চিটাৰা ডেস্ক, 8 এপ্ৰিল : আজি দক্ষিণৰ ছুপাৰষ্টাৰ আল্লু অৰ্জুনৰ 42 সংখ্যক জন্মদিন ৷ সোমবাৰে তেওঁৰ জীৱনৰ আৰু এটা বসন্ত গৰকে । পুষ্পাৰ অভিনেতাগৰাকীয়ে জন্মদিনৰ উপলক্ষে তেওঁৰ হায়দৰাবাদৰ গৃহত উপস্থিত হৈ দেওবাৰে আৰু সোমবাৰৰ মাজ নিশা তেওঁক জন্মদিনৰ শুভেচ্ছা জনাবলৈ অহা বহু অনুৰাগীক হাত জোকাৰি উষ্ম সম্ভাষণ জনায় ৷
তদুপৰি, তেওঁৰ পত্নী স্নেহা আল্লু ৰেড্ডীয়ে সামাজিক মাধ্যমত জন্মদিন উদযাপনৰ কিছু বিশেষ ছবি শ্বেয়াৰ কৰি অভিনেতাগৰাকীক জন্মদিনৰ বিশেষ শুভেচ্ছা জনায় ৷
শেহতীয়াকৈ পুষ্পাৰ ছীকুৱেল ছবি পুষ্পা : দ্য ৰুল 2ৰ মুক্তিত ব্যস্ত হৈ আছে অভিনেতাগৰাকী ৷ অভিনেতাগৰাকীয়ে 6 দিনৰ পূৰ্বে বহুপ্ৰতিক্ষীত ছবি পুষ্পা : দ্য ৰুল 2 ৰ ফাৰ্ষ্ট লুক নিজ ইনষ্ট্ৰাগ্ৰাম হেণ্ডেলত শ্বেয়াৰ কৰিছিল ৷ তাৰ পিচতে অনুৰাগীসকলে সামাজিক মাধ্য়মত ছবিখনক লৈ বহু উৎকণ্ঠাৰে বাট চাই আছে ৷
অভিনেতাগৰাকীৰ হায়দৰাবাদৰ ঘৰৰ বাহিৰত মাজনিশা জন্মদিন উপলক্ষে শ শ অনুৰাগী সমবেত হৈ তেওঁক শুভেচ্ছা জনোৱা দেখি তেওঁ অভিভূত হৈ পৰে ৷ সকলোৱে ইমান দূৰৰ পৰা আহি তেওঁৰ বিশেষ দিনটো অধিক বিশেষ কৰি তোলাৰ বাবে অভিনেতাগৰাকীয়ে সকলোকে কৃতজ্ঞতা জ্ঞাপন কৰে ৷ অভিনেতাজনে তেওঁৰ বাসগৃহৰ বাহিৰত তেওঁৰ গুণমুগ্ধসকললৈ হাত জোকাৰি থকা এটা ভিডিঅ' বৰ্তমান সামাজিক মাধ্য়মত ব্যাপক চৰ্চা লাভ কৰিছে ৷
ভিডিঅ’টোত তাৰকাগৰাকীয়ে হাত জোকাৰি সকলোকে সম্ভাষণ জনোৱাৰ লগতে হাত যোৰ কৰি সকলোকে ধন্যবাদ জ্ঞাপন কৰে ৷ তেওঁ সকলোলৈ উদ্দেশ্যি ফ্লায়িং কিছ্ দিয়াৰ লগে লগে অনুৰাগীসকলে পুষ্পা পুষ্পা বুলি তেওঁক শুভেচ্ছা জনায় ৷ অভিনেতাজনে পিন্ধনত এটা বহু ৰঙৰ টি-চাৰ্ট পৰিধান কৰা দেখা গৈছিল ৷ তেওঁ এযোৰ চানগ্লাছ আৰু এটা আকৰ্ষণীয় বগা বেল্ট ঘড়ীৰ সৈতে তেওঁৰ লুকছটো সম্পূৰ্ণ কৰিছিল ।
ইয়াৰ উপৰিও,তাৰকাগৰাকীয়ে জন্মদিন উপলক্ষে আজি অনুৰাগীসকললৈ বিশেষ উপহাৰ আগবঢ়াব ৷ পুষ্পাৰ নিৰ্মাতাসকলে তাৰকাগৰাকীৰ জন্মদিন উপলক্ষে আজি তথা ৮ এপ্ৰিলত পুষ্পা: দ্য ৰুল 2 ছবিখনৰ টিজাৰ মুকলি কৰিবলৈ সাজু হৈছে । বিগত কেইদিনমানত নিৰ্মাতাসকলে আগন্তুক ছবিখনৰ আল্লু অৰ্জুন আৰু ৰশ্মিকা মন্দনাৰ নতুন নতুন পোষ্টাৰ মুকলি কৰিছে ৷ আজি পুৱা প্ৰায় 11 বজাত অনুৰাগীসকলৰ উৎকণ্ঠা সামৰি ছবিখনৰ ট্ৰীজাৰ মুকলি কৰিব ৷
লগতে পঢ়ক: পুষ্পা ২ৰ চেটৰ পৰা ভাইৰেল ৰশ্মিকাৰ প্ৰথম লুক, ৰঙা শাৰীত দেখা গ’ল শ্ৰীৱল্লীক
