চিটাৰা ডেস্ক, 28 এপ্ৰিল : আজি সামান্থা ৰুথ প্ৰভুৰ আজি 37 তম জন্মদিন । এই বিশেষ দিনটোত তেওঁ আহিবলগীয়া নতুন চলচ্চিত্ৰৰ কথা ঘোষণা কৰি সামাজিক মাধ্যমত এখন নতুন পোষ্টাৰ মুকলি কৰিছে । সামান্থাৰ আহিবলগীয়া চলচ্চিত্ৰখনৰ নাম হৈছে 'বংগাৰাম' ৷
অভিনেত্ৰীগৰাকীয়ে ছবিখনৰ পোষ্টাৰ আৰু মোশ্যন ভিডিঅ' শ্বেয়াৰ কৰি শিৰোনাম লিখিছিল, 'সোণালী হ'বলৈ সকলোবোৰ জকমকীয়া হ’ব নালাগে'
ক্লিপটোত, সামান্থাক ডাবল-বেৰেল বন্দুকৰ পৰা গুলীচালনা কৰা এক ব্যতিক্ৰমী ৰূপত দেখা গৈছিল ৷
ব্যতিক্ৰমী অৱতাৰত দেখা গৈছিল সামান্থাক
28 এপ্ৰিলত সামান্থাই তেওঁৰ 37 তম জন্মদিন উদযাপন কৰে । 'বংগাৰাম' শীৰ্ষক এই চলচ্চিত্ৰখনত অভিনেত্ৰীগৰাকীক নিৰ্ভীক অৱতাৰত দেখা গৈছে । সামান্থাই কয় যে, ছবিখনৰ দৃশ্যগ্ৰহণ সোনকালেই আৰম্ভ হ'ব ।
পোষ্টাৰখন মুক্তি লাভ কৰাৰ লগে লগেই অনুৰাগীসকলে পোষ্টাৰত বহুটো মন্তব্য কৰিছিল ৷ এগৰাকী ব্যৱহাৰকাৰীয়ে লিখিছিল, 'ফায়াৰ চেম'।
অন্য এগৰাকীয়ে লিখিছিল, 'এই ছবিখনৰ পোষ্টাৰ ঘোষণা কৰাৰ বাবে এয়া সৰ্বশ্ৰেষ্ঠ দিন ।"
অনুৰাগীসকলে জন্মদিনৰ শুভেচ্ছা জনাইছে :
সামান্থাই তেওঁৰ 37 তম জন্মদিনত অনুৰাগী আৰু বন্ধুবৰ্গৰ পৰা যথেষ্ট শুভেচ্ছা লাভ কৰিছে । 'বংগাৰাম' ঘোষণাৰ পিচত, অভিনেত্ৰীগৰাকীৰ জন্মদিন উদযাপনত সোণত সুৱগা চৰাৰ দৰে হয় ৷ বংগাৰামৰ প্ৰথম লুকছত অভিনেত্ৰীগৰাকীক নিৰ্ভীক অৱতাৰত দেখুওৱা হৈছে ৷ সামান্থাৰ মুখমণ্ডলত তেজৰ লগতে বন্দুক ধৰি থকা দেখা গৈছে ৷
অৱশ্যে সম্প্ৰতি অভিনেত্ৰী সামান্থা ৰুথ প্ৰভুৱে "সিটাডেল: হানি বানি"ৰ মুক্তিৰ বাবে সাজু হৈছে । ৰাজ আৰু ডিকেৰ দ্বাৰা পৰিচালিত এই ছিৰিজটোত বৰুণ ধাৱনেও অভিনয় কৰিছে । এই স্পাই থ্ৰীলাৰখন প্ৰিয়ংকা চোপ্ৰাৰ 'সিটাডেল'ৰ হিন্দী সংস্কৰণ ৷ ই অচিৰেই প্ৰাইম ভিডিঅ'ত প্ৰিমিয়াৰ হ'ব ।
লগতে পঢ়ক: ৩৬ বছৰ বয়সতো এই খাদ্যৰে নিজকে ফিট ৰাখিছে সামান্থা ৰুথ প্ৰভুৱে
