বিশ্ব শিশু কৰ্কট দিৱস (International Child Cancer Day) প্ৰতি বছৰে ১৫ ফেব্ৰুৱাৰীত পালন কৰা হয় । এই দিৱস উদযাপনৰ মূল উদ্দেশ্য হৈছে শিশুৰ কৰ্কট ৰোগৰ বিষয়ে মানুহক সজাগ কৰা । প্ৰতি বছৰে কৰ্কট ৰোগত লাখ লাখ শিশুৰ মৃত্যু হয় । বিশ্ব স্বাস্থ্য সংস্থাৰ তথ্য অনুসৰি সমগ্ৰ বিশ্বতে শিশুৰ ক্ষেত্ৰত ১০০০ৰো অধিক কৰ্কট ৰোগী দেখা যায় । সজাগতাৰ অভাৱ আৰু সময়মতে চিকিৎসা নোপোৱাৰ বাবে এই সংখ্যা দিনক দিনে আৰু বৃদ্ধি পাইছে । দৰাচলতে মানুহে ভাৱে যে কেন্সাৰ প্ৰাপ্তবয়স্ত তথা বৃদ্ধসকলৰ সমস্যা । যাৰ বাবে শিশুৰ কৰ্কট ৰোগৰ লক্ষণসমূহ বহুদিনলৈ আওকাণ হৈ থাকে আৰু পিছলৈ ই কেতিয়া অতি গুৰুতৰ ৰূপ ধাৰণ কৰে কোনো উমানেই পোৱা নাযায় । স্বাস্থ্য বিশেষজ্ঞৰ মতে, শিশুৰ কৰ্কট ৰোগৰ লক্ষণ ধৰা পেলোৱাটো ইমান কঠিন নহয় । কিন্তু এই ৰোগ ধৰা পেলোৱা যদি পলম হয় তেন্তে শিশুটিৰ বাবে অতি বিপদজনক হ’ব পাৰে ৷
কৰ্কট ৰোগ হৈছে এক অতি ভয়াৱহ ৰোগ ৷ যিকোনো বয়সৰ আৰু যিকোনো লিংগৰ ব্যক্তিৰ দেহত ইয়াৰ প্ৰভাৱ পৰিব পাৰে ৷ চিকিৎসকে এই সন্দৰ্ভত কয় যে, প্ৰাপ্তবয়স্কৰ তুলনাত শিশুৰ কৰ্কট ৰোগৰ প্ৰাদুৰ্ভাৱ কম থাকে, কিন্তু যদি কেন্সাৰৰ সৈতে জড়িত লক্ষণ যদি শিশুৰ দেহত দেখা দিয়ে তেন্তে সেয়ে চিন্তাৰ কাৰণ হ’ব পাৰে৷ বহু সময়ত অভিভাৱকে এই লক্ষণসমূহক সাধাৰণ সমস্যা বুলি গণ্য কৰি আওকাণ কৰে, কিন্তু যেতিয়া এই সমস্যা বাঢ়ি যায় তেতিয়া ই কেন্সাৰৰ সৃষ্টি কৰিব পাৰে ৷
কি কি লক্ষণ-
যদি আমি শিশুৰ ক্ষেত্ৰত দেখা দিয়া কেন্সাৰৰ কথা ক’বলৈ যোৱা হয়, তেন্তে শিশুৰ ক্ষেত্ৰতো বিভিন্ন ধৰণৰ কেন্সাৰ হোৱা দেখা যায় আৰু অতি দুখৰ বিষয় যে খেলা ধূলা কৰাৰ সময়ত এনে ল’ৰা-ছোৱালীয়ে কেন্সাৰৰ সৈতে যুঁজিবলগীয়া হয় ৷
শিশুৰ কৰ্কট ৰোগৰ লক্ষণৰ কথা ক’বলৈ গ’লে শিশুৰ ক্ষেত্ৰত দেখা দিয়া সাধাৰণ কৰ্কট ৰোগেই হৈছে তেজৰ কৰ্কট ৰোগ, য’ত শিশুটিয়ে জ্বৰ, দুৰ্বলতাত ভুগিব পাৰে আৰু শৰীৰৰ যিকোনো অংশৰ পৰা তেজ নিৰ্গত হোৱাৰ সমস্যা হ’ব পাৰে আৰু হাড় দুৰ্বল হোৱাৰ দৰে লক্ষণো দেখা দিব পাৰে৷
এই বিষয়ত মনোযোগ দিয়ক-
যদি শিশুৰ শৰীৰত কোনো অস্বাভাৱিক গাঁঠি বা কোনো অংশ ফুলা যেন অনুভৱ হয়, তেন্তে ইয়াক একেবাৰেই আওকাণ নকৰিব ৷ এনে লক্ষণে শিশুৰ কৰ্কট ৰোগৰ উত্থানৰ ইংগিত দিব পাৰে ৷ এই গোটটো বিষ নোহোৱাকৈও হ’ব পাৰে ৷ আনহাতে, যদি আপোনাৰ সন্তানে ভাগৰুৱা আৰু দুৰ্বল অনুভৱ কৰি আছে ৷ যদি তেওঁ খেলা নাই আৰু গোটেই দিনটো জিৰণি লয়, তেন্তে এই পৰিস্থিতিক আওকাণ কৰাটো উচিত নহয় ৷
শিশুৰ শৰীৰৰ যিকোনো অংশত বিষ হ’লেও সোনকালে আৰোগ্য হয়, কিন্তু যদি শিশুৰ শৰীৰৰ এটা অংশত দীৰ্ঘদিন ধৰি বিষ হৈ থাকে, তেন্তে সেয়া কেন্সাৰৰ লক্ষণ হ’ব পাৰে ৷
ৰেটিনোব্লাষ্টোমাই দৃষ্টিশক্তিত সমস্যাৰ সৃষ্টি কৰে ৷ যদি কোনো শিশু পেটৰ কৰ্কট ৰোগ যেনে লিম্ফোমা ৰোগত আক্ৰান্ত হয়, তেতিয়া পেট ফুলি উঠিবলৈ আৰম্ভ কৰে, পেটত বিষ হয়, জ্বৰ হয়, শিশুৰ খাদ্য খোৱা বন্ধ হয় বা ওজন হ্ৰাস হয় ৷ শিশুৰ ক্ষেত্ৰত এনে কিছুমান লক্ষণ দেখা দিয়ে-
এইবোৰ ক্ষেত্ৰত অধিক সম্ভাৱনা-
যিসমূহ শিশু ডাউন চিণ্ড্ৰমত ভোগে তেনে শিশুৰ কেন্সাৰ হোৱাৰ সম্ভাৱনা অতি বেছি হ’ব পাৰে ৷ আৰু এটা কথা মন কৰিবলগীয়া যে কৰ্কট ৰোগ বংশগত কাৰণতো হ’ব পাৰে ৷ পাৰিবাৰিক ইতিহাস থাকিলে মাজে মাজে শিশুটিৰ শৰীৰৰ পৰীক্ষা কৰি থাকিব ৷ যদি কেন্সাৰ সম্পৰ্কীয় কোষৰ উন্মেষ ঘটিছে তেন্তে ই আগতীয়াকৈ ধৰা পৰাৰ সম্ভাৱনা আছে ৷ পিজ্জা, বাৰ্গাৰ, চাউমিন, ফ্ৰেঞ্চ ফ্ৰাই আদি জাংক ফুডো কেন্সাৰ সৃষ্টিকাৰী বুলি প্ৰমাণিত হৈছে ৷
যদি আপোনাৰ শিশুৰ ক্ষেত্ৰত এই লক্ষণসমূহৰ ভিতৰত কোনো এটাও যদি দেখা যায়, তেন্তে ইয়াক একেবাৰেই আওকাণ নকৰিব, কাৰণ এইবোৰ সকলো শিশুৰ কৰ্কট ৰোগৰ প্ৰাৰম্ভিক লক্ষণো হ’ব পাৰে ৷ এই লক্ষণসমূহৰ সন্দৰ্ভত তৎক্ষণাত চিকিৎসকৰ সৈতে যোগাযোগ কৰি কেন্সাৰ পৰীক্ষা কৰক ৷
লগতে পঢ়ক: অতিমাত্ৰা খাদ্যৰে নহয় বৰঞ্চ এই স্বাস্থ্যসন্মত পদ্ধতিৰে বৃদ্ধি কৰক ওজন
