শাৰীৰিক সম্পৰ্কৰ সৈতে জড়িত আলোচনাক প্ৰায়ে টেবুৰ ৰূপত চোৱা হয় ৷ যদিও শেহতীয়াকৈ এটা নতুন প্ৰতিবেদনত এই বিষয়টো মুকলিকৈ আলোচনা কৰা হৈছে ৷ এই প্ৰতিবেদনে বিশ্বৰ হাজাৰ হাজাৰ লোকৰ যৌন জীৱন উদঙাই দিছে ৷ ইণ্ডিয়ানা বিশ্ববিদ্যালয়ৰ কিনচে ইনষ্টিটিউটৰ গৱেষকসকলে প্ৰস্তুত কৰা এই প্ৰতিবেদনত বিভিন্ন প্ৰজন্মৰ লোকে এমাহত গড়ে কিমানবাৰ যৌন সম্পৰ্ক স্থাপন কৰে সেই বিষয়ে তথ্য দিয়া হৈছে ৷ এই প্ৰতিবেদনত উল্লেখ কৰা পৰিসংখ্যাই আচৰিত আপোনাক কৰি তুলিব যে জেনেৰেচন জেডৰ যৌন জীৱন পূৰ্বৰ প্ৰজন্মতকৈ বহু কম সক্ৰিয় ৷
এই প্ৰতিবেদনৰ শিৰোনাম হৈছে ‘ডেটিংৰ অৱস্থা: Gen Zএ যৌনতা আৰু সম্পৰ্কক কেনেকৈ পুনৰ সংজ্ঞায়িত কৰিছে’ ৷ এই প্ৰতিবেদন Feeld নামৰ ডেটিং এপত ৩,৩১০ জনতকৈ অধিক লোকৰ তথ্যৰ ওপৰত ভিত্তি কৰি প্ৰস্তুত কৰা হৈছে ৷ এই অংশগ্ৰহণকাৰীসকলৰ বয়স ১৮ৰ পৰা ৭৫ বছৰৰ ভিতৰত আছিল আৰু তেওঁলোক ৭১খন ভিন্ন দেশৰ আছিল ৷ তেওঁলোকৰ যৌন জীৱনৰ সৈতে জড়িত প্ৰশ্নৰ উত্তৰ দিবলৈ তেওঁলোকক এই সমীক্ষাত অন্তৰ্ভুক্ত কৰা হৈছিল ৷
প্ৰতিবেদনৰ তথ্য অনুসৰি গড়ে Gen Z অংশগ্ৰহণকাৰীসকলে বিগত এমাহত মাত্ৰ তিনিবাৰহে যৌন সম্পৰ্ক স্থাপন কৰা বুলি জনাইছে ৷ একে সময়তে মিলেনিয়াম আৰু জেনেৰেচন Xএ অলপ অধিক যৌন সম্পৰ্ক স্থাপন কৰিছিল, এই দুয়োটা প্ৰজন্মই যোৱা এমাহত পাঁচবাৰ যৌন সম্পৰ্ক স্থাপন কৰিছিল ৷ বুমাৰসকলেও(Boomers) যোৱা এমাহত গড়ে মাত্ৰ তিনিবাৰহে যৌন সম্পৰ্ক স্থাপন কৰিছিল ৷ এই তথ্যই দেখুৱাইছে যে Gen Z আৰু বুমাৰসকলৰ যৌন জীৱন প্ৰায় সমানেই কম ৷
Gen Z ৰ শাৰীৰিক সম্পৰ্ক কম হোৱাৰ আঁৰৰ কাৰণ কি ?
গৱেষকসকলে কয় যে, Gen Z প্ৰজন্মৰ লোকসকলে নিজৰ কেৰিয়াৰ আৰু অন্যান্য বিষয়ত অধিক মনোনিৱেশ কৰাৰ বাবে শাৰীৰিক সম্পৰ্কৰ বাবে কম সময় পায় ৷ প্ৰতিবেদন অনুসৰি, "Gen Z আৰু বুমাৰ দুয়োৰে যৌন কম্পাঙ্ক প্ৰায় একে, ইয়াৰ পৰা বুজা যায় যে আটাইতকৈ কম বয়সীয়া আৰু বয়সস্থ প্ৰাপ্তবয়স্কৰ যৌন জীৱন কম সক্ৰিয় ৷" ইয়াৰ উপৰিও প্ৰতিবেদনত এইটোও দেখা গৈছে যে Gen Z অংশগ্ৰহণকাৰীৰ প্ৰায় আধা শতাংশই অবিবাহিত, আনহাতে মিলেনিয়াম, জেনেৰেচন এক্স আৰু বুমাৰৰ মাত্ৰ এক পঞ্চমাংশ (২০%) অবিবাহিত ৷
Gen Zৰ যৌন অভিজ্ঞতা
যদিও Gen Z ৰ যৌন জীৱন কম সক্ৰিয় তৎস্বত্বেও এই প্ৰজন্ম যৌন সম্পৰ্ক স্থাপন কৰাৰ ক্ষেত্ৰত খুবেই পাৰ্গত আছিল ৷ প্ৰতিবেদনত দেখা গৈছে যে ৫৫% Gen Z অংশগ্ৰহণকাৰীয়ে Field appত সংযোগ কৰাৰ পিচত এটা নতুন কিংক আৱিষ্কাৰ কৰে ৷ তুলনামূলকভাৱে এই সংখ্যা মিলেনিয়ালৰ মাজত ৪৯%, জেনেৰেচন এক্সৰ মাজত ৩৯% আৰু বুমাৰৰ মাজত ৩৩% আছিল ৷
এমাহত কিমানবাৰ যৌন সম্পৰ্ক স্থাপন কৰা উচিত ?
গৱেষকসকলে কয় যে, যৌন সম্পৰ্কৰ সঠিক সংখ্যা ব্যক্তিভেদে বেলেগ বেলেগ হ’ব পাৰে ৷ কিছুমানৰ বাবে সপ্তাহত এবাৰ শাৰীৰিক সম্পৰ্ক স্থাপন কৰাটো যথেষ্ট হ’ব পাৰে, আনহাতে কিছুমানৰ বাবে কম যেন লাগিব পাৰে ৷ আটাইতকৈ গুৰুত্বপূৰ্ণ কথাটো হ’ল আপুনি আৰু আপোনাৰ সংগী দুয়োজনেই সন্তুষ্ট হয় নে নহয় ৷
