চিটাৰা ডেস্ক, 20 জুলাই : ৰণবীৰ কাপুৰ, আলিয়া ভাট, সোনম কাপুৰ আৰু সিদ্ধাৰ্থ মালহোত্ৰাৰ সৈতে অভিনয় কৰা এইগৰাকী পাকিস্তানী অভিনেতাই বলীউডলৈ পুনৰ প্ৰত্যাৱৰ্তনৰ মন মেলিছে ৷ কিন্তু তাৰ পূৰ্বে ভাৰতীয় অনুৰাগীৰ ওচৰত ক্ষমা বিচাৰিছে । কিয় জানেনে ?
পাকিস্তানী ছবি জগতৰ অন্যতম মেধাৱী আৰু সুদৰ্শন অভিনেতা ফৱাদ খানৰ ভাৰততো বিপুল অনুৰাগী আছে । ফৱাদ খান পাকিস্তানৰ এনে এজন টিভি তাৰকা যিয়ে তাত চলচ্চিত্ৰ জগতত ৰাজত্ব চলাই আছে । ফৱাদ খানৰ জনপ্ৰিয়তাৰ বাবেই তেওঁ বলীউডতো সুযোগ পালে ।
বিগত পাঁচ বছৰ ধৰি ভাৰতত পাকিস্তানী তাৰকা নিষিদ্ধ হোৱাৰ বাবে বহু পাকিস্তানী অভিনেতা-অভিনেত্ৰী পাকিস্তানলৈ উভতি যাবলগীয়া হৈছিল । এতিয়া আকৌ এবাৰ ভাৰতীয় চিনেমালৈ ঘূৰি আহিবলৈ মন মেলিছে ফাৱাদ খানে ।
ভাৰতীয় অনুৰাগীৰ ওচৰত কিয় ক্ষমা খুজিলে ?
প্ৰচাৰ হৈ থকা বাতৰি অনুসৰি, ভাৰতীয় অনুৰাগীৰ ওচৰত ক্ষমা বিচাৰি ফৱাদ খানে কয়, ‘‘মোৰ বাবে অপেক্ষা কৰি থকা ভাৰতত থকা মোৰ অনুৰাগীসকলৰ প্ৰতি মই কৃতজ্ঞ আৰু মোৰ ভাৰতীয় অনুৰাগীসকলক বহু সময় অপেক্ষা কৰিবলৈ বাধ্য কৰোৱাৰ বাবে ক্ষমা বিচাৰিছো ৷ কিন্তু মোৰ হাতত একো নাছিল ।’’
অভিনেতাজনে আৰু লগতে কৈছে, ‘‘সকলোৰে সময় থাকে, অনুপস্থিতিয়ে হৃদয়খনক বিশাল কৰি তোলে ৷’’ প্ৰকাশ পোৱা বাতৰি অনুসৰি বলীউডৰ অভিনেত্ৰী বাণী কাপুৰৰ সৈতে এখন ৰোমান্টিক বলীউড ছবিৰ বাবে বাতৰিৰ শিৰোনাম দখল কৰি আছে ফাৱাদ খানে ।
এই ছবিখনৰ জৰিয়তে কৰিছিল বলীউডত আত্মপ্ৰকাশ
বলীউডত ফাৱাদ খানৰ প্ৰৱেশ 2014 চনৰ খুবসুৰত চলচ্চিত্ৰৰ জৰিয়তে হৈছিল । এই চলচ্চিত্ৰখনত, অভিনেতাজনে সোনম কাপুৰৰ সৈতে ৰোমাঞ্চ কৰিছিল । ইয়াৰ পিচত ফৱাদ খানক সিদ্ধাৰ্থ মালহোত্ৰা আৰু আলিয়া ভাটৰ সৈতে কাপুৰ এণ্ড চন্স (2016) বোলছবিত দেখা গৈছিল । ফৱাদ আৰু আলিয়াৰ অভিনয় প্ৰশংসা কৰিছিল দৰ্শকে ৷ একে সময়তে, 2016 চনত, অভিনেতাজনক ৰণবীৰ কাপুৰ, অনুষ্কা শৰ্মা আৰু ঐশ্বৰ্য ৰায় বচ্চনৰ ছবি এ দিল হে মুস্কিলতো দেখা গৈছিল ।
লগতে পঢ়ক : IFFM ৰ ৰাষ্ট্ৰদূত হিচাপে ঘোষণা হ’ল অভিনেতা ৰাম চৰণৰ নাম - RAM CHARAN AT IIFM 2024
