ডায়েবেটিছ হৈছে এনে এক ৰোগ যাক সময় থাকোঁতে নিয়ন্ত্ৰণ নকৰিলে আমাৰ শৰীৰত বহু ৰোগে বাহৰ পাতিবলৈ আৰম্ভ কৰে । দেশ তথা সমগ্ৰ বিশ্বতে এই ৰোগ অতি দ্ৰুতগতিত বৃদ্ধি পাইছে । অস্বাস্থ্যকৰ জীৱনশৈলী, মানসিক চাপ, ভুল খাদ্যাভ্যাসৰ বাবে মানুহে ৰক্ত শৰ্কৰাৰ সমস্যাৰ সন্মুখীন হৈ আহিছে । এনে ক্ষেত্ৰত ডায়েবেটিছ ৰোগীয়ে নিজৰ ৰক্ত শৰ্কৰা নিয়ন্ত্ৰণত ৰখাটো অতিকৈ প্ৰয়োজনীয় ৷ এনে পৰিস্থিতিত শৰ্কৰা নিয়ন্ত্ৰণৰ বাবে আপুনি কিছুমান ঘৰুৱা উপায় অনুসৰণ কৰিব পাৰে । বহু গৱেষণা তথা বিশেষজ্ঞৰ মতে আমলখি আমাৰ ৰক্তশৰ্কৰা নিয়ন্ত্ৰণকে আমাৰ সামগ্ৰিক স্বাস্থ্যৰ বাবে অতিকৈ উপকাৰী ৷
ঠিক একেই কথা যোগগুৰু ৰামদেৱে কৈছে যে, ডায়েবেটিছ নিয়ন্ত্ৰণ কৰিবলৈ আমলখি খাদ্য তালিকাত অন্তৰ্ভুক্ত কৰাটো খুবেই প্ৰয়োজনীয় । আহকচোন জানো, আমলখি ডায়েবেটিছ ৰোগীৰ বাবে কিয় উপকাৰী ?
শৰ্কৰা নিয়ন্ত্ৰণত আমলখি উপকাৰী:
আমলখিত ভিটামিন, ফাইবাৰ আৰু এন্টিঅক্সিডেন্ট প্ৰচুৰ পৰিমাণে পোৱা যায় যিয়ে শৰ্কৰা নিয়ন্ত্ৰণত সহায় কৰে । আমলখিয়ে হজম শক্তি আৰু বিপাকীয় ক্ৰিয়া উন্নত কৰাত সহায় কৰে যাৰ ফলত শৰীৰত অতিৰিক্ত শৰ্কৰা জমা হোৱাত বাধা দিয়ে । আনকি আয়ুৰ্বেদতো ডায়েবেটিছ ৰোগীৰ বাবে আমলখি অতি ফলপ্ৰসূ বুলি ধৰা হয়, সেয়েহে খাদ্য তালিকাত নিয়মিতভাৱে আমলখিক অন্তৰ্ভুক্ত কৰা উচিত ।
এনেকৈয়ে আমলখি সেৱন কৰক
ডায়েবেটিছ ৰোগীয়ে প্ৰতিদিনে পুৱা আমলখিৰ ৰস খাব পাৰে । ইয়াৰ উপৰিও ৰ’দত শুকুৱাই আমলখিৰ গুড়িও তৈয়াৰ কৰি মাজে শুকান কৈও খাব পাৰে । নতুবা এই গুড়ি একাপ পানীত এক চামুচলৈকে মিহলাই প্ৰতিদিনে পান কৰক । মিঠা কৰিবলৈ অলপ মৌও যোগ কৰিব পাৰে । দৈনিক আমলখি খাব পাৰে । অৱশ্যে জোখতকৈ অধিক ইয়াক খোৱাৰ পৰা বিৰত থাকক কাৰণ ইয়াৰ ফলত কোষ্ঠকাঠিন্যৰ সমস্যাও দেখা দিব পাৰে । মন কৰিলে আমলখিৰ চাটনিও তৈয়াৰ কৰিব পাৰে । চাটনি বনাবলৈ আমলখি অলপ পিচি তাত অলপ ধনিয়া, জলকীয়া আৰু আদা দি গোটেইখিনি একেলেগে পিচি লওক । অকনমান নিমখ যোগ দি সেৱন কৰক ।
