চিটাৰা ডেস্ক, 18 জুলাই : বলীউডৰ জগতত যোগ হ’ল আৰু এগৰাকী ষ্টাৰকিডৰ সংখ্যা ৷ জনপ্ৰিয় বলীউডৰ যুটি আলী ফজল আৰু ৰিচা চাড্ডাৰ ঘৰলৈ আহিল এটি কণমানি সদস্য ৷ পিতৃ-মাতৃ হোৱাৰ গৌৰৱ লাভ কৰিলে দুই তাৰকাই । ফুক্ৰে খ্যাত ‘ভোলী পঞ্জাৱন’ ৰিচা চাড্ডাই এটি কন্যা সন্তানৰ জন্ম দিয়ে ।
ৰিচা চাড্ডা আৰু আলী ফজলে ১৬ জুলাইত তেওঁলোকৰ কন্যা সন্তানৰ জন্মৰ এই ভাল খবৰটো সকলোৰে সৈতে শ্বেয়াৰ কৰে । দম্পতীয়ে তেওঁলোকৰ পৰিয়ালবৰ্গ আৰু শুভাকাংক্ষীসকলকো ধন্যবাদ জনায় । আলী ফজলে এটা বিবৃতিত জীয়েকৰ আগমনৰ ভাল খবৰটো দিছিল ।
কৃতজ্ঞতা প্ৰকাশ আলী ফজল-ৰিচা চাড্ডাৰ
আলী আৰু ৰিচাই তেওঁলোকৰ বিশেষ টোকাত লিখিছে, ‘১৬ জুলাইত আমাৰ ঘৰত এগৰাকী কন্যা সন্তানৰ জন্ম হয়, যাৰ সুখ অসীম, আমাৰ পৰিয়ালটো আনন্দৰে ভৰি পৰিছে, আমি আপোনালোক সকলোকে ধন্যবাদ জনাইছো, আলী ফজল আৰু ৰিচা চাড্ডাৰ তৰফৰ পৰা প্ৰেম ।’
ইয়াৰ আগতে 14 জুলাইত, ৰিচা চাড্ডাই এটা পোষ্ট শ্বেয়াৰ কৰি তেওঁৰ জীয়েক ৰিয়ালীৰ আগমনৰ বিষয়ে মনৰ ভাৱ ব্যক্ত কৰিছিল । এই পোষ্টটোত অভিনেত্ৰীগৰাকীয়ে লিখিছে, ‘অস্বস্তিটো অকলশৰীয়া, কিন্তু মই অকলশৰীয়া নহয় ৷
🌺
মোৰ মনলৈ অহৰহ আহি থকা এটা আন্দোলনৰ ক্ষুদ্ৰ ঢৌ, এটা আঁঠু, হঠাতে অহা এটা গোৰ, কোনোবাই শুনি থকাৰ এটা অনুভৱ... এটা কলি ফুলিবলৈ অপেক্ষা কৰা । আজা য়াৰ ।’
🌸🐣🤰🏻☺️❤️
#BabyRiali #alifazal #RichaChadha #👶❤️
কেতিয়া বিয়া হৈছিল আলী-ৰিচাৰ ?
আলী আৰু ৰিচাই 2020 চনত বিশেষ বিবাহ আদালতত গোপনে বিবাহপাশত আৱদ্ধ হৈছিল আৰু তাৰ পিচত ২০২২ চনত সকলো ৰীতি-নীতিৰে আড়ম্বৰপূৰ্ণভাৱে বিবাহপাশত আৱদ্ধ হয় তেওঁলোক । কৰ্মক্ষেত্ৰত, আলীক ক্ৰাইম চিৰিজ মিৰ্জাপুৰ 3 ত দেখা গৈছে ৷ 5 জুলাইত প্ৰাইম ভিডিঅ'ত মুক্তি লাভ কৰে মিৰ্জাপুৰে । আনহাতে ৰিচা চাড্ডাক সঞ্জয় লীলা ভাঞ্চালীৰ প্ৰথম ৱেব-চিৰিজ হীৰামণ্ডী দ্য ডায়মণ্ড বাজাৰত দেখা গৈছিল । ৰিচাক এই চিৰিজটোত লাজ্জোৰ চৰিত্ৰত দেখা গৈছিল ।
লগতে পঢ়ক : ৰিচা-আলীৰ ছবি ‘‘গাৰ্লছ উইল বি গাৰ্লছ’’ৰ IFFLA ত বৃহৎ জয় - Richa Ali movie Girls Will Be Girls
