দেশজুৰি পিনৰ বাৰ্ড ফ্লু নিশ্চিত হোৱাৰ বাতৰি প্ৰচাৰ হোৱাৰ পাচতেই ঝাৰখণ্ডৰ ৰাঞ্চীত কঠোৰ নিৰ্দেশনা জাৰি কৰা হৈছে ৷ ৰাঞ্চীৰ বিৰচা জৈৱিক উদ্যানৰ পক্ষী উদ্যান বৰ্তমান পৰ্যটকৰ বাবে বন্ধ কৰা হৈছে ৷ আনকি জন্তুৰ আহাৰৰ মেনুত কুকুৰা মাংস দিয়াও বন্ধ কৰা হৈছে । কুকুৰা মাংসৰ সলনি জন্তুসমূহক ছাগলী মাংস প্ৰদান কৰা হৈছে ।
ইয়াৰ লগতে ইয়াত কাম কৰা সকলো কৰ্মচাৰীক মুখা পিন্ধি কাম কৰিবলৈ নিৰ্দেশ দিয়া হৈছে । চিকিৎসকে কয় যে, যিসকল লোকৰ ঘৰত কুকুৰা পালন কৰা হয় বা কুকুৰা ফাৰ্ম আছে, তেওঁলোকৰ শৰীৰত এভিয়ান ইনফ্লুৱেঞ্জাৰ লক্ষণ যেনে তীব্ৰ জ্বৰ, ডিঙিৰ বিষ, শৰীৰত চৰ্দি, বুকুত কাঁহ, উশাহ লোৱাত অসুবিধা, ভোক নোহোৱাৰ লক্ষণ দেখিলে ততালিকে নিজকে পৃথক কৰৰক আৰু লগে লগে চিকিৎসকৰ কাষ চাপক ৷
বাৰ্ড ফ্লু নিশ্চিত হোৱা অঞ্চলৰ চাৰিওফালে এক কিলোমিটাৰ ব্যাসাৰ্ধৰ ভিতৰত বাস কৰা লোকসকলে কমেও 21 দিনৰ বাবে মুৰ্গী, কণী খোৱা পৰিহাৰ কৰিব লাগে । ৰাঞ্চীত বাৰ্ড ফ্লু নিশ্চিত হোৱাৰ পিচত, এই দলে দিল্লীৰ পৰা আহি স্বাস্থ্য সেৱাৰ জৰুৰী পৰিস্থিতি আৰু সংক্ৰমণ বিয়পা প্ৰতিহত কৰাৰ বাবে লোৱা পদক্ষেপৰ বুজ লয় ।
দলটোত যুটীয়া সচিব পৰ্যায়ৰ বিষয়া আৰু বিশেষজ্ঞ চিকিৎসকো আছে । তেওঁ ৰাঞ্চীৰ চিকিৎসা মহাবিদ্যালয় আৰু সদৰ চিকিৎসালয় পৰিদৰ্শন কৰে আৰু আইচ'লেচন ৱাৰ্ড, অক্সিজেন বিচনা, পিপিই কিট, এণ্টি-ভাইৰেল আৰু অন্যান্য ব্যৱস্থাৰ বিষয়ে সোধ-পোছ কৰে ।
আমাক জনাওঁ যে 12-13 এপ্ৰিলত কুকুৰা ফাৰ্ম হটৱাৰত দুই ডজন কুকুৰাৰ পোৱালিৰ মৃত্যু হোৱাৰ পাচত সিহঁতৰ নমুনাসমূহ পৰীক্ষা কৰিবলৈ ভূপালৰ ৰাষ্ট্ৰীয় উচ্চ সুৰক্ষা পশু ৰোগ প্ৰতিষ্ঠানলৈ প্ৰেৰণ কৰা হৈছিল ৷ এই পৰীক্ষাৰ পিচত বাৰ্ড ফ্লু নিশ্চিত কৰা হৈছিল । শনিবাৰে, আৰ.আই.এম.এছ.-ৰ মাইক্ৰ'বায়োলজী বিভাগ আৰু জিলা নিৰীক্ষণ গোটৰ এটা দলে হটৱাৰ আঞ্চলিক কুকুৰা পালন ক্ষেত্ৰত উপস্থিত হৈছিল আৰু চৰাই নিষ্কাশনত নিয়োজিত থকা সকলো লোকৰ নমুনা লৈছিল । চৰাইৰ সংস্পৰ্শলৈ অহা সকলৰ পৰাও নমুনা সংগ্ৰহ কৰা হৈছে ।
দিল্লীৰ কেন্দ্ৰীয় দলটোৰ মুৰব্বী ড৹ ৰজনীশ গুপ্তাই কয় যে এই ভাইৰাছটো বাৰ্ড ফ্লু সংক্ৰমিত চৰাই আৰু কুকুৰাৰ পৰা মানুহৰ শৰীৰতো বিয়পিব পাৰে । এনে পৰিস্থিতিত, সাৱধান হোৱাটো অতি গুৰুত্বপূৰ্ণ ।
লগতে পঢ়ক: কঁকালৰ বিষৰ সমস্যা পৰা কেনেকৈ পাব সকাহ, জানো আহক... - Back Pain Relief
