চিটাৰা ডেস্ক, 24 জুন : এক ডাঙৰ কৃতিত্ব, প্ৰভাস আৰু দীপিকা পাডুকনৰ এই ছবিখনে প্ৰথম দিনৰ শ্ব’টোৰ বাবে আগতীয়াকৈ বুকিং কৰি ৬.০৮ কোটি টকা উপাৰ্জন কৰিছে, য’ত পুৱা ৪:৩০ বজাৰ পৰাই শ্ব’ আৰম্ভ হ’ব । টিকটৰ দাম বৃদ্ধি পোৱাৰ পাচতো বহু প্ৰত্যাশিত চায়েন্স-ফিকশ্যন ছবি কল্কি ২৮৯৮ এডিৰ আগতীয়া বুকিঙৰ ধাৰা অভূতপূৰ্বভাৱেই আৰম্ভ হৈছে ৷ নাগ অশ্বিনৰ দ্বাৰা পৰিচালিত ছবিখন তিনিদিন পিচত অৰ্থাৎ ২৭ জুনত ছবিগৃহত মুক্তি পাবলৈ সাজু হৈছে ৷
উদ্যোগ ট্ৰেকাৰ ছাকনিলকৰ মতে, ছবিখনে আগতীয়া বুকিঙত 6.08 কোটি টকা উপাৰ্জন কৰিছে, ভাৰতত 200,000 ৰো অধিক আসন বিক্ৰী হৈছে । তেলুগু ভাষাৰ সংস্কৰণটোৰ আটাইতকৈ বেছি টিকট বিক্ৰী কৰিছে ৷ 2ডি, 3ডি আৰু আইমেক্স 3ডি ফৰ্মেটত মুঠ 1,95,000 টকাৰো অধিক হ’ব । হিন্দী ভাষাৰ সংস্কৰণটোত দ্বিতীয় সৰ্বাধিক বিক্ৰী হৈছে ৷ 7,000 ত কৈয়ো অধিক টিকট বিক্ৰী হৈছে ।
তামিল ভাষাত, নাগ অশ্বিনৰ চলচ্চিত্ৰখনে 2,000 ৰো অধিক টিকট বিক্ৰী কৰিছে । মুক্তিৰ পূৰ্বে তেলেংগানা চৰকাৰে প্ৰথম সপ্তাহৰ বাবে অতিৰিক্ত শ্ব’ আৰু অধিক টিকটৰ মূল্যত অনুমোদন জনাইছিল । অতিৰিক্ত শ্ব’সমূহক লৈ অনুৰাগীসকল আনন্দিত হোৱাৰ বিপৰীতে একাংশই মূল্যবৃদ্ধিৰ বাবে উদ্বেগ প্ৰকাশ কৰে । তেলেংগানাত মুক্তিৰ দিনা পুৱা ৫:৩০ বজাত শ্ব’ প্ৰদৰ্শনৰ ঘোষণাই প্ৰথমে অনুৰাগীক ৰোমাঞ্চিত কৰিছিল যদিও প্ৰথম আঠ দিনৰ বাবে বৃদ্ধি পোৱা টিকটৰ মূল্য (একক পৰ্দাৰ বাবে ৭০ টকা আৰু মাল্টিপ্লেক্সৰ বাবে ১০০ টকাই) যথেষ্ট অসন্তুষ্টিৰ সৃষ্টি কৰিছিল ।
লগতে পঢ়ক : Kalki 2898 AD ৰ মুক্তিৰ আগতে বিগ বিয়ে প্ৰভাসৰ অনুৰাগীসকলৰ পৰা ক্ষমা বিচাৰিছে ! - Kalki 2898AD release date
