চিটাৰা ডেস্ক, 9 জুলাই : অভিনেতা স্বৰা ভাস্কৰে ২০২৪ চনৰ মহাৰাষ্ট্ৰ বিধানসভা নিৰ্বাচনত প্ৰতিদ্বন্দ্বিতা কৰাৰ সম্ভাৱনা আছে । সূত্ৰই জনোৱা মতে, তনু ৱেডছ মনু আৰু প্ৰেম ৰতন ধন পায়ো আদি ছবিত কৰা বিশেষ চৰিত্ৰৰ বাবে পৰিচিত স্বৰাই আগন্তুক বিধানসভা নিৰ্বাচনত মুম্ব্ৰা কলৱা সমষ্টিৰ পৰা সমাজবাদী পাৰ্টীৰ টিকটত প্ৰতিদ্বন্দ্বিতা কৰিব পাৰে ।
মহাৰাষ্ট্ৰ সমাজবাদী পাৰ্টীৰ মুৰব্বী তথা বিধায়ক আবু আছম আজমীয়ে এই সন্দৰ্ভত ইংগিত প্ৰদান কৰে । বৰ্তমান জাতীয়তাবাদী কংগ্ৰেছ দলৰ জ্যেষ্ঠ নেতা জীতেন্দ্ৰ আৱাদ থানে জিলাৰ কলৱা মুম্ব্ৰা সমষ্টিৰ বিধায়ক ।
স্বৰাৰ স্বামী তথা এছপি নেতা ফাহাদ আহমেদে কয়, "মই এই মুহূৰ্তত এই বিষয়ে একো ক'ব নোৱাৰো, মই দলৰ সভাপতি (অখিলেশ যাদৱে) দিয়া আদেশ অনুসৰণ কৰিম । মোৰ দলৰ ৰাজ্যিক সভাপতিয়ে যিটো সমষ্টিৰ পৰা প্ৰতিদ্বন্দ্বিতা কৰিবলৈ কয়, সেই সমষ্টিৰ পৰা মই প্ৰতিদ্বন্দ্বিতা কৰিম । তাৰ বাবে মই সম্পূৰ্ণ সাজু । মোৰ পত্নী স্বৰা বৰ্তমান ৰাজনীতিত নাই । গতিকে তেওঁৰ বিষয়ে এতিয়াই একো ক'ব নোৱাৰো ।"
দিল্লীত জন্মগ্ৰহণ কৰা ৩৬ বছৰীয়া স্বৰা ভাস্কৰে সামাজিক আৰু ৰাজনৈতিক বিষয়ত নিৰন্তৰ নিজৰ মতামত প্ৰকাশ কৰে । ইফালে, আবু আজমীয়ে দাবী জনাইছে যে এছ পিয়ে এই আসন আৱণ্টনত ইয়াৰ উপযুক্ত অংশ লাভ কৰিব লাগে আৰু যদি এনে নহয়, তেন্তে উপযুক্ত সমষ্টি নাপালে এছ পিয়ে নিজাববীয়াকৈ নিৰ্বাচনত যুঁজ দিব ।
সূত্ৰৰ পৰা জানিব পৰা অনুসৰি, স্বৰা আৰু ফাহাদ আহমেদে মুম্ব্ৰা কলৱা বিধানসভা সমষ্টি পৰিদৰ্শন কৰি আহিছে । বৰ্তমান, এছ পিৰ দুজন বিধায়ক হৈছে মানখুৰ্দ শিৱাজী নগৰ সমষ্টিৰ আবু আজমী আৰু ভিৱান্দি পূব সমষ্টিৰ ৰইছ শ্বেখ ।
লগতে পঢ়ক : প্ৰেম আছে কিন্তু মানুহৰ আগত নহয়, চকুৰ আঁৰতহে - aryan khan rumoured gf
