চলিত বৰ্ষত দেশৰ কেইবাখনো ৰাজ্যত উৎকট গৰমে অভিলেখ ভংগ কৰিছে ৷ ইতিমধ্যে দেশৰ কেইবাখনো ৰাজ্যত হীটৱেভৰ ফলত সতৰ্কতাবাণী জাৰি কৰা হৈছে ৷ ইফালে এই প্ৰচণ্ড গৰমৰ ফলত বহু লোক ক্ষতিগ্ৰস্ত হোৱাৰ লগতে ডিহাইড্ৰেশ্যনৰ সমস্যা ক্ৰমাৎ বাঢ়ি আহিছে ।
এনে পৰিস্থিতিত, আমাৰ শৰীৰে সঠিকভাৱে পানী পাইছে নে নাই সেয়া অত্যন্ত গুৰুত্বপূৰ্ণ । যেতিয়া আমাৰ শৰীৰে পৰ্যাপ্ত পৰিমাণৰ পানী তেতিয়াই আমাৰ শৰীৰত ডিহাইড্ৰেশ্যনৰ সমস্যাই দেখা দিয়ে । ইয়াৰ ফলত আমাৰ শৰীৰত ইলেক্ট্ৰলাইট অসন্তুলিত হৈ পৰে ।
ডিহাইড্ৰেশ্যন অত্যন্ত বিপদজনক হয় । গ্ৰীষ্মকালত এটি শিশুৰ পৰা প্ৰাপ্তবয়স্কলৈকে সকলোৱে এই সমস্যাৰ সন্মুখীন হয় ৷ গতিকে এই সমস্যাৰ পৰা নিজকে সুৰক্ষিত কৰিবলৈ দিনটোত পৰ্যাপ্ত পৰিমাণৰ পানী খাওঁক ৷ ডাৰ্মোস্ফেয়াৰ ক্লিনিকৰ সহ-প্ৰতিষ্ঠাপক, চৰ্মৰোগ বিশেষজ্ঞ এম.বি.বি.এছ., এম.ডি. ডাঃ দীপক জাখৰে ডিহাইড্ৰেশ্যনৰ লক্ষণ আৰু প্ৰতিৰোধ কৰিবলৈ কেইটামান পৰামৰ্শ আগবঢ়াইছে ৷
ডিহাইড্ৰেশ্যনৰ লক্ষণ-
1. ছালৰ সমস্যা
2. ফটা ওঁঠ
3. শুকান ছাল
4. বৰ্ধিত সংবেদনশীলতা
5. আঘাত আৰোগ্য হোৱাৰ বাবে অধিক সময় লোৱা
1. ছালৰ সমস্যা : যেতিয়া শৰীৰে পৰ্যাপ্ত পৰিমাণৰ পানী নাপায়, তেতিয়া ছাল খহটা অনুভৱ হয় । ডিহাইড্ৰেশ্যনৰ ফলত, ছাল নিষ্প্ৰাণ হৈ পৰে ৷ ছালবোৰ সোটোৰা সোটোৰ পৰে ৷
2. ওঁঠ ফটা : ওঁঠ ফটা হৈছে ডিহাইড্ৰেশ্যন সমস্যাৰ প্ৰথম লক্ষণ । ওঁঠ খহটা হয় আৰু ফাটিবলৈ আৰম্ভ কৰে । ইয়াৰ লগতে, ওঁঠ ৰঙা সলনি হোৱাৰ লগতে শুকান হ’বলৈ ধৰে ।
3. শুকান ছাল : ডিহাইড্ৰেশ্যনত ভুগি থকা লোকসকলে ছালৰ উজ্জ্বলতা হেৰুৱাব পাৰে । ছাল ম্লান হৈ যায় ।
4. বৰ্ধিত সংবেদনশীলতা : ডিহাইড্ৰেশ্যনৰ ফলত ছালৰ জ্বলা-পোৰা হ'ব পাৰে । যেতিয়া ছালে পৰ্যাপ্ত পৰিমাণৰ পানী লাভ নকৰে, ই সংবেদনশীল হৈ পৰে ৷ খজুৱতি আৰু ৰঙা পৰাৰ দৰে সমস্যাৰ সৃষ্টি কৰে ।
5. আঘাত আৰোগ্য হোৱাৰ বাবে সময় ল’ব পাৰে : যদি আমাৰ শৰীৰত হোৱা আঘাত ভাল হ’বলৈ সময় লয় তেনেহ’লে ই ডিহাইড্ৰেশ্যনৰ সমস্যা হ’ব পাৰে ৷ ৰোগ প্ৰতিৰোধ ক্ষমতা দুৰ্বল হৈ পৰে ৷
ডিহাইড্ৰেশ্যনৰ সমস্যাৰ পৰা হাত সৰাৰ উপায় :
- দিনটোত ঘনাই পাৰী সেৱন কৰক ৷
- তৰমুজ, তিয়ঁহ, কমলা আৰু সেউজীয়া পাচলিৰ দৰে ফলসমূহ ছালাডৰ সৈতে খাব পাৰে ।
- চৰ্বিসমৃদ্ধ খাদ্য খাব ।
- আপোনাৰ ওঁঠত শ্বিয়া বাটাৰ বা নাৰিকল তেলৰ দৰে হাইড্ৰেটিং উপাদান প্ৰয়োগ কৰক ।
- ইয়াৰ লগতে ডিহাইড্ৰেশ্যনৰ ফলত হোৱা ছালৰ সমস্যা নিৰাময় কৰিবলৈ গৰম পানীৰে গা ধোৱক ৷
- আপোনাৰ ছালক ইউ ভি ৰশ্মিৰ পৰা সুৰক্ষিত কৰিবলৈ ছানস্ক্ৰীণ প্ৰয়োগ কৰিবলৈ নাপাহৰিব ।
- কেফেইন আৰু সুৰা দুয়োটা পৰিহাৰ কৰক ৷
লগতে পঢ়ক : কেইবাখনো ৰাজ্যত হীটৱেভ এলাৰ্ট জাৰি: সুস্থ থাকিবলৈ মানি চলক এইসমূহ টিপছ - Summer Precautions
