পাকঘৰত উপলব্ধ বিভিন্ন মছলাই বহু আয়ুৰ্বেদিক ঔষধ আৰু ঘৰুৱা ঔষধতো আদি তৈয়াৰৰ ক্ষেত্ৰতো ব্যৱহাৰ কৰা হয় আৰু বহু ৰোগ নিৰাময়ৰ ক্ষেত্ৰতো লাভদায়ক ৷ বিশেষকৈ গৰম মছলাত ব্যৱহাৰ কৰা সামগ্ৰীসমূহ স্বাস্থ্যৰ বাবে অতিকৈ উপকাৰী ৷ বিশেষকৈ তেজপাত ৷
হয়, NIHৰ শেহতীয়া গৱেষণাৰ এটি প্ৰতিবেদন অনুসৰি তেজপাত ডায়েবেটিছৰ দৰে ৰোগৰ ক্ষেত্ৰত অতিকৈ ফলপ্ৰসূ ৷ বৰ্তমানৰ অনিয়মিত জীৱনশৈলীৰ ফলত ডায়েবেটিছ তেনেই এক সাধাৰণ ৰোগলৈ পৰিণত হৈছে ৷ সেয়ে এনে ক্ষেত্ৰত তেজপাতে ডায়েবেটিছত ভোগা বা ডায়েবেটিছ হোৱাৰ আশংকা বহু পৰিমাণে দূৰ কৰিব পাৰে ৷
খাদ্যত তেজপাত ব্যৱহাৰ কৰি আমি ইয়াৰ সোৱাদ আৰু সুগন্ধি দুয়োটাই বৃদ্ধি কৰিব পাৰো লগতে ইয়াক খাদ্য তালিকাত অন্তৰ্ভুক্ত কৰি আমি তেজত শৰ্কৰা নিয়ন্ত্ৰণত ৰাখিব পাৰো ৷ ইয়াৰ কাৰণ হৈছে তেজপাতত থকা পুষ্টি আৰু ভিটামিন ৷
তেজপাতত কি কি পুষ্টিকৰ উপাদান থাকে ?
তেজপাত শৰীৰৰ বাবে অতিকৈ উপকাৰী ৷ তেজপাতত প্ৰচুৰ পৰিমাণে এন্টি অক্সিডেন্ট আৰু বহুতো ভিটামিন আৰু খনিজ পদাৰ্থ থাকে ৷ তেজপাতত আইৰণ, পটাছিয়াম, চেলেনিয়াম, কেলচিয়াম আৰু কপাৰ আদি উপাদান থাকে ৷ যিয়ে শৰ্কৰা নিয়ন্ত্ৰণ কৰি ৰখাত সহায় কৰে ৷
ডায়েবেটিছত তেজপাতৰ ব্যৱহাৰ
ডায়েবেটিছ ৰোগীৰ ওপৰত প্ৰতিদিনে গৱেষণা কৰি অহা হৈছে ৷ য’ত তেওঁলোকৰ খাদ্য আৰু অন্যান্য কামত পৰিৱৰ্তন কৰি প্ৰাকৃতিকভাৱে ৰক্ত শৰ্কৰা নিয়ন্ত্ৰণ কৰাৰ প্ৰয়াস কৰা হয় ৷ বহু গৱেষণাৰ পৰা দেখা গৈছে যে জীৱনশৈলীৰ কিছু পৰিৱৰ্তন কৰি ডায়েবেটিছ নিয়ন্ত্ৰণ কৰিব পাৰি ৷ ইয়াৰ লগতে খাদ্য আৰু ব্যায়ামৰ ক্ষেত্ৰতো কিছুমান সামান্য পৰিৱৰ্তন কৰি আপুনি ইনচুলিনৰ কাৰ্যক্ষমতা বৃদ্ধি কৰিব পাৰে ৷
জাৰ্নেল অৱ বায়’কেমিকেল নিউট্ৰিচনৰ এক সমীক্ষাত দেখা গৈছে যে টাইপ ২ ডায়েবেটিছত তেজপাতে ৰক্তশৰ্কৰাৰ পৰিমাণ যথেষ্ট নিয়ন্ত্ৰণ কৰে ৷
তেজপাত কেনেকৈ ব্যৱহাৰ কৰিব ?
শাক-পাচলিৰ সোৱাদ বৃদ্ধিৰ বাবে তেজপাত ব্যৱহাৰ কৰা হয় ৷ তেজপাতে কেৱল খাদ্যৰ সুগন্ধি আৰু সোৱাদ বৃদ্ধি কৰাই নহয় স্বাস্থ্যৰ বাবেও অতিকৈ উপকাৰী ৷ কেৱল খাদ্যৰ লগতেই নহয় আপুনি ইয়াক চাহত দিও খাব পাৰে ৷ পুৱা খালী পেটত তেজপাত পানী উতলাই আপুনি সেই পানী খাব পাৰে ৷ ইয়াৰ বাবে ১ গিলাচ পানীত ১ টা তেজপাত দি ৰাতিটো তিয়াই ৰাখক পুৱা এই পানী এই কুহুমীয়া কৰি পুৱা খালী পেটত গ্ৰহণ কৰক ৷ ইয়াৰ ফলত ডায়েবেটিছ নিয়ন্ত্ৰণ কৰাটো অতিকৈ সহজ হৈ পৰে ৷
তেজপাতৰ উপকাৰিতা
- তেজপাতে পেটৰ সৈতে জড়িত ৰোগ যেনে কলিক, কোষ্ঠকাঠিন্য, এচিডিটি আৰু ক্ৰেম্প আদি সমস্যা দূৰ কৰে ৷
- বৃক্কত পাথৰ থাকিলেও তেজপাত মিহলোৱা পানী খোৱাটো উপকাৰী ৷
- নিদ্ৰাৰ সৈতে জড়িত সমস্যাৰ থাকিলে তেজপাতৰ তেল কেইটোপালমান পানীত মিহলাই খালে যথেষ্ট লাভদায়ক ৷
- তেজপাতৰ তেলেৰে গা মালিচ কৰিলে গাঁঠিৰ বিষ আৰু বাতবিষৰ পৰা সকাহ পোৱা যায় ৷
| লগতে পঢ়ক:- বিভিন্ন ৰোগ নিৰাময়ৰ বাবে লাভদায়ক তেজপাত |
