চিটাৰা ডেস্ক, ১২ ফেব্ৰুৱাৰী: কণ্ঠশিল্পী আদিত্য নাৰায়ণৰ এটা ভিডিঅ’ ক্ৰমাৎ ভাইৰেল হৈ পৰিছে ছ’চিয়েল মিডিয়াত । ভিডিঅ’টোত আদিত্যক ভিলাইতৰ এটা সংগীতানুষ্ঠানত সংগীত পৰিৱেশন কৰা দেখা যায় । কিন্তু সংগীতানুষ্ঠান চলি থকাৰ মাজতে আদিত্যই এজন অনুৰাগীৰ সৈতে এনে এটা কাণ্ড কৰিলে, যিটো চাই আপুনিও হতচকিত হৈ পৰিব ৷ এই কাণ্ডৰ বাবেই এতিয়া ছ’চিয়েল মিডিয়াত তেওঁক ব্যাপকভাৱে সমালোচনা কৰা হৈছে ৷ ঘটনাৰ বিৱৰণ জানো আহক এই প্ৰতিবেদনত ৷
ভাইৰেল ভিডিঅ’টোত দেখা যায় যে আদিত্যই গান গাই থকাৰ সময়তে হঠাতে এজন অনুৰাগীৰ কাষ চাপে । প্ৰথমে মাইকেৰে অনুৰাগীজনৰ হাতত প্ৰহাৰ কৰে ৷ তাৰ পিচত অনুৰাগীৰ হাতত থকা মোবাইল ফোনটো কাঢ়ি লৈ ভিৰৰ ফালে দলিয়াই দিয়ে । ইয়াৰ পিচত আদিত্যই তাৰ পৰা আগলৈ গুচি যায় আৰু আকৌ গান গাবলৈ আৰম্ভ কৰে । অৱশ্যে আদিত্যই কিয় এনে কৰিলে সেয়া এতিয়াও স্পষ্ট হোৱা নাই । কিন্তু আদিত্যৰ এই আচৰণত ক্ষুব্ধ হৈ পৰিছে অনুৰাগী ।
আদিত্যক লৈ ক্ষুব্ধ ব্যৱহাৰকাৰী
এজন ব্যৱহাৰকাৰীয়ে লিখিছে ,‘‘ইয়াৰ পূৰ্বেও ৰায়পুৰ বিমানবন্দৰৰ গ্ৰাউণ্ড ষ্টাফৰ লগত আদিত্যই অসৎ আচৰণ কৰিছিল ।’’ একে সময়তে একাংশ লোকে তেওঁৰ আচৰণক অতি বেয়া বুলি অভিহিত কৰিছে । এজন ব্যৱহাৰকাৰীয়ে লিখিছে, ‘‘তেওঁ কিহৰ বাবে ইমান গৌৰৱ কৰে ? অনুৰাগীজনৰ ফোনটো পেলাই দিলে ।’’
উল্লেখ্য যে, ইয়াৰ পূৰ্বেও যেতিয়া আদিত্য চত্তীশগড়লৈ গৈছিল, তেতিয়াও তেওঁ বিতৰ্কৰ মাজত সোমাই পৰিছিল । তেতিয়া ৰায়পুৰত বিমানবন্দৰৰ কৰ্মচাৰীৰ সৈতে বাক বিতণ্ডাত লিপ্ত হৈছিল । ২০১৭ চনত তেওঁৰ এটা ভিডিঅ’ ভাইৰেল হৈছিল, য’ত তেওঁক কৰ্মচাৰীৰ সৈতে তৰ্ক কৰা দেখা গৈছিল ।
লগতে পঢ়ক: খঙত অগ্নিশৰ্মা হৈ এজন লোকক এলভিছে সোধালে চৰ, চাওক ভিডিঅ’
