পৰিৱৰ্তিত জীৱনশৈলী, খাদ্যাভ্যাস, মানসিক চাপ আদি বহু কাৰণত আজিকালি স্বাস্থ্যজনিত সমস্যা বাঢ়িছে । বিশেষজ্ঞসকলে কয় যে নিমৰ লগত জড়িত বস্তুবোৰে ঔষধৰ দৰে কাম কৰে । নিমৰ এন্টি-ইনফ্লেমেটৰী, এন্টি-হাইপাৰগ্লাইচেমিক, এন্টি-আলচাৰ, এন্টি-মেলেৰিয়া, এন্টি-ফাংগল, এন্টি-বেক্টেৰিয়েল, এন্টি-ভাইৰেল, এন্টি-অক্সিডেন্ট, এন্টি-মিউটেজেনিক, এন্টি-কাৰচিনোজেনিক গুণ আছে । নিমত ভিটামিন এ, চি, কেৰটিনয়ড, অলিক, লিন’লিক আদি যৌগ থাকে ।
যকৃতৰ স্বাস্থ্য আৰু কোষ্ঠকাঠিন্যৰ সমস্যা :
বিশেষজ্ঞসকলে কয় যে পুৱা নিমপাত খালে যকৃত সুস্থ হৈ থাকে । নিমৰ প্ৰদাহ নিবাৰণকাৰী গুণে ফ্ৰী ৰেডিকেলৰ ফলত হোৱা অক্সিডেটিভ চাপ হ্ৰাস কৰি যকৃতক সুস্থ কৰি ৰাখে । ইয়াৰ উপৰিও নিমপাতে তেজ বিশুদ্ধ কৰি তেজৰ পৰা অশুদ্ধি আঁতৰাই পেলায় । দুৰ্বল জীৱনশৈলী আৰু খাদ্যাভ্যাসৰ বাবে কোষ্ঠকাঠিন্যত আক্ৰান্ত লোকৰ সংখ্যা বৃদ্ধি পাবলৈ ধৰিছে । কিন্তু বিশেষজ্ঞসকলে কয় যে এই সমস্যাত ভুগি থকা লোকসকলৰ বাবে নিমে ঔষধৰ দৰে কাম কৰে । কোৱা হয় যে নিমপাতত থকা আঁহে মলত্যাগ ভাল কৰে আৰু লগতে পেট ফুলাৰ সমস্যাৰ পৰাও সকাহ দিয়ে ।
ৰক্ত শৰ্কৰাৰ স্তৰ নিয়ন্ত্ৰণ :
বিশেষজ্ঞসকলে কয় যে ৰক্ত শৰ্কৰাৰ স্তৰ নিয়ন্ত্ৰণত ৰখাত নিমে এক অলৌকিক ঔষধৰ দৰে কাম কৰে । কোৱা হয় যে যদি আপুনি দৈনিক নিমপাত বা নিমপাতৰ গুৰি খাই, তেনেহ'লে ৰক্ত শৰ্কৰাৰ স্তৰ হ্ৰাস হয় । 2009 চনত "ফাইট’থেৰাপী ৰিচাৰ্ছ" আলোচনীত প্ৰকাশিত এক অধ্যয়নত দেখা গৈছিল যে ডায়েবেটিচত ভুগি থকা লোকসকল, যিসকলে 12 সপ্তাহৰ বাবে দৈনিক 2 গ্ৰাম নিম পাউডাৰ গ্ৰহণ কৰিছিল, নিমে তেওঁলোকৰ ৰক্ত শৰ্কৰাৰ (এফ বি এছ), এইচ বি এ1চি স্তৰ আৰু ট্ৰাইগ্লিচাৰাইডৰ স্তৰ যথেষ্ট হ্ৰাস কৰিছিল । এই গৱেষণাত বেংগালুৰুৰ ৰাজীৱ গান্ধী স্বাস্থ্য বিজ্ঞান বিশ্ববিদ্যালয়ৰ ফাৰ্মাক’লজীৰ অধ্যাপক ড০ চি.কে. ৰাজে অংশগ্ৰহণ কৰিছিল ।
অন্ত্ৰৰ সংক্ৰমণ প্ৰতিৰোধ কৰে :
বিশেষজ্ঞসকলে কয় যে খালী পেটত নিম খালে অন্ত্ৰৰ তন্ত্ৰ সুস্থ হৈ থকাৰ লগতে খাদ্যনলী ৰোগ সৃষ্টিকাৰী জীৱাণুৰ পৰা সুৰক্ষিত হৈ থাকে । পৰিৱৰ্তিত জীৱনশৈলী আৰু খাদ্যাভ্যাসৰ বাবে বহু লোক অন্ত্ৰৰ সংক্ৰমণত ভুগিছে । খালী পেটতে নিমৰ পাত খালে এই সমস্যাৰ পৰা সকাহ আৰু সুৰক্ষা লাভ কৰিব পাৰি ।
দাঁতৰ আলুৰ সমস্যাৰ বাবে উপকাৰী :
বিশেষজ্ঞসকলে কয় যে দাঁতৰ আলু ফুলা, দাঁতৰ আলুৰ পৰা ৰক্তক্ষৰণ হোৱা আৰু উশাহৰ দুৰ্গন্ধত ভুগি থকা লোকসকলে নিম চোবাই খালে উপকৃত হ'ব পাৰে । 2015 চনত "জাৰ্নেল অফ ক্লিনিকেল পিৰিয়ডণ্টোলজী"ত প্ৰকাশিত এক অধ্যয়ন অনুসৰি, গৱেষকসকলে দেখিছিল যে নিম চোবাওঁতাসকলৰ ক্ষেত্ৰত দাঁতৰ আলু ফুলা আৰু ৰক্তক্ষৰণ যথেষ্ট হ্ৰাস পাইছিল ।
ৰোগ প্ৰতিৰোধ ক্ষমতা বৃদ্ধি :
বিশেষজ্ঞসকলে কয় যে নিমৰ ৰস খালে আৰু নিয়মিতভাৱে সেৱন কৰিলে শৰীৰৰ ৰোগ প্ৰতিৰোধ ক্ষমতা বৃদ্ধি পায় । ইয়াৰ উপৰিও কোৱা হয় যে ইয়াত থকা পুষ্টিকৰ পদাৰ্থই চৰ্দি আৰু কাহৰ দৰে ৰোগৰ বিৰুদ্ধে যুঁজ দিয়াত সহায় কৰে ।
পাৰ্শ্বক্ৰিয়া হ'ব পাৰে : কিন্তু মন কৰিবলগীয়া কথাটো হ'ল যে নিমৰ পৰা পাৰ্শ্বক্ৰিয়াও হ’ব পাৰে ৷ বিশেষজ্ঞসকলৰ ভাষ্য অনুসৰি নিম ঔষধি কিন্তু নিশ্চিত কৰিব যে দৈনিক যাতে 5 ৰ পৰা 6 খিলা পাতহে খায় ৷
লগতে পঢ়ক : আপোনাৰ স্বাস্থ্যৰ বাবে নৰসিংহৰ পাত কিমান উপকাৰী জানো আহক - Curry Leaves
