চিটাৰা ডেস্ক, 26 আগষ্ট : আজি 26 আগষ্ট সোমবাৰে সমগ্ৰ দেশতে উদযাপন কৰা হৈছে কৃষ্ণ জন্মাষ্টমী । মন্দিৰৰ পৰা বজাৰলৈকে, নন্দ গোপালৰ জন্ম সকলো ঠাইতে উদযাপন কৰা হৈছে । চলচ্চিত্ৰ উদ্যোগতো পৰশ পৰিছে এই উৎসৱৰ ৷ ছিলভাৰ স্ক্ৰীণৰ তাৰকাসকলে কৃষ্ণ জন্মাষ্টমী উদযাপন কৰা দেখিবলৈ পোৱা গৈছে । ৰাতিপুৱাই চলচ্চিত্ৰ উদ্যোগৰ তাৰকাসকলে অনুৰাগীসকলক তেওঁলোকৰ নিজা শৈলীত জন্মাষ্টমীৰ শুভেচ্ছা জনাইছে ।
বলীউডৰ অভিনেতা বৰুণ ধৱন, শিল্পা শ্বেট্টী, মাধুৰী দীক্ষিত, ছানী দেওল আৰু ৰকুল প্ৰীত সিঙে তেওঁলোকৰ অফিচিয়েল ইনষ্টাগ্ৰাম ষ্ট‘ৰীত কানহাৰ পোষ্টাৰ শ্বেয়াৰ কৰিছে আৰু অনুৰাগীসকলক কৃষ্ণ জন্মাষ্টমীৰ শুভেচ্ছা জনাইছে ।
'দ্য কাশ্মীৰ ফাইলছ' খ্যাত অভিনেতা অনুপম খেৰে তেওঁৰ অফিচিয়েল ইনষ্টাগ্ৰামত ভগৱান কৃষ্ণৰ ছবিৰ এটা ক্লিপ শ্বেয়াৰ কৰিছে আৰু শিৰোনামটোত লিখিছে, “আপোনালোক সকলোকে শ্ৰী কৃষ্ণ জন্মাষ্টমীৰ শুভেচ্ছা জনাইছো । ঈশ্বৰে আপোনাৰ সকলো ইচ্ছা পূৰণ কৰক । জয় শ্ৰী কৃষ্ণ । কৃষ্ণ কৃষ্ণ হৰে হৰে । বোলো বাংকে বিহাৰী লাল কি জয় ।”
লাফটাৰ কুইন ভাৰতী সিঙে তেওঁৰ পুত্ৰ গোলা আৰু স্বামী হৰ্ষৰ এখন ফটো ইনষ্টাগ্ৰাম ষ্টৰীত পোষ্ট কৰিছে । ছবিখনত, গোলাক কানহা হিচাপে দেখা গৈছে । একে সময়তে হৰ্ষক তেওঁৰ পুত্ৰ গোলাক কলহ ভাঙিবলৈ সহায় কৰা দেখা গৈছে ।
বিয়াৰ পিছত দক্ষিণ ছবি উদ্যোগৰ অভিনেত্ৰী শোভিতাৰ এয়া প্ৰথম কৃষ্ণ জন্মাষ্টমী । অভিনেত্ৰীগৰাকীয়ে ইনষ্টাগ্ৰামত গোপালৰ ছবি শ্বেয়াৰ কৰি কেপশ্যনত লিখিছে, “ৱিজডম, লাইটনেছ এণ্ড লব’ । জন্মাষ্টমীৰ শুভেচ্ছা থাকিল ৷”
লগতে পঢ়ক : ‘অদ্ভূত’ত ডিটেক্টিভৰ চৰিত্ৰত নৱাজুদ্দিন ছিদ্দিকী - Nawazuddin Siddiqui Adbhut Trailer
