অৱশেষত ব্ৰেকআপৰ বাতৰিত মোহৰ লগালে অৰ্জুনে

‘মই এতিয়া ছিংগল’, দেৱালী পাৰ্টীৰ মাজতে এইদৰে ক’লে অৰ্জুনে ৷ মালাইকাইয়ো ইনষ্টাত দিয়ে এটা ৰহস্যময় ষ্ট’ৰী ৷

মুম্বাই : অৰ্জুন কাপুৰ আৰু মালাইকা অৰোৰাৰ সম্পৰ্কৰ বিষয়ে বহুদিন ধৰি আলোচনা হৈ আছে । আগতে প্ৰায়ে একেলগে দেখিবলৈ পোৱা যুটিটো বহুদিনৰ পৰা লোকচক্ষুৰ আগলৈ নহা হৈ থাকিল ৷ ছ’চিয়েল মিডিয়াতো একো আপলোড নকৰা হ’ল দুয়োৱে একেলগে ৷ সেইবোৰ দেখি নেটিজেনে অনুমান কৰিছিল যে নিশ্চয়কৈ তেওঁলোকৰ সম্পৰ্কত আউল লাগিছে ৷

অৰ্জুন আৰু মালাইকাই বহুদিন ধৰি ইজনে সিজনক ডেট কৰে ৷ একেলগে ফুৰাৰ পৰা আৰম্ভ কৰি দুয়োৰে ফটোও অনুৰাগীৰ সৈতে শ্বেয়াৰ কৰি থাকে তেওঁলোকে ৷ কিন্তু শেহতীয়াকৈ অৰ্জুন কাপুৰে মালাইকা অৰোৰাৰ সৈতে ব্ৰেকআপৰ খবৰ নিশ্চিত কৰিছে । অৰ্জুন কাপুৰে কৈছে এতিয়া তেওঁৰ লগত মালাইকাৰ কোনো সম্পৰ্ক নাই । অৰ্জুন কাপুৰে ব্ৰেকআপৰ খবৰ নিশ্চিত কৰাৰ পূৰ্বে মালাইকা অৰোৰাইও এটা ৰহস্যময় পোষ্ট শ্বেয়াৰ কৰে ।

মই এতিয়া ছিংগল : অৰ্জুন কাপুৰ

Crowd: Malaika Kashi aahe?
Arjun: I am single now 😂 #ArjunKapoor confirms his breakup with #MalaikaArora

Chants #JaiMaharashtra at #Deepotsav2024 #SinghamAgain pic.twitter.com/Smcgu6Hy9I

— $@M (@SAMTHEBESTEST_) October 28, 2024

দৰাচলতে ৰাজ থাকৰেই এটা দেৱালী পাৰ্টীৰ আয়োজন কৰে য’ত উপস্থিত হয় অৰ্জুন কাপুৰ ৷ যোৱা নিশাৰ এই দেৱালী পাৰ্টীত ৰোহিত শ্বেট্টীৰ দ্বাৰা পৰিচালিত ছবি সিংঘম এগেইন ছবিখনৰ গোটেই দলটো উপস্থিত হয় । এই সময়ছোৱাত, পাপাৰাজ্জীয়ে অৰ্জুন কাপুৰক সুধিছিল মালাইকা অৰোৰা কেনে আছে ? এই প্ৰশ্নটোত হাঁহি হাঁহি অৰ্জুন কাপুৰে কয়, “মই এতিয়া ছিংগল, আৰাম কৰক ।” ইয়াৰ পিছত, অৰ্জুন কাপুৰে মঞ্চৰ পৰা সকলোকে দেৱালীৰ শুভেচ্ছা জনাই কয় যে সিংঘম এগেইন চলচ্চিত্ৰখন আপোনালোক সকলোৰে বাবে নিৰ্মিত এখন চলচ্চিত্ৰ, সেয়েহে এইবাৰ আমাৰ সৈতে দেৱালী উদযাপন কৰক ।

5 বছৰৰ পিছত ভাঙিল সম্পৰ্ক

অৰ্জুন কাপুৰ আৰু মালাইকা অৰোৰাই পাঁচ বছৰ ধৰি ইজনে সিজনক ডেট কৰে । এই সময়ছোৱাত, দম্পতীটোৱে বহুতো ছুটি একেলগে উপভোগ কৰে আৰু তেওঁলোকৰ ফটোও শ্বেয়াৰ কৰে । 2017 চনত তাৰকা স্বামী আৰবাজ খানৰ পৰা বিবাহ বিচ্ছেদ হোৱাৰ পিছত, মালাইকা অৰোৰাই 2019 চনত অৰ্জুন কাপুৰৰ সৈতে ডেটিং আৰম্ভ কৰিছিল । দুয়োজনে একেলগে যথেষ্ট সময় অতিবাহিত কৰিছিল আৰু তেওঁলোক দুয়োৰে বাৰে বাৰে বিয়াৰ কথাও আলোচনা হৈছিল, কিন্তু এতিয়া বেলেগ দিশ ল’লে তেওঁলোকৰ সম্পৰ্কই ৷ পিছে দুই তাৰকাই এতিয়াও ইনষ্টাগ্ৰামৰ পৰা বিলোপ কৰা নাই তেওঁলোকৰ যুটীয়া ফটোবোৰ ৷

মালাইকা অৰোৰাৰ ৰহস্যময়ী পোষ্ট

মালাইকাৰ ইনষ্টা ষ্ট’ৰী (Malaika Arora Instagram Story)

অৰ্জুন কাপুৰৰ ব্ৰেকআপৰ বাতৰি নিশ্চিত কৰাৰ আগতে, মালাইকা অৰোৰাই এটা গোপনীয় পোষ্ট শ্বেয়াৰ কৰে । উল্লেখ্য যে, অৰ্জুন কাপুৰক 1 নৱেম্বৰত মুক্তি পাবলগীয়া সিংঘম এগেইন চলচ্চিত্ৰত খলনায়কৰ চৰিত্ৰত দেখিবলৈ পোৱা যাব ।

লগতে পঢ়ক : প্ৰাক্তন প্ৰেমিক অৰ্জুন কাপুৰ মালাইকাৰ কাষলৈ আহিল সাহস হৈ থিয় দিবলৈ - ANIL MEHTA PASSES AWAY