৰিবৰ বাবে Mosquito Liquid Repellentত এক অতি উত্তম ৰাসায়নিক পদাৰ্থ, কিন্তু ইয়াৰ পৰা নিৰ্গত হোৱা ধোৱা বা গোন্ধ আমাৰ শৰীত প্ৰৱেশ কৰিলে আমাৰ শৰীৰত নেতিবাচক প্ৰভাৱ পৰিব পাৰে ৷ সেয়ে আজি বিশেষজ্ঞৰ পৰাই আমি জানো আহক যে কিয় আমি এনে মেচিনৰ ব্যৱহাৰ হ্ৰাস কৰাটো জৰুৰী ৷
১) স্বাস্থ্য সম্পৰ্কীয় সমস্যা
International Journal of Mosquito Researchৰ প্ৰতিবেদন অনুসৰি, মহ নাশক লিকুইডত বহুতো ক্ষতিকাৰক ৰাসায়নিক পদাৰ্থ থাকে, যেনে প্ৰেলেথ্ৰিন আৰু এলেথ্ৰিন, যিবোৰ শ্বাস-প্ৰশ্বাসৰ জৰিয়তে আমাৰ শৰীৰত প্ৰৱেশ কৰিব পাৰে ৷ এইবোৰে শ্বাস-প্ৰশ্বাসতন্ত্ৰত নেতিবাচক প্ৰভাৱ পেলাব পাৰে ৷ যিসকল লোকৰ ইতিমধ্যে হাঁপানী বা উশাহ-নিশাহ লোৱাত অসুবিধা আছে, তেওঁলোকৰ বাবে এই সমস্যা অধিক গুৰুতৰ হ’ব পাৰে ৷
২) ছাল আৰু চকুৰ বিষ
নাশক লিকুইডত থকা ৰাসায়নিক পদাৰ্থই ছাল আৰু চকুৰ ওপৰতো বিৰূপ প্ৰভাৱ পেলাব পাৰে ৷ দীৰ্ঘ সময় ধৰি ইয়াৰ সংস্পৰ্শলৈ আহিলে ছালৰ জ্বলা-পোৰা, খজুৱতি বা ৰঙা ফোহা ওলাব পাৰে ৷ একেদৰে চকুত বিষ বা খজুৱতিৰ সমস্যাও হ’ব পাৰে ৷
৩) মূৰৰ বিষ আৰু মূৰ ঘূৰণি
লিকুইড মহনাশকৰ পৰা ওলোৱা গোন্ধই বহু লোকৰ মূৰৰ বিষ বা মূৰ ঘূৰোৱাৰ দৰে সমস্যাৰ সৃষ্টি কৰিব পাৰে ৷ বিশেষকৈ কোঠাত উপযুক্ত বায়ু চলাচল নাথাকিলে ইয়াৰ গোন্ধ অধিক ক্ষতিকাৰক হ’ব পাৰে ৷
৪) স্নায়ুতন্ত্ৰত নেতিবাচক প্ৰভাৱ
দীৰ্ঘদিন ধৰি তৰল মহ নাশক লিকুইডৰ সংস্পৰ্শলৈ আহিলেও স্নায়ুতন্ত্ৰত বিৰূপ প্ৰভাৱ পেলাব পাৰে ৷ বহু সময়ত মানুহে খিংখিঙীয়া, ক্লান্তি আৰু মানসিক চাপৰ সমস্যাত ভোগা দেখা যায়, যিটো মহ নাশক লিকুইডত থকা ৰাসায়নিক পদাৰ্থৰ বাবে হ’ব পাৰে ৷
৫) শিশু তথা বৃদ্ধৰ বাবে ক্ষতিকাৰক
শিশু আৰু বৃদ্ধৰ ৰোগ প্ৰতিৰোধ ক্ষমতা দুৰ্বল, আৰু এনে ক্ষেত্ৰত মহ বিকৃতকাৰী নাশক লিকুইডত থকা ৰাসায়নিক পদাৰ্থই তেওঁলোকৰ ওপৰত অধিক গুৰুতৰ প্ৰভাৱ পেলাব পাৰে ৷ শিশুৰ এলাৰ্জী, শ্বাস-প্ৰশ্বাসজনিত সমস্যা আৰু অন্যান্য শাৰীৰিক সমস্যা হ’ব পাৰে ৷
Ref:-https://www.dipterajournal.com/pdf/2024/vol11issue1/PartC/11-1-19-401.pdf
