চিটাৰা ডেস্ক, 1 মে’: বলীউডৰ মোহময়ী অভিনেত্ৰী অনুষ্কা শৰ্মা বলীউডৰ এক চিনাকী নাম ৷ বৰ্তমান সময়ত অনুষ্কাক বি টাউনৰ এ লিষ্টৰ অভিনেত্ৰীসকলৰ ভিতৰত গণ্য কৰা হৈছে ৷ বলীউডৰ সৰ্বাধিক মাচুল লাভ কৰা অভিনেত্ৰীৰ ভিতৰত তেওঁৰ নামো অন্তৰ্ভুক্ত ৷
নিজৰ প্ৰতিভাৰ আধাৰত পৰিচয় সৃষ্টি কৰা
বৰ্তমান অনুষ্কা শৰ্মাৰ আহিবলগীয়া ছবি আৰু দ্বিতীয়বাৰৰ বাবে মাতৃ হোৱাৰ খবৰ প্ৰায়েই চৰ্চাত আছে ৷ জনাই দিও যে, ১৫ ফেব্ৰুৱাৰীত দ্বিতীয়বাৰৰ বাবে মাতৃত্ব লাভ কৰিছিল অভিনেত্ৰীগৰাকী ৷ তেওঁ এটি পুত্ৰ সন্তান জন্ম দিয়ে, যাৰ নাম ভগৱান শিৱৰ আন এটা নাম 'অকায়' ৰখা হয় ৷ অভিনেত্ৰী হিচাপে অনুষ্কাৰ যাত্ৰা যদি আমি চাবলৈ যাও তেন্তে প্ৰতিখন ছবিৰ লগে লগে তেওঁৰ কেৰিয়াৰে এটি নতুন দিশ লাভ কৰিছে ৷
আজি অনুষ্কা শৰ্মাৰ জন্মদিন ৷ দুটা মৰমলগা সন্তানৰ মাতৃ তথা ‘এ দিল হায় মুছকিল’ খ্যাত অভিনেত্ৰীগৰাকীৰ বয়স এতিয়া হ’লগৈ ৩৬ বছৰ ৷ অনুষ্কা শৰ্মাৰ পাৰিবাৰিক পটভূমি আৰ্মীৰ সৈতে জড়িত ৷ তেওঁৰ পিতৃ কৰ্ণেল অজয় কুমাৰ শৰ্মা (অৱসৰপ্ৰাপ্ত) আছিল এগৰাকী আৰ্মী অফিচাৰ ৷ আনহাতে, মাতৃ আশীমা শৰ্মা এগৰাকী গৃহিণী ৷
প্ৰথম ছবিখনেই পাইছিলোঁ শ্বাহৰুখ খানৰ সৈতে
কোনো ধৰণৰ চলচ্চিত্ৰৰ পৰিয়ালৰ সৈতে সংযোগ নোহোৱাকৈয়ে অনুষ্কাই চলচ্চিত্ৰ জগতত নিজৰ স্থান অৰ্জন কৰিছিল ৷ শ্বাহৰুখ খানৰ সৈতে প্ৰথমখন ছবি লাভ কৰে অভিনেত্ৰীগৰাকীয়ে ৷ যিকোনো অভিনেত্ৰীয়ে কিং খানৰ সৈতে পৰ্দাৰ একেলগে অভিনয় কৰাৰ সুযোগ লাভ কৰাটো এটা ডাঙৰ কথা ৷ অনুষ্কাই এই সুযোগ পাইছিল তেওঁৰ প্ৰথমখন ছবিত ৷ অনুষ্কা শৰ্মাৰ জন্মদিনত আমি আপোনালোকক দেখুৱাম অভিনেত্ৰীগৰাকীৰ ভিডিঅ’, যাৰ জৰিয়তে তেওঁ অভিনেত্ৰী হোৱাৰ যাত্ৰা আৰম্ভ কৰিছিল ৷
ভাইৰেল ভিডিঅ'ত কি বিশেষ
অনুষ্কা শৰ্মাই প্ৰথম অডিচন দিয়াৰ সময়ত তেওঁৰ বয়স আছিল মাত্ৰ ১৮ বছৰ ৷ উক্ত ভিডিঅ’টোত অনুষ্কাক সাধাৰণ ৰূপত দেখা গৈছে ৷ তেওঁক চিনাকি কৰাই দিয়া দেখা যায় ৷ তেওঁ হাতত লৈ আছে এখন বৰ্ড, য’ত অভিনেত্ৰীগৰাকীৰ মোবাইল নম্বৰ, জন্মদিন, উচ্চতা লিখা আছে ৷
প্ৰথম অডিচনত অনুষ্কাৰ লুকৰ ক’বলৈ গ’লে অভিনেত্ৰীগৰাকীয়ে ডেনিম জিন্সৰ সৈতে প্লেইন বগা টপ পিন্ধিছিল আৰু ক্ৰপ জেকেটেৰে নিজৰ লুক সম্পূৰ্ণ কৰিছিল ৷ এই ভিডিঅ'টো ইউটিউবত ৬ লাখতকৈ অধিক বাৰ চোৱা হৈছে ৷
অনুষ্কাৰ এই ভিডিঅ'টোও ভাইৰেল হৈ পৰিল
২০০৮ চনৰ ১২ ডিচেম্বৰত মুক্তিলাভ কৰা অনুষ্কা শৰ্মাৰ প্ৰথমখন ছবি ' ৰাব নে বানা দি জোৰী ' ৷ ইয়াৰ এবছৰৰ পাছত ৰাজকুমাৰ হিৰানীৰ ব্লকবাষ্টাৰ ছবি ‘থ্ৰী ইডিয়টছ’ মুক্তি লাভ কৰে৷ অতি কম সংখ্যক লোকেহে গম পাব যে অনুষ্কাই কৰীণা কাপুৰৰ চৰিত্ৰৰ বাবে অডিচন দিছিল ৷
- " class="align-text-top noRightClick twitterSection" data="">
‘পি কে’ ছবিৰ প্ৰচাৰৰ সময়ত অনুষ্কাই এই অডিচন ভিডিঅ’টো দেখুৱাইছিল ৷ আচৰিত কথাটো হ’ল ‘পি কে’ নিৰ্মাণ কৰা ৰাজকুমাৰ হিৰাণীয়ে নাজানিছিল যে অনুষ্কাই তেওঁৰ ছবি ‘ থ্ৰী ইডিয়টছ ’ ৰ বাবে অডিচন দিছিল ৷ অডিচনত অনুষ্কাই গ্ৰেচি সিঙৰ ওপৰত চিত্ৰগ্ৰহণ কৰা ‘মুন্নাভাই এম বি বি এছ’ ছবিখনৰ সংলাপ কয় ৷ ভিডিঅ’টোত অভিনেত্ৰীগৰাকীয়ে চকুলো টুকি সম্পূৰ্ণ আৱেগেৰে নিজৰ সংলাপ কোৱা দেখা গৈছে ৷
লগতে পঢ়ক: হাতত খাৰু, নখত জেতুকা, আঙুলিৰ ফাকত চিগাৰেট লৈ পুষ্পৰাজ 2-ৰ ফাৰ্ষ্ট লুক মুকলি - Pushpa 2 The Rule
