চিটাৰা ডেস্ক, 10 অক্টোবৰ : 86 বছৰীয়া ৰতন টাটাৰ মৃত্যুত শোকত ম্ৰিয়মান সমগ্ৰ দেশবাসী ৷ ৰতন টাটাৰ মৃত্যুৱে এক অপূৰণীয় ক্ষতি কৰি থৈ গ'ল দেশৰ ৷ সকলোৱেই তেওঁৰ মৃত্যুত শোক প্ৰকাশ কৰিছে । ৰাজনীতি, ব্যৱসায়, ক্ৰীড়া, মনোৰঞ্জন আদি সকলো ক্ষেত্ৰৰ লগতে আৰু বিদেশী চেলেব্ৰিটীসকলেও ৰতন টাটাৰ মৃত্যুত শোক প্ৰকাশ কৰিছে ।
ইয়াৰ মাজতে এগৰাকী অভিনেত্ৰীয়ে ৰতন টাটাৰ মৃত্যুত শোক প্ৰকাশ কৰিছে, যি গৰাকীক ৰতন টাটাই এসময়ত বিয়া পাতিব বিচাৰিছিল । অভিনেত্ৰী ছিমি গাৰেৱালে ৰতন টাটাৰ মৃত্যুত শোক প্ৰকাশ কৰিছে আৰু তেওঁক তেওঁৰ বিশেষ বন্ধু বুলি অভিহিত কৰিছে । ৰতন টাটালৈ শ্ৰদ্ধাঞ্জলি জনাই ছিমিয়ে তেওঁৰ নামত এটা এক্স পোষ্ট শ্বেয়াৰ কৰিছে ।
They say you have gone ..
— Simi_Garewal (@Simi_Garewal) October 9, 2024
It's too hard to bear your loss..too hard.. Farewell my friend..#RatanTata pic.twitter.com/FTC4wzkFoV
ছিমিয়ে তেওঁৰ বিখ্যাত চেট শ্ব’ Rendezvous with Simi Garewalৰ পৰা ৰতন টাটাৰ সৈতে এখন ফটো শ্বেয়াৰ কৰিছে । এই ছবিখনত, ছিমিক বগা কোটত আৰু ৰতন টাটাক ক’লা চুটত দেখা গৈছে । ৰতন টাটাৰ মৃত্যুত শোক প্ৰকাশ কৰি ছিমি গাৰেৱাল লিখিছে, “আপুনি গুচি গ’ল, কিন্তু আপোনাৰ প্ৰস্থানৰ পিছত হোৱা শূণ্যতা কোনেও পূৰাব নোৱাৰে, কেতিয়াও, বিদায় মোৰ বন্ধুক ।”
ৰতন টাটাই ছিমি গাৰেৱালক বিয়া কৰাব বিচাৰিছিল
বহুলোকে ৰতন টাটাৰ প্ৰেমকাহিনীৰ বিষয়ে নাজানে । ৰতন টাটাই অভিনেত্ৰী আৰু পৰিচালক ছিমি গাৰেৱালক বিয়া কৰাব বিচাৰিছিল । সেই সময়ত 1962 চনত ইণ্ডো-চীন যুদ্ধ চলি আছিল যেতিয়া ৰতন টাটাই ছিমি গাৰেৱালক বিয়া কৰাব বিচাৰিছিল । সেই সময়ত ৰতন টাটাৰ কোনো বিশেষ পৰিচয় নাছিল আৰু কোনেও তেওঁক চিনি পোৱা নাছিল ৷ ছিমিৰ পৰিয়ালে তেওঁলোকৰ সম্পৰ্কত সন্মতি জনোৱা নাছিল ৷ ৰতন আৰু ছিমিয়ে বহু সময় বিভিন্ন স্থানত লগ কৰিছিল । পৰিয়ালে অসন্মতি দেখুওৱাৰ পিছত তেওঁলোকে সদায় বন্ধু হৈ থকাৰ সিদ্ধান্ত লয় ।
ৰতন টাটাৰ প্ৰতি আকৰ্ষিত আছিল ছিমি
সংবাদ মাধ্যমৰ বাতৰি অনুসৰি, ছিমি গাৰেৱালে এটা সাক্ষাৎকাৰত এনেদৰে কৈছিল, “তেওঁৰ সৈতে মোৰ সম্পৰ্ক দীৰ্ঘদিন ধৰি চলিছিল, তেওঁ এজন সুন্দৰ ব্যক্তি, তেওঁৰ হাস্যৰসবোধ আশ্চৰ্যজনক, ধন তেওঁৰ বাবে কেতিয়াও প্ৰথম পছন্দ নহয়, তেওঁ ভাৰততকৈ অধিক বিদেশত মুক্তভাৱে বাস কৰিছিল ।” উল্লেখ্য যে, ৰতন টাটা নিজেও ছিমিৰ অনুষ্ঠানটোৰ অংশ আছিল ।
লগতে পঢ়ক : ভাৰত-চীনৰ যুদ্ধৰ বাবে প্ৰেমিকাৰ সৈতে বিয়াত বহিব পৰা নাছিল ৰতন টাটা
