হায়দৰাবাদ: আজিকালিৰ দিনত অসম্ভৱ একোৱে নাই ৷ চিকিৎসা, প্ৰযুক্তিৰ উন্নয়নে প্ৰায় সকলোবোৰ সম্ভৱ কৰি তুলিছে ৷ মন গ’লেই বিচৰা বস্তুটো হাততে পোৱাটো সহজ হৈ পৰাৰ দৰে মানুহে জন্মৰ পিছত নিজকে সলনি কৰাটোও সম্ভৱ হৈ পৰিছে ৷
শেহতীয়াকৈ প্ৰাক্তন ক্ৰিকেটাৰ সঞ্জয় বাংগাৰৰ পুত্ৰই লিংগ সলনি কৰি ট্ৰান্সৱ’মেন হৈ পৰিছে । খবৰটো বিয়পি পৰাৰ লগে লগে দেশত তোলপাৰ লাগে ৷ প্ৰাক্তন ভাৰতীয় ক্ৰিকেটাৰ সঞ্জয় বাংগাৰৰ পুত্ৰ আৰিয়ানৰ এটা ভিডিঅ’ ছচিয়েল মিডিয়াত ভাইৰেল হৈ পৰিছে ৷
ভিডিঅ’টোত, তেওঁ তেওঁৰ হৰমন পৰিৱৰ্তনৰ যাত্ৰা শ্বেয়াৰ কৰিছিল । সহজ ভাষাত ক’বলৈ গ’লে, তেওঁ নিজৰ লিংগ সলনি কৰি ছোৱালী হৈ পৰিছে । গোটেই প্ৰক্ৰিয়াটোত তেওঁক 10 মাহ সময় লাগিছিল । এতিয়া অস্ত্ৰোপচাৰৰ পিছত, আৰিয়ান অনায়া হৈ পৰিছে । তেওঁ তেওঁৰ কিছুমান ভিডিঅ’ সামাজিক মাধ্যমত শ্বেয়াৰ কৰিছে । আৰিয়ান বাংগাৰো তেওঁৰ দেউতাকৰ দৰে এজন ক্ৰিকেটাৰ । তেওঁ বৰ্তমান এটা স্থানীয় ক্লাবৰ হৈ খেলে ।
পিছে তেওঁৰ পূৰ্বেও আন কোন চেলেব্ৰিটীয়ে লিংগ পৰিৱৰ্তন অস্ত্ৰোপচাৰ কৰিছে ৷ তেওঁলোকৰ বিষয়ে জানো আহক-
সায়েশা সিন্দে
পূৰ্বতে স্বপ্নিল সিন্দে নামেৰে জনাজাত সায়েশা সিন্দেয়ে 2021 চনত এগৰাকী ট্ৰেন্স মহিলা হিচাপে তেওঁৰ পৰিচয় প্ৰকাশ কৰে ৷ তেওঁ লিংগ পৰিৱৰ্তন অস্ত্ৰোপচাৰ কৰাইছিল । সায়েশা এগৰাকী উৎকৃষ্ট ফেশ্বন ডিজাইনাৰ, তেওঁ তেওঁৰ কামৰ দ্বাৰা ফেশ্বন উদ্যোগত এক পৃথক পৰিচয় গঢ়ি তুলিছে । জীৱন বাটত নিজকে চিনি পাই লিংগ সলনি কৰে তেওঁ আৰু স্বপ্নিলৰ পৰা সায়েশা হৈ জীৱন নিৰ্বাহ কৰিবলৈ আৰম্ভ কৰে ।
ববী ডাৰ্লিং
তাল, মেইনে দিল তুঝকো দিয়া, ক্যা কুল হে হামৰ দৰে চলচ্চিত্ৰত অভিনয় কৰা ববী ডাৰ্লিঙেও লিংগ পৰিৱৰ্তন কৰিছিল । পংকজ শৰ্মা হিচাপে জন্মগ্ৰহণ কৰা ববী ডাৰ্লিঙে এগৰাকী ট্ৰান্সৱ’মেন হিচাপে নিজৰ পৰিচয় প্ৰকাশ কৰে ৷ তেওঁ 2010 চনত লিংগ পৰিৱৰ্তন কৰিছিল । কম বয়সতে লিংগ পৰিৱৰ্তনৰ বাবে তেওঁ যথেষ্ট বিৰোধিতাৰ সন্মুখীন হৈছিল ।
গৌৰী অৰোৰা
গৌৰৱ অৰোৰা হিচাপে জন্মগ্ৰহণ কৰা গৌৰী অৰোৰাই 2016 চনত লিংগ পৰিৱৰ্তন অস্ত্ৰোপচাৰৰ কথা প্ৰকাশ কৰিছিল । গৌৰী স্প্লিটছভিলাৰ অষ্টম ছিজনত প্ৰতিযোগী আছিল । শ্ব’টোত তেওঁ নিজকে উভয়লিংগী বুলি বৰ্ণনা কৰিছিল আৰু তেওঁৰ লিংগ সলনি কৰিছিল । তেওঁ কৈছিল যে এই সম্প্ৰদায়ৰ বাবে তেওঁ আদৰ্শ হ’ব বিচাৰে ।
নিকী চাওলা
ভাৰতৰ প্ৰথম ট্ৰান্সজেণ্ডাৰ মডেল নিকী চাওলাই 2009 চনত এগৰাকী ট্ৰান্সৱ’মেন হিচাপে নিজৰ পৰিচয় প্ৰকাশ কৰে । তেওঁ বহুতো আন্তৰ্জাতিক ৰেম্প শ্ব’ আৰু ৰিয়েলিটী শ্ব’ত অংশ লৈছিল । নিজৰ দৰে বহু লোকক সহায় কৰিব বিচাৰে নিকীয়ে ।
গজল ধালিৱাল
কাহিনী লেখক আৰু অভিনেত্ৰী গজল ধালিৱালে 20 বছৰ বয়সত লিংগ পৰিৱৰ্তন কৰিছিল । গজলে এক লড়কী কো দেখা তো এইছা লগা চলচ্চিত্ৰখনৰ সংলাপ লিখিছিল । গজলে লিপষ্টিক আণ্ডাৰ মাই বুৰ্খাৰো সংলাপ লিখিছিল । তেওঁ এল জি বি টি কিউ সম্প্ৰদায়ৰ এগৰাকী কৰ্মীও । তেওঁ আমিৰ খানৰ টক শ্ব’ সত্যমেৱ জয়তেতো অংশগ্ৰহণ কৰিছিল ।
অঞ্জলি আমিৰ
এখন চলচ্চিত্ৰত মুখ্য চৰিত্ৰত অভিনয় কৰা প্ৰথম ট্ৰান্সজেণ্ডাৰ অভিনেত্ৰী অঞ্জলি আমিৰৰ জন্ম হৈছিল জামছিৰ হিচাপে । অঞ্জলি আমিৰৰ জন্ম 1995 চনৰ 4 নৱেম্বৰত ভাৰতৰ কেৰালাৰ কোজিকোডত হৈছিল । তেওঁ পেৰানবু (2018), দ্য স্লুইটছ (2024) আৰু সুজল – দ্য ভৰটেক্স (2022)ৰ দৰে চলচ্চিত্ৰত কাম কৰিছে ।
লগতে পঢ়ক : শেষ হোৱাৰ দিশে প্ৰিয় ধাৰাবাহিক, এতিয়া কি চাব ?
