চিটাৰা ডেস্ক, ১১ মাৰ্চ : লছ এঞ্জেলছৰ ডলবি থিয়েটাৰত অনুষ্ঠিত হয় ৯৬ সংখ্যক একাডেমী বঁটা ৷ এই অনুষ্ঠানত হলিউডৰ তাৰকাসকলৰ সমাগম ঘটে । তাৰকাসকলৰ ষ্টাইলে ৰেড কাৰ্পেটত সকলোৰে দৃষ্টি আকৰ্ষণ কৰিবলৈ সক্ষম হয় ৷ ইফালে ক্রিষ্টোফাৰ নোলানৰ অপেনহাইমাৰ আৰু গ্ৰেটা গেৰৱিগৰ বাৰ্বিয়ে ২০২৪ চনৰ অস্কাৰত আলোড়নৰ সৃষ্টি কৰে ৷
অৱশ্যে হলিউডৰ ছবি আৰু হলীউডৰ তাৰকাৰে ভৰা এই অনুষ্ঠানটোৱে ভাৰতীয়ৰ মুখত হাঁহি বিৰিঙাবলৈ সক্ষম হৈছে ৷ কিন্তু কেনেকৈ ? দৰাচলতে ভাৰতীয় ছবি ‘আৰ আৰ আৰ’য়ে পুনৰবাৰ অস্কাৰত স্থান লাভ কৰিছে । যাৰ বাবে এতিয়া উৎফুল্লিত হৈ পৰিছে প্ৰত্যেকগৰাকী ভাৰতীয় ৷
পুনৰবাৰ অস্কাৰত দেখা গ’ল আৰ আৰ আৰৰ আভাস
এছ এছ ৰাজামৌলিৰ ছবি ‘আৰ আৰ আৰ’এ যোৱা বছৰ অস্কাৰত ধুমুহাৰ সৃষ্টি কৰিছিল । ছবিখনৰ নাটু নাটু গীতটোক কেৱল এই বঁটাৰে সন্মানিত কৰাই নহয়, এই গীতটোও মঞ্চত পৰিবেশন কৰা হৈছিল । একে সময়তে আকৌ এবাৰ ‘আৰ আৰ আৰ’ আভাস দেখিবলৈ পোৱা যায় অস্কাৰৰ মঞ্চত ।
নাটু নাটুৱে লাভ কৰিলে সন্মান
২০২৪ চনৰ অস্কাৰত দুবাৰকৈ পৰ্দাত প্ৰদৰ্শিত হৈছিল ‘নাটু-নাটু’ গীতটো । প্ৰথমে, ষ্টাণ্ট সমন্বয়কক শ্ৰদ্ধাঞ্জলি জনোৱাৰ সময়ত গীতটোৰ এটা দৃশ্য পৰ্দাত দেখা যায়, য’ত ৰাম চৰণ আৰু জুনিয়ৰ এনটিআৰে হুক ষ্টেপ কৰে । একে সময়তে শ্ৰেষ্ঠ গীতৰ বঁটা ঘোষণাৰ সময়ত দ্বিতীয়বাৰৰ বাবে নাটু নাটু গীতটি প্ৰদৰ্শন কৰা হয় ।
অস্কাৰ ২০২৪ৰ নাটু নাটুৰ এই দৃশ্য এতিয়া ছ’চিয়েল মিডিয়াত ট্ৰেণ্ড হৈ আছে । অনুৰাগীয়ে নাটু নাটু গীতটিৰ এই ক্লিপটো ছ’চিয়েল মিডিয়া ব্যাপকভাৱে শ্বেয়াৰ কৰা পৰিলক্ষিত হৈছে ৷
লগতে পঢ়ক: ৯৬ সংখ্যক একাডেমী বঁটা প্ৰদান অনুষ্ঠানত বিশিষ্ট শিল্পী নীতিন দেশাইক স্মৰণ
