ডায়েবেটিছ হৈছে এটি গুৰুতৰ ৰোগ, যিটো ৰোগ ধৰা পৰিলে আৰু সময়মতে চিকিৎসা নকৰিলে বহু সমস্যাৰ সৃষ্টি হ’ব পাৰে ৷ ডায়েবেটিছৰ প্ৰাৰম্ভিক লক্ষণসমূহ প্ৰায়ে দেখা নাযায়, যাৰ বাবে ৰোগীয়ে গুৰুতৰ স্বাস্থ্যজনিত সমস্যাৰ সন্মুখীন হ’বলগীয়া হ’ব পাৰে ৷
কিন্তু, আপুনি জানেনে যে আপোনাৰ ভৰিত দেখা দিয়া কিছুমান লক্ষণো ডায়েবেটিছৰ প্ৰাৰম্ভিক লক্ষণ হ’ব পাৰে ? আহক আজি আমি আপোনালোকক ভৰিত দেখা দিয়া ডায়েবেটিছৰ এনে কিছুমান প্ৰাৰম্ভিক লক্ষণৰ বিষয়ে বিশেষজ্ঞৰ পৰাই জানি লও-
ভৰিত ডায়েবেটিছৰ প্ৰাৰম্ভিক লক্ষণ
১/ ভৰিৰ বিষ, অজ্ঞানতা বা জিনজিননি
ডায়েবেটিছৰ বাবে ভৰিৰ স্নায়ুৰ ক্ষতি হ’ব পাৰে, যাৰ বাবে বিষ, অজ্ঞানতা বা জিনজিননি অনুভৱ কৰিব পাৰে ৷
২/ ভৰিত আলচাৰ বা ঘাঁ হোৱা
ডায়েবেটিছৰ বাবে ভৰিত ৰক্ত সঞ্চালন কমি যায়, যাৰ ফলত ঘাঁ ভাল হোৱাটো কঠিন হৈ পৰে আৰু আলচাৰ হ’ব পাৰে ৷
৩/ ভৰিৰ ছাল শুকান হোৱা আৰু ফাটি যোৱা
ডায়েবেটিছৰ বাবে ছালত আৰ্দ্ৰতা কমি যাব পাৰে, যাৰ ফলত ভৰিৰ ছাল শুকান হৈ ফাটি যাব পাৰে ৷
৪/ ভৰিৰ ৰঙৰ পৰিৱৰ্তন
ডায়েবেটিছৰ বাবে ভৰিৰ ছালৰ ৰং সলনি হ’ব পাৰে, যেনে ৰঙা, বাদামী বা ক’লা হৈ পৰে ৷
৫/ ভৰিৰ সংক্ৰমণ
ডায়েবেটিছৰ বাবে ভৰিৰ সংক্ৰমণৰ সম্ভাৱনা বৃদ্ধি পায় ৷
শৰ্কৰাৰ পৰীক্ষা কেতিয়া কৰিব লাগে ?
চিকিৎসকে কয় যে যদি আপোনাৰ ভৰিত ওপৰত উল্লেখ কৰা কোনো লক্ষণ দেখা যায়, তেন্তে লগে লগে চিকিৎসকৰ সৈতে যোগাযোগ কৰি শৰ্কৰাৰ পৰীক্ষা কৰোৱাটো উচিত ৷ ইয়াৰ উপৰিও যদি আপুনি ৪৫ বছৰ বা তাতকৈ অধিক বয়সৰ, অতিৰিক্ত ওজনৰ বা পাৰিবাৰিক ডায়েবেটিছৰ ইতিহাস আছে তেন্তে নিয়মিতভাৱে শৰ্কৰাৰ পৰীক্ষা কৰাব লাগে ৷
ডায়েবেটিছ নিয়ন্ত্ৰণ কৰাৰ উপায়
ডায়েবেটিছ ৰোগ নিয়ন্ত্ৰণৰ বাবে বহুকেইটা কাম কৰিব পাৰে, যেনে-
* ফল-মূল, শাক-পাচলি, গোটা শস্য আৰু ক্ষীণ প্ৰ’টিনযুক্ত খাদ্য গ্ৰহণ কৰক ৷
* সপ্তাহত কমেও ১৫০ মিনিট মধ্যমীয়া তীব্ৰতাৰ ব্যায়াম কৰক ৷
* যদি আপোনাৰ ওজন বেছি হয় তেন্তে ওজন কমালে আপোনাৰ তেজত শৰ্কৰাৰ মাত্ৰা নিয়ন্ত্ৰণ কৰাত সহায়ক হয় ৷
* যদি আপুনি ডায়েবেটিছৰ ঔষধ গ্ৰহণ কৰিব লাগে তেন্তে চিকিৎসকৰ নিৰ্দেশনা অনুসৰি নিয়মিতভাৱে গ্ৰহণ কৰক ৷
* ধূমপানে ডায়েবেটিছৰ সম্ভাৱনা বৃদ্ধি কৰে ৷
* মানসিক চাপে আপোনাৰ তেজত শৰ্কৰাৰ মাত্ৰা বৃদ্ধি কৰিব পাৰে ৷ যোগাসন, ধ্যান বা গভীৰ উশাহ-নিশাহৰ ব্যায়ামৰ দৰে পদ্ধতিৰে মানসিক চাপ কমাব লাগে ৷
Ref:- https://www.who.int/news-room/fact-sheets/detail/diabetes
